Doktor Feruz | Ongli ozish

2022-10-06 05:35:22 Кам калория — доимий ёшлик ва узоқ умр гарови!

Калория истеъмолини 30% га қисқартириш билан умр кўриш давомийлигини 1,5 бараварга ошириш мумкин. Олимлар бу ҳақиқатни ХХ асрнинг биринчи ярмида нематода халқали чувалчангларида, чивинларда ва лаборатория сичқонларида исботлаганлар. 

Озиқ-овқат миқдорини камайтириш метаболизмни (моддалар алмашинуви) секинлашишига ва ДНКни мутациясига олиб келадиган эркин радикаллар сонини камайишига олиб келади. 

Ёки бўлмаса рўза тутиб туриш генларнинг фаоллигини билвосита ўзгартиради. Нью-Йорк университети қошидаги Лангон тиббиёт марказининг тадқиқотчилари 2014 йилда кам калориялик рационда бўлган сичқонларни қариш ва хотира сифати учун масъул бўлган 900 га яқин турли хил генларининг ишини тўхтатилишини аниқлаганлар.

Бу ҳақида билармидингиз?

@doktorferuz Ochish/sharhlash

2022-10-05 07:30:30 Айтганча, изоҳларни очиб қўйдим!
Муносабат белгилари эса доим очиқ) Ochish/sharhlash

2022-10-05 07:26:53 Егуликларни калориясини камайтиришга 10 та ечим!

1. Ёғсиз гўшт сотиб олинг.
2. Ёғлилиги кам бўлган сут ва сут маҳсулотлари истеъмол қилинг.
3. Оддий углеводларни мураккабига алмаштиринг.
4. Тухумни сувда пишириб истеъмол қилинг.
5. Товага (сковородка) ёғ қуйишни бас қилинг. Ҳозир ёғ сепадиган махсус буюм бор ёки бир чой/ош қошиқдан ортиқ солманг.
6. Енгил тамадди қилиб олиш ортиқча калория қабул қилиш дегани. "Перекус" қилманг!
7. Шакардан бутунлай воз кечинг.
8. Салатга майонез ўрнига ёғлилиги кам бўлган сметана қўшинг.
9. Ўзида рекорд даражада шакар сақлайдиган газли сувлар, Кока-Кола, Фанта ва ҳ.к.ларни ичманг.
10. Умумий овқатланиш жойларида таомни ўзингизга мослаб беришини талаб қилинг! Масалан: "ёғсизроқ бўлсин", "гарнири камроқ, кўкати кўпроқ" ва шу кабилар.

@doktorferuz Ochish/sharhlash

2022-10-04 05:07:01 #Табассум
Жудаям фойдали, ҳам мазали бўлган машқ топиб олдим...

@doktorferuz Ochish/sharhlash

2022-10-02 04:59:29 Овқатни кўп еб қўймаслик учун нима қилиш керак?

Оддий усулдан фойдаланамиз! Таомланишдан олдин тўйиб суюқлик (сув, чой) ичинг, бироз вақт ўтсин (тахминан 10 дақиқа), кейин таомланишни бошланг. Бу исботланган энг оддий усул бўлиб, одатдагидан камроқ ейшингиз аниқ.

@doktorferuz Ochish/sharhlash

2022-10-01 05:22:53 Курс тугагач вазн, бел айланаси ва бошқа кўрсаткичлар бўйича рейтинг эълон қилинади. Анонимликни сақлаган ҳолда, шунчаки сонларда кўрсатилади.

Унда энг кўп ва кам нечи кг вазн ташашди, ўртачаси нечи кг'ни ташкил қилди ва шу каби маълумотлар билан батафсил бўлишаман.

Қисқаси, таҳлил қилиб, сизлар билан бўлишаман.

@doktorferuz Ochish/sharhlash

2022-10-01 05:14:45 "Онгли озиш ва Таомланиш илми" курсини қандай кетаётганини сўраганлар учун. Бу ерда 2–ҳафтани охиридаги гаплар. Ўзи тугамагунча курс ҳақида қатнашувчиларни фикрларини жойламайман деган эдим, қайта-қайта сўралганига жойладим.

Худо хоҳласа курс тугагач батафсил натижаларни эълон қиламан. Курсни ҳаммалари хурсанд бўлиб тамомлашларини, манфаатли бўлишини, юзимизни ёруғ қилишини Аллоҳдан сўраб қоламан.

Курс тугагач изоҳлар ҳам очилади ва қатнашганлар билан бемалол фикр алмашишингиз мумкин бўлади.

Ҳурмат билан @doktorferuz Ochish/sharhlash

2022-09-30 23:30:07 Устозларим, борингизга шукур!
Бизларни камолотга етказишдаги хизматларингиз буюк ва бебаҳо!

Аллоҳ таоло берган билимларингизни ҳар бир ҳарфига беҳисоб ажр-у ҳасанотлар ёзсин!

@doktorferuz Ochish/sharhlash

2022-09-30 07:09:02 #Лайфхак
Овқатни тез ҳазм қилиш усули

Таомни камроқ истеъмол қилсангиз тезроқ ҳазм бўлади.

@doktorferuz Ochish/sharhlash

2022-09-29 08:10:21 Тўқлик индекси

Эътибор берганмисиз? Баъзида қандайдир маҳсулот истеъмол қилиб узоқ вақт тўқ юрамиз, баъзида ҳудди шунча миқдордаги бошқа маҳсулотда тез оч қоламиз. Аниқланишича, турли маҳсулотларни "тўқлик индекси" турлича экан.

Тўқлик индекси — бирор маҳсулот истеъмол қилгандан кейин оч қолиш учун қанча вақт кетишига қараб белгиланади. Ушбу индекс Австралиялик тадқиқотчи ва шифокор, Сюзанна Холт томонидан ишлаб чиқилган.

Юқори тўқлик индексига эга маҳсулотлар қуйидаги хусусиятларга эга:
• иштаҳани пасайтирувчи моддаларга эга;
• ҳазм жараёнига узоқ вақт сарфланувчи, ўзида кўп миқдорда оқсил сақловчи маҳсулотлар;
• паст гликемик индексга эга маҳсулотлар;
• ўзида кўп миқдорда клетчатка сақловчи маҳсулотлар;
• паст калорияга эга маҳсулотлар.

@doktorferuz Ochish/sharhlash