2021-08-12 07:01:02
Xorijiy davlatlardan o‘qishni ko‘chirish bo‘yicha ariza topshirganlar diqqatiga!
Ma’lumki, talabalar o‘qishini
xorijiy mamlakatlarda faoliyat yuritayotgan oliy ta’lim tashkilotlaridan O‘zbekiston Respublikasi
davlat oliy ta’lim muassasalarining mos va turdosh ta’lim yo‘nalishlariga ko‘chirish bo‘yicha arizalar
15-iyuldan 5-avgustga qadar transfer.dtm.uz sayti orqali onlayn amalga oshirildi.
Mazkur muddat davomida onlayn ariza topshirgan talabgorlarning ma’lumotlari
Oliy va o‘rta maxsus ta’lim vazirligi hamda
oliy ta’lim muassasalari tomonidan tekshirilib, belgilangan talablarga to‘g‘ri kelganlari
“qabul qilindi”, to‘g‘ri kelmaganlari esa
“rad etildi”.
Belgilangan talablarga to‘g‘ri kelmaganligi sababli
arizasi rad etilgan talabgorlarga arizalarni qabul qilish yakunlangandan so‘ng ham qayta ariza yuborishlari uchun
qo‘shimcha imkoniyat berildi.
Xorijdan o‘qishni ko‘chirish bo‘yicha onlayn ariza topshirgan va
arizasi qabul qilingan talabgorlarga test sinovida ishtirok etish uchun
bazaviy hisoblash miqdorining yarim baravari (122.500 so‘m) miqdorida to‘lovni amalga oshirish uchun
invoys shakllantirildi.
Arizasi qabul qilingan talabgorlar
transfer.dtm.uz sayti orqali shaxsiy kabinetidan invoysni yuklab olishlari va
Click,
Payme,
UPAY,
Paynet kabi
elektron to‘lov tizimlari yoki
bank kassalari orqali
14-avgustga qadar to‘lovni amalga oshirishlari mumkin.
Test sinovlari uchun to‘lovni belgilangan muddatda amalga oshirmagan talabgorlarning arizasi inobatga olinmaydi va
test sinovlarida ishtirok eta olmaydi.
➥Barcha abituriyentlarga tarqating!
@Dolzarb_DTM
Batafsil ma'lumot: https://t.me/joinchat/5LEUGpyDXXs2YjRi
11.0K views04:01