2022-07-14 11:20:19
Kimlar abituriyent sifatida oʻqishga topshira olishadi? OTMlarning bakalavriat bosqichiga quyidagilar hujjat topshira olishadi:
Umumiy oʻrta taʼlimning 11-sinfini tugatganlar.
Bunda barcha maktablar, shu jumladan Prezident va ijod maktablari, ixtisoslashgan va harbiy maktablar, litseylar, gimnaziyalar, xullas barchasi kirib ketadi. Muhim jihati albatta 11-sinf negizida shahodatnoma boʻlishi kerak, 10-sinfni tugatib topshirib, talaba boʻlib oʻqish imkoni yoʻq;
Oʻrta maxsus va kasb-hunar taʼlimi muassasasini tugatganlar.
Bunda akademik litseylar, kasb-hunar kollejlari, kasb maktablari va texnikumlar kiradi. Bunda ham toʻliq tugagan va diplom berilgan boʻlishi kerak. Kimlardir 3 yillik, kimlardir 2 yillik oʻqigan boʻlishi mumkin;
Oliy taʼlimda oʻqiyotgan talabalar.
Bunda hozirda
Oʻzbekistondagi davlat yoki nodavlat, shuningdek
xorijdagi OTMlarda talaba boʻlib oʻqiyotganlar maktab, litsey, kollej va h.k. diplomlari bilan oʻqishga hujjat topshirishlari mumkin. Oʻqishga kirgan taqdirda qayerda oʻqishini oʻzi tanlaydi, xohlasa hozirgi talabaligini davom ettiradi, xohlasa yangi kirgan joyida oʻqiydi.
Talabalarning oʻqishga topshirishi hech qanday muammo
(masalan, oʻqishdan chetlatish) olib kelmaydi. Ammo Sizlardan iltimosim, shunchaki oʻyin uchun topshirib oʻtirmang, mabodo oʻqishga kirsangizu, keyin tashlab ketsangiz,
bitta abituriyent joyini behudaga band qilgan boʻlasiz, keyinchalik boʻshab qolgan oʻringa hech kimni olishmaydi;
OTMlarni tugatgan diplomli oliy maʼlumotlilar.
Allaqachon bir marta oliy maʼlumot olib boʻlgan shaxslar ham bemalol yana qayta bakalavriat bosqichiga hujjat topshirib koʻrishlari mumkin. Ular ham xuddi hozirgi talabalar singari maktab, litsey, kollej va h.k. diplomlari bilan oʻqishga hujjat topshirishadi, universitet diplomi bilan emas. Bu yerda yana bir jihat, amaldagi qonunchilikka koʻra, bir marta oliy maʼlumot olib boʻlganlarning
(grant yoki kontraktda oʻqiganligidan qatʼi nazar) ikkinchi marta talaba boʻlishi
faqat toʻlov-kontrakt asosida boʻladi. Yaʼni ular grantga daʼvogarlik qila olmaydi, kirsa ham faqat kontraktda oʻqishadi.
Xullas, mana shu yuqoridagi 4 ta toifadagi shaxslar bemalol my.dtm.uz
sayti orqali abituriyent sifatida hujjat topshirib koʻrishlari mumkin. Barchaga omad!
xushnudbek
Muvaffaqiyatlilar safida boʻling https://t.me/joinchat/VX-2v9yV40J6V8FV
https://t.me/joinchat/VX-2v9yV40J6V8FV
2.6K views08:20