Drabblar (Qisqa hikoyalar)✍️

2021-02-12 06:17:51 Jurnalist: Nimaga bu qadar muvaffaqqiyatlisiz?

Mehmon: Muvaffaqqiyatsiz bo'lib ko'rdim. Yoqmadi.

Og'abek Ro'zmetov

@drabblar Ochish/sharhlash

2021-02-12 05:44:42 Садоқат

Қайғули кунларингизда сизнинг ёнингизда бўлган шахс бахтиёр кунларингизда сизнинг ёнингизда бўлган шахсдан кўра сиз билан бирга бўлишга ҳақлироқдир.

Каналга уланиш учун
https://t.me/XONQA_BOSH_MASJIDI Ochish/sharhlash

2021-01-25 10:02:44 Modesty/kamtarlik

@drabblar Ochish/sharhlash

2021-01-06 08:38:46 Ba'zi bir insonlardan ko'ra itlar vafo neligini bilishadi.
Videoni boshidan oxirigacha ko'ring, va xulosa chiqaring.

@PSIXOLO Ochish/sharhlash

2021-01-04 22:04:37 Bosh qahramon

Bu safar drabb emas, o'zim hamisha qiyin vaziyatga tushib qolganimda yoki katta tavakkal qilish arafasida turganimda qo'llaydigan bir texnika haqida yozmoqchiman. Ketdik:

Hammamiz yoshligimizdan ertaklar, she'rlar o'qib, eshitib katta bo'lganmiz. Ulg'ayganimiz sayin ertak, hikoyalar - kino va romanlar bilan almashinib boradi. Ko'pchilik uchun haqiqat bo'lgan narsa shuki, biz hikoya, roman yoki kino bo'lsin uning oxiri yaxshilik bilan tugashi tarafdori bo'lamiz va bu bevosita asar bosh qahramonlarining harakatlari, qarorlariga bog'liq. Ammo hikoyalar har doim ham biz o'ylaganday yakun topmaydi chunki biz bosh qahramonlar qarorlariga ta'sir ko'rsata olmaymiz. Nega desangiz bu KINO, HAYOT emas. Kino avvaldan suratga olingan bo'ladi va unda nima bo'lishini biz boshqara olmaymiz. Lekin biz har kuni Bosh qahramon rolini o'ynaydigan bir Kino, Hikoya (nima deb atasangiz atang) bor va bu hikoyada biz bosh qahramonlarmiz, biz qanday qaror qabul qilishni o'zimiz tanlaymiz, har kuni, har soatda, har minutda ! Shunday ekan agarda biror bir qiyin vaziyatga duch kelsangiz o'zingizga savol bering:

-Agar hayotim kino bo'lsa-yu men bosh qahramon bo'lsam, bu vaziyatda o'sha bosh qahramonim o'zini qanday tutishini xohlagan bo'lardim?

Og'abek Ro'zmetov

@drabblar Ochish/sharhlash

2020-12-24 05:53:29 Бошланишига артист ва ашулачилар эркакларни енгил табиат бўлишга дават қилишди.
Клипларда эркаклар қизларни кетидан ялиниб юриши кўп кўрсатилди.
Кейин сартарош хезалак эркаклар пайдо бўлди, аёлларни сочини силайдиган.
Кейин тик токер хезалак эркаклар пайдо бўлди.
Кейин гей эркаклар пайдо бўлди.
Қарабсизки жамиятда
1. Қаттиққул
2. Ғурурли
3. Оилани бошқара оладиган
4. Важохатли эркаклар камайиб кетди.
Аёл киши ўзидан кучли ва иродали эркакни яхши кўради.
Хезалак эркаклар аёл киши учун қул вазифасини ўртайди.
Яшасин хақиқий рижол эркаклар.
Охиратнинг аломатларидан бири, бир эркакда 50 та аёл бўлиши.
Яни хақиқий иродали эркаклар дефецитга айланади.

***

- Биродарлар!
Аёлингиз билан социал тармоқларда бирга чиқишни бас қилинглар. Аёлларингизни фотоларини инстаграм ва фейсбукка қўйдирманглар.
Охиратга оз қолди.
Аёл аёллигини қилсин.
Эркак, шерлардек ғурурли бўлсин!

Аёл, хақиқий эркакка ўзини бағишлайди!



Oilaga aloqador kanaldan olindi

@drabblar Ochish/sharhlash

2020-09-12 16:08:57 Do’zahning fikrlar halqasi

Miyaning bir makkor qilig’i bor, agar qo'yib bersang, seni mutlaqo aqldan ozdiradi. Hozirgi holat senga ham tanish bo’lsa ayt:
…Hayotingdagi bir odam bilan to’qnash kelish haqida tashvishlanasan. O’sha tashvishlanish seni qiynaydi va “nimaga tashvishlanyapman o’zi!? “deb o’ylay boshlaysan. Qarabsanki, tashvishlanishing haqida tashvishlanyapsan. –O’ Yo’q! Ikki barobar tashvishlanish! Ko’rdingmi endi tashvishlanish haqida tashvishlana boshlading, bu esa yana qo’shimcha tashvish keltirib chiqaryapti. - “Bo’l tez, viskini olib kel! “
Yoki asab bilan bog’liq muammolaring bor deylik. Eng ahmoqona, mayda narsalarni deb ham asabiylashasan, jahling chiqadi va nimaga bundayligini bilmaysanam. Va bu daraja tez asabiylashib jahling chiqishi seni yanayam asabiylashtiradi. Undan keyin, har safar ozgina asabiylashgan payting, har doim jahl otida yurish seni yengiltak va pastkash odam qilishini anglaysan va buni yomon ko’rasan. Buni shunday yomon ko’rasanki o’zingga-o’zing jahl qilasan. Endi o’zinga bir qara: Jahling chiqishi haqida o’ylab jahling chiqqani uchun jahling chiqyapti. –Lanati, devor! Ol! mushtimdan bir ta’tib ko’r!
Va yoki to’g’ri ishni qilish haqida shu daraja qayg’urasanki bu qadar qayg’urishing haqida qayg’ura boshlaysan. Yoki qilgan har bir xatoying uchun o’zingni aybdor his qilasan va bu qadar aybdor his qilishingni o’ylab o’zingni aybdor his qila boshlaysan. Yoki ko’pincha yolg’iz va xafa kayfiyatda yurasan va bu haqida o’ylash seni yanayam yolg’iz va xafa qiladi.
Do’zahning fikrlar halqasiga XUSH KELIBSAN! Katta ehtimol bilan bunday holatlargan hayotingda ko’p marta duch kelgansan. Balkim hozir ham shunday bo’lib turgandir: “Ey Xudo, men hammavaqt do’zahning fikrlar halqasida yurgan ekanman – naqadar omadsizman-a! Buni to’xtatishim kerak! O’ yo’q, o’zimni omadsiz deb chaqirganim uchun o’zimni omadsizday his qilyapman! O’zimni omadsiz deb chaqirishni to’xtatishim kerak. Ah, lanati! Yana shunday qilyapman! Ko’rdingmi!? Men omadsizman! Ahh!
O’zingni bos, jo’ra. Xoh ishon xoh ishonma, bu odamlarga xos go’zallikning bir ko’rinishi.

Og'abek Ro'zmetov tarjima qildi.

Mark Mansonning " Beparvolikning nozik san'ati" kitobidan

@drabblar Ochish/sharhlash

2020-07-31 06:14:52 Qadrli Kanal A'zolari, Muhlislarim!
Barchangizni Iyd al-adha-Qurbon Hayiti Qutlug' ayyomi bilan Tabriklayman!Yurtimiz Tinch Osmonimiz Musaffo,Omad Va Baht Hamisha Hamrohimiz bo'lsin
@drabblar Ochish/sharhlash

