Mámleketlik test orayı

2022-06-29 07:07:06 Mayıplıǵı bolǵan abiturientlerdiń dıqqatına!

Málim bolǵanınday, joqarı oqıw orınlarınıń bakalavriat tálim baǵdarlarına abituriyentlerdi dizimge alıw Mámleketlik test orayınıń my.dtm.uz saytı arqalı onlayn ámelge asırılmaqta.

Bunda mayıplıǵı bolǵan abiturientlerdiń mayıplılıq boyınsha maǵlıwmatları Respublika medicinalıq-sociallıq ekspertiza inspekciyasınıń bazası – “TMEK” programmasınan real waqıt rejiminde alınbaqta.

Bıraq ayırım mayıplılıǵı bolǵan abiturientlerdiń maǵlıwmatları “TMEK” programmasınan real waqıt rejiminde kelmey atırǵanı sebepli my.dtm.uz saytınan mayıplılıq boyınsha jeńillik maǵlıwmatların kiritiw múmkinshiligi jaratıldı.

Eger Sizdiń mayıplılıq boyınsha maǵlıwmatlarıńız “Meniń jeńilliklerim” bóliminde shıqpay atırǵan bolsa, “Mayıplıq haqqında maǵlıwmatnama” bólimine kirip, ózińizdiń mayıplılıq boyınsha maǵlıwmatlarıńızdı kiritiwińiz múmkin.

Eger Sizde kózi ázzi kategoriyasındaǵı mayıplılıq bar bolsa, mayıplılıq maǵlıwmatların kirgiziw menen birge “Ko‘zi ojiz” belgisin belgilewdi umıtpań.

Kiritilgen maǵlıwmatlar Respublika medicinalıq-sociallıq ekspertiza inspekciyasına jiberiledi hám maǵlıwmatları tastıyıqlanǵan abiturientlerdiń jeńilligi inabatqa alınadı.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-29 07:06:26 Qabıllaw parametrleriniń tiller kesimindegi bólistiriliwi my.dtm.uz saytına jaylastırıldı

2022-2023-oqıw jılı ushın maqsetli qabıllaw parametrleri hám qabıllaw parametrleriniń tiller kesimindegi bólistiriliwi Mámleketlik test orayınıń my.dtm.uz saytına jaylastırıldı.

Bunnan bılay abiturientler my.dtm.uz saytınıń “Joqarı oqıw orınlarınıń bakalavriatına qabıllaw” bólimi arqalı pánler kompleksi hám izbe-izligi birdey bolǵan beske shekemgi bakalavriat tálim baǵdarların tańlawları múmkin.

Abiturientlerdi onlayn dizimge alıw usı jıldıń 20-iyulına shekem (20-iyul kúni de) dawam etedi. Shet tilinen kásiplik (dóretiwshilik) imtixan ótkeriletuǵın bakalavriat tálim baǵdarlarına dizimge alıw bolsa 10-iyulǵa shekem (10-iyul kúni de) ámelge asırıladı.

Usı muddet dawamında abiturientler óz maǵlıwmatların ózgertiwleri hám shet tilinen milliy yamasa xalıqaralıq sertifikatqa iye bolatuǵın bolsa, sertifikat maǵlıwmatların sistemaǵa kiritiwleri múmkin.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-23 12:49:56 Mámleketlik test orayı puqaralardı volontyor sıpatında birge islesiwge shaqıradı

Ministrler Kabinetiniń 2022-jıl 11-apreldegi “Volontyorlıq iskerligin jánede qollap-quwatlaw is-ilajları haqqında”ǵı 169-sanlı qararı menen Mámleketlik organlardıń wazıypaları hám funkciyaların volontyorlar arqalı salıstırmalı túrde nátiyjeli hám únemli formada ámelge asırıw tártibi boyınsha úlgi reje tastıyıqlanǵan.

Mámleketlik test orayı usı qarar hám rejeden kelip shıqqan halda Mámleketlik test orayı tárepinen ótkeriletuǵın test sınaqların sıpatlı shólkemlestiriw maqsetinde belgilengen wazıypa hám funkciyalardı nátiyjeli hám únemli formada ámelge asırıw ushın 18 jastan 45 jasqa shekemgi bolǵan puqaralardı volontyor sıpatında birge islesiwge shaqıradı

Mámleketlik test orayınıń rásmiy veb-saytına volontyorlıq boyınsha reje, kórsetpe, volontyorlar kerek bolatuǵın baǵdarlar dizimi hám basqa maǵlıwmatlar jaylastırılǵan bolıp, puqaralar https://dtm.uz/page/volontyor siltemesi arqalı usı maǵlıwmatlar menen tanısıwları múmkin.

Volontyor sıpatında Mámleketlik test orayı menen birge islesiwdi qálewshi talabanlardan ózleri haqqındaǵı maǵlıwmatnama (obyektivka)sın 10-iyulǵa shekem Mámleketlik test orayınıń men_volontyorman@dtm.uz elektron pochta mánziline jiberiwlerin soraymız.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-23 12:49:13 Járdemge mútáj shańaraqlardaǵı hayal-qızlarǵa beriletuǵın usınısnamalardıń ámel qılıw múddeti

Ministrler Kabinetiniń 2020-jıl 23-iyundaǵı 402-sanlı qararı menen tastıyıqlanǵan nızamǵa muwapıq usınısnamalar joqarı maǵlıwmat alıwdı qálewshi járdemge mútáj shańaraqlardaǵı hayal-qızlarǵa bir jılǵa beriledi.

Biraq, 2020-jılda berilgen usınısnamalar rásmiylestirilip berilgen sáneden baslap 3 jıl múddet dawamında ámel etiwi belgilengen.

Demek, járdemge mútáj shańaraqlardaǵı hayal-qızlarǵa berilgen usınısnamalardıń ámel etiw múddeti tómendegishe:

2020-jılda berilgen usınısnamalar— 3 jıl;
2021-jılda berilgen usınısnamalar— 1 jıl;
2022-jılda berilgen usınısnamalar— 1 jıl.

Esletpe: Usınısnama mámleketlik grant tiykarında ajıratılǵan qosımsha tórt procentli qabıllaw kórsetkishleri sheńberinde járdemge mútáj shańaraqlardaǵı hayal-qızlardıń abiturient sıpatında dizimnen ótiwinde tańlaǵan birinshi tálim baǵdarı boyınsha tańlawda qatnasıw huqıqın beredi.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-14 15:55:53 Shet tilin biliw dárejesin anıqlaw test sınaǵı ótkeriletuǵın orınlar

2022-jıl 16-17-18-iyun kúnleri barlıq aymaqlarda shet tilin biliw dárejesin anıqlaw test sınaqları bolıp ótedi.

Test tapsırıwshılarǵa qolaylıq jaratıw maqsetinde test sınaǵı ótkeriletuǵın orınlar haqqındaǵı maǵlıwmatlar hám olardıń geolokaciyaları qáliplestirildi.

Talabanlar bul maǵlıwmatlar menen tómendegi silteme arqalı tanısıwları múmkin: https://telegra.ph/Chet-tili-06-14.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-14 06:35:45 Shet tili imtixanı sáneleri jariyalandı

Shet tilin biliw dárejesin anıqlaw ushın ótkeriletuǵın test sınaǵı sáneleri jariyalandı.

Oǵan muwapıq, test sınaǵınıń jazba bólimi 16-17-18-iyun kúnleri, sóylew kónlikpesin bahalaw imtixanları 20-28-iyun (26-iyunnan tısqarı) kúnleri ótkeriledi.

Test sınaqları barlıq aymaqlarda, Qaraqalpaqstan Respublikası, wálayatlar hám Tashkent qalasında bolıp ótedi.

Talabanlar imtixan ornı, kúni hám anıq waqtın my.gov.uz saytı arqalı “Mening arizalarim” bóliminen biliwleri hám ruxsatnamanı júklep alıwları múmkin.

