Сохталикни йиғиштир дўстим, Нафс қулига айланиб қолма. Омад ке | Dobroe serdse_04

Сохталикни йиғиштир дўстим,
Нафс қулига айланиб қолма.
Омад келиб кўпайса пулинг,
Дўстга дўст бўл ўзгариб қолма.

Молу дунё ўткинчи билгин,
Сўзларимга қовоғинг солма.
Сенга берса худо уч тўрт сўм,
Дўстга дўст бўл ўзгариб қолма.

Ташвиш бўлса бирга енгамиз,
Дўстим қўрқма ҳавотир олма.
Яхшилигим унутмасанг бас,
Дўстга дўст бўл ўзгариб қолма.

Худо суйган бандаси бўлгин,
Нaмоз ўқиб ҳеч қачон толма.
Худо берса сенга мол дунё,
Дўстга дўст бўл ўзгариб қолма.

Жоним ачиб гапирдим сенга,
Хафа бўлиб кўнглингга олма.
Дўстлигимиз абадий бўлсин,
Дўстга дўст бўл ўзгариб қолма