Foydali KUN (Namoz vaqti)

2021-08-17 19:08:44

УСТИГА БОСИНГ

Ochish/sharhlash

2021-05-09 19:58:15 Намоз вақтлари Тошкент шаҳри учун Ochish/sharhlash

2021-04-10 08:32:01 Ҳаёт сиз учун гоҳида бир лаҳзада ағдар-тўнтар бўлиб кетади, масалан:
– Телефонда айтилган бир оғиз сўз сабаб;
– Қон таҳлилининг натижаси сабаб;
– Кўчада ноўрин ташланган қадам сабаб;
– Бир кишини учратиш сабаб;
– Бир оғиз сўз сабаб;
-Бирор кутилмаган вазият сабаб бутунлай ўзгариб кетиши мумкин.

Режаларингиз, белгилаб олган тартибларингиз ва ҳимоянгиз қандай (кучли) бўлмасин, биргина лаҳзада атрофингиздаги ҳолат бутунлай ўзгариб кетиши мумкин.

Ҳаёт ҳар куни (қайта ва қайта) сиз учун Роббингизга бўлган ишонч ва иймонингиздан бошқа ҳеч қандай кафолат йўқ эканини хабар беради.

@foydali_kun Ochish/sharhlash

2021-04-09 18:14:01 ҒИЙБАТ КУЧИ

Бир аёл қўшнисини ғийбат қилибди. Fийбат гап тезда қишлоқ аҳолисига тарқабди. Fийбат қилинган одам эса анча изтироб чекибди. Маълум вақтдан кейин ҳалиги аёл қилган ишидан пушаймон бўлибди. Хатосини қандай тузатишни билмай, бир доно зотга мурожаат қилибди.

Донишманд унга шундай маслаҳат берибди:
«Бозорга бориб товуқ сотиб ол ва сўйдир. Кейин уйга қайтишда, патларини юлиб, йўл бўйи ерга сочиб кел».

Аёл бу ғалати насиҳатга ҳайрон бўлса-да, донишмандга ҳурмати туфайли, ишни айтилгандек бажарибди. Эртаси куни донишманд аёлга:
«Кеча ташлаб келган патларингни бугун териб кел», деб буюрибди.

Аёл кечаги юрган йўлидан бориб, патларни тўпламоқчи бўлибди. Қараса, шамол барча патларни учириб кетган экан. Соатлаб излаш натижасида, бор-йўғи бир-иккита патни топибди.

Доно зот унга: «Кўрдингми, уларни ерга ташлаш осон, аммо қайта тўплашнинг иложи йўқ. Fийбатни ҳам қилиш осон, бироқ асоратини кетказиш ниҳоятда мушкул» дебди...

«ИБРАТЛИ РИВОЯТЛАР» канали

@hikmatlii Ochish/sharhlash

2021-04-09 14:14:02 Ўзбекистон мусулмонлари идораси 2021 йилги закот нисоби, фитр садақа ва фидя миқдорини эълон қилди. Ochish/sharhlash

2021-04-09 08:46:47 Муваффақиятинг сабаби заковатинг ҳам, шаҳодатинг ҳам, фикр доиранг ҳам ва турли алоқаларинг ҳам эмас! Кутмаган жойингдан ризқ ва муваффақият эшикларини очаётган нарса, Аллоҳнинг розилиги учун холис қилган яхши ниятингдир.

Мустафо Маҳмуд

@hikmatlii Ochish/sharhlash

2021-04-08 19:26:08 Агар тунда Билувчи зот ҳузурида ўтирсанг, гўдаклар ахлоқини ишлат. Агар гўдак бир нарса истаса ва у берилмаса, олмагунча йиғлайверади.

Ибн Жавзий рaҳимаҳуллоҳ

@hikmatlii Ochish/sharhlash

2021-04-08 19:23:50 ЖУМА муборак бўлсин!

Пайғамбаримиз Муҳаммад Мустафо соллаллоҳу алайҳи ва салламга кўпроқ саловат айтайлик!

АЛЛОҲУММА СОЛЛИ ЪАЛАА САЙЙИДИНАА МУҲАММАД!

@hikmatlii Ochish/sharhlash

2021-04-08 17:53:01 ​​#Таъсирли

Ҳали улгураман... кейинроқ бажараман....

Росулуллоҳ саллоллоҳу алайҳи ва саллам даврларида донғи Ямандан Дамашққача кетган Аъшо исмли шоир яшаган. У Пайғамбаримиз саллоллоҳу алайҳи ва саллам ҳақларида эшитиб, Қуръондан баъзи оятларини тинглагач, “Бориб унинг динига кирай”, деб Маккага йўл олди. Кун ботай деганда дўсти Утба ибн Робианинг уйига етиб келди. Шу кеча унинг меҳмони бўлди. Мақсадини айтди ва чарчагани сабабли қолди. Утба ибн Робиа Аъшонинг мақсадини Абу Жаҳлга етказди. Абу Жаҳл ўша кеча мижжа қоқмай чиқди. Шундай улуғ шоир ислом динига кирса, мусулмонларнинг кучига куч, ғайратига ғайрат қўшилишидан қўрқди. Тонгдан Аъшо билан кўришиб, ҳол-аҳвол сўрашгач, шоир мусулмон бўлмоқчилигини яна таъкидлади. Абу Жаҳл сўради:

- У ҳолда Муҳаммад алайҳиссалом зинони тақиқлаганини биласанми?

- Ёшим улғайиб, зино ҳам хуш ёқмай қолган. Мен учун ундан сақланиш қийин бўлмайди.

- Майли-ку, лекин ичкилик ҳам тақиқланган у динда...

Ичкиликни яхши кўрадиган Аъшога бу муаммо эди. Ўйлаб туриб: “Унда яхшиси ҳозир уйга қайтиб, бир йил тўйиб-тўйиб шароб ичиб, кейин келаман”, деди ва хайрлашиб кетди. Сўнг буткул ичкиликка берилди. Аммо тутган жойидан кесадиган, олмасдан кетмайдиган ажал ўз