2020-07-06 08:13:21 O'lim xati

...Mana ertaga omonatni topshiradigan bo'lib turibmiz. Shuncha yil o'tib ketibdi, bilmay qolasan ekan kishi. Umr deganlari oqar daryo ekan. Ishonging kelmaydi! Yana 24 soat va tamom! Shuncha yil o'lmaydiganlarday yashabmiza, qiziq, juda qiziq! Inson vafoti oldidan nimalar haqida o'ylarkan deb qiziqardim, mana, mana hozir o'zim shu holatda turibman. Nimalar haqida o'ylayapman-mi !? Ko'o'p narsalar haqida. Masalan :
- Umrning qanchalar qisqaligi va tez uchib ketishi haqida
- Hayotning qanchalar aldamchi ekani, unga berilib ketgan kishi oxir oqibat arosatda qolishi muqarrar ekani haqida
- Hayotdan ma'no izlagan kishi oxir oqibat faqat izlash bilan bo'lib uni yashamay o'tib ketishi haqida
- Mol-dunyo, hashamat, boylik, hamma hammasi o'tkinchiligi haqida
-Ish, ro'zg'or tashvishlari deb, aslida bularni kim uchun nima uchun qilayotganimni unutib qo'yganim haqida
- Ota-Onam borligida e'zozlab, hurmatini joyiga qo'yolmaganim, arzimagan narsalarni deb ulardan xafa bo'lganlarim yoki xafa qilganlarim haqida
- Hayotga berilib ketib, aslida men uchun aziz bo'lgan insolarimni qadrlamaganim, yetarlicha mehr va e'tibor bera olmaganim haqida
- Hayotda qo'rqoqlarcha yashaganim, o'zim xohlagan narsalar uchun jon-jahdim bilan kurashmaganim, odamlarning men haqdagi fikrlarini o'ylab behuda xavotirlanganim haqida
- O'zim uchun kurasholmaganim, o'zim xohlagan gapni aytmolmaganim, o'zim xohlagan narsani so'rolmaganim haqida
-Va oxirda bularning hammasi o'lim oldida hech narsa emasligi haqida

Ha, ko'o'p narsalar haqida. Ammo endi kech, afuslanish befoyda. Agar imkonim bo'lganda 20 yoshli o'zimga shunday degan bo'lardim:

-Hey, yigit, tur o'rningdan! Hech nima haqida o'ylama, maqsadlaring uchun kurash, hayotdan ma'no izlama, faqatgina yasha, mardlarcha!
- Umrning qisqaligi, daryoday oqib ketishini unutma!
- Hayotning past-u balandini o'ylab kuyunma! Quvonch kelsa ham, qayg'u kelsa ham birdek qabul qil, zero ikkisi ham o'tkinchi!
- Yaqin insonlaring, ota-onang, aka-ukang, yor-u do'sting uchun qo'lingdan kelganini qil, borligida qadriga yet, ardoqla!
-Odamlarning fikri, jamiyat "Standartlari" haqida boshingni qotirmay qo'ya qol, chunki ular har doim o'zgaradi!
- Hayotdan nolinib o'tirmay, o'zingni qo'lga ol! Kuchli bo'lish istasang hayoting uchun to'liq javobgar bo'l va zinxor o'zingni "hayotning qurboni" dek tuta ko'rma!
-Doimiy yaxshilik qil, oilang uchun, jamiyating uchun, yurting uchun! Yiqilganni turg'iz, baxtsizning ko'nglini ko'tar, umidsizga umid ber!
-O'limning achchiq lekin qudratli haqiqatini tan ol! Qadriyatlaringni belgilaganda va qaror qabul qilganingda bu achchiq haqiqatni yodingda tut!

Og'abek Ro'zmetov

t.me/drabblar Ochish/sharhlash

2020-05-26 21:53:24 Kechirim va Rahmat

" Meni kechir - Seni ko'p azoblarga yo'liqtirdim, Seni ko'p qiyinchiliklarga
ro'baro' qildim, Seni eshitishim kerak payti eshitmadim, seni o'ylashim kerak payti esa boshqalarni o'yladim, Senga loyiq baho berib qadrlay olmadim, Seni o'tga-cho'qqa urdim, Sendan o'zingda boridan ko'prog'ini talab qildim, Seni boringcha qabul qilib sevolmadim, Seni tanqid qildim, Sendagi yaxshi fazilatlardan ko'ra yomonlariga ko'proq e'tibor qaratdim, ammo

Senga rahmat - Yillar davomida yonimda turganing, meni qo'llab quvvatlaganing uchun, Garchi xatolar qilsam-da mendan voz kechmaganing, doimo men bilan qolishni tanlaganing uchun, Seni qiyinchiliklarga yo'liqtirsam, o'tga-cho'qqa ursam ham men uchun hammasiga chidaganing uchun, Senga bergan azoblarimga qaramasdan meni sevishda davom etganing uchun,
Senga rahmat - Tanqid-u dakkilarimga chidaganing, ta'nalarimni ko'targaning uchun, Odamlar keldi, ketdi, yolg'iz qolgan paytlarimda ham men bilan bo'lib yolg'iz qoldirmaganing, meni borligimcha yaxshi ko'rolganing hamma-hammasi uchun senga katta rahmat" - dedi u oynadagi aksiga boqib...

Og'abek Ro'zmetov

t.me/drabblar Ochish/sharhlash