Жигарларим Дунё учун бағишладик вақтимизни, Бир кўришиб айтолмаймиз дардимизни, Телефонга боғлаб қўйиб қадримизни, Жигарларим, оқибатни йўқотмайлик! Меҳр билан илинардик кулча нонни, Кулгуларга тўлдирардик ҳар томонни, Опа-синглим, ака-укам соғ-омонми, Жигарларим, оқибатни йўқотмайлик ! Имкон топиб яқинларни йўқлаб қўйинг, Жон омонат дийдорингиз кўриб тўйинг, Баҳоналар топманг энди гапни қўйинг, Жигарларим, оқибатни йўқотмайлик! Ака-ука бирлашганда бўлар қанот, Бир-бирларин қўлласинлар олиб нажот, Инсонга бир берилганку ахир ҳаёт, Жигарларим, оқибатни йўқотмайлик! Қондошларсиз ўтмас сира тўй-тантана, Бир йиғилсак бўлиб кетар шодиёна, Ташвишларга бош қўямиз кейин яна, Жигарларим, оқибатни йўқотмайлик ! Меҳр оқар томирдаги қонимизда, Сингилларни ҳолин сўраб боримизда, Ота-онам дуо қилсин ёнимизда, Жигарларим, оқибатни йўқотмайлик! Суғдиёна Дори-Дармон изловчи бот! @DoriizlaBot Биз сиз хақингизда қайғурамиз! Каналга обуна бўлиш @Dorixona_Apteka_Pharmacy 13.5K views15:36