Talabanlardan test sınaǵı ótkeriletuǵın aymaqqa belgilengen waqıttan keminde yarım saat aldın shaxsın tastıyıqlawshı hújjet penen keliwleri soraladı.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-07 14:07:35 Diagnostikalıq test materiallarına buyırtpa bergen talabanlar dıqqatına!

Mámleketlik test orayı tárepinen diagnostikalıq test materiallarına buyırtpalardı qabıl qılıw 30-may kúni toqtatılıwı haqqında xabar bergen edik.

Diagnostikalıq test tapsırmaların islegen talabanlar ózleriniń nátiyjelerin biliw ushın belgilegen juwapların Mámleketlik test orayına beriwleri tiyis.

Sol sebebli diagnostikalıq test materiallarına buyırtpa berip, onı alǵan talabanlardan juwap betlerin 2022-jıl 15-iyunǵa shekem beriwlerin soraymız.

Bunda juwap betlerin Mámleketlik test orayı yamasa onıń Qaraqalpaqstan Respublikası hám wálayatlardaǵı aymaqlıq bólimlerinen birine alıp kelip tapsırıwı múmkin.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-01 06:39:01 e-DTM sisteması jetilistirildi

Mámeketlik test orayı tárepinen abiturientlerdiń pikirin belgilew maqsetinde Mámleketlik test orayınıń rásmiy telegram kanalında e-DTM sisteması boyınsha sorawnama ótkerilgen edi.

Bul sorawnamada kópshilik tárepinen test tapsırıwshılarǵa hár bir pán boyınsha óz aldına buyırtpa beriw ornına 5 pán boyınsha bir test kitapshası halında buyırtpa beriw qolaylı ekenligin bildirildi.

Usı sebepli abiturientlerge qolaylıq jaratıw maqsetinde e-DTM sisteması (@e_dtm_bot telegram botı) jetilistirilip, test tapsırmalarına buyırtpa beriw jánede ápiwayılastırıldı.

Endi abiturientler @e_dtm_bot telegram botı arqalı 1- hám 2-qánigelik pánlerin tańlaǵan halda 2 qánigelik pán hám 3 májbúriy pán boyınsha test tapsırmaların bir test kitapshası halında buyırtpa qılıwları múmkin.

Bunda bir waqıttıń ózinde bir neshe test tapsırmaları kitabına buyırtpa beriw imkaniyatı bar.

Nátiyjelerdi bolsa bot arqalı onlayn túrde sol waqıttıń ózinde bilip alıwları múmkin.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-06-01 06:36:11 Jalǵan maǵlıwmatlarǵa isenbeń

Barǵan sayın túrli oqıw orayları hám saytlar tárepinen diagnostikalıq test xızmeti jolǵa qoyılǵanlıǵı haqqında daǵazalar kóbeyip barmaqta.

https://dtm.uz/post/view/yolg-on-ma-lumotlarga-ishonmang

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash

2022-05-27 07:22:45 Mámleketlik test orayı iskerligine baylanıslı máseleler boyınsha dawıslı chat

2022-jıl 27-may (juma) kúni 15:00 de Mámleketlik test orayınıń telegramdaǵı rásmiy kanalı (@dtmuzb) arqalı Dawıslı chat ótkeriledi.

Dawıslı chatta tiykarǵı spiker sıpatında Mámleketlik test orayı direktorı orınbasarı Sardor Radjabov qatnasadı.

Bunda Mámleketlik test orayı iskerligine baylanıslı máseleler boyınsha sorawlarǵa juwap beriledi.

Dawıslı chat dawamında qatnasıwshılar qol kóteriw funkciyasınan paydalanǵan halda ózlerin qızıqtırǵan sorawların beriwleri múmkin boladı.

Mámleketlik test orayınıń rásmiy betleri:
Telegram | Facebook | Instagram | YouTube Ochish/sharhlash