Тил куйганда қандай йўл тутиш лозим? Одатда биринчи даража | ТАБЛЕТКА
Тил куйганда қандай йўл тутиш лозим?
Одатда биринчи даражали куйиш иссиқ таомлар ёки ичимликлар туфайли, иккинчи ва учинчи даражали куйишлар кўпинча кислота ёки ишқор ичиб қўйиш натижасида юзага келади.
Иккинчи ва учинчи даражали куйишларда, тилнинг куйган жойларида қавариқ ва қораймалар бўлса ёки 7 кунгача тузалмаса, тил шишиб қолса, зудлик билан шифокорга мурожаат қилиш керак.
Кичик куйиш жароҳатларида оғиз бўшлиғини совуқ сувда чайиш ва совуқ сувни ҳарорати ўзгаргунча оғизда ушлаб туриш ҳароратни камайтиришга ёрдам беради. Бу ишни йогурт ёки совуқ сут билан ҳам амалга ошириш мумкин. Ментолли сақичлар тилнинг совуққа сезгир рецепторларини қўзғатиб, оғриқни камайтиради.
Тил куйганда шўр, нордон таомлар, кислотали маҳсулотлар, помидор, цитрус мевалар, картошкали чипслар, тузламалардан воз кечиш лозим.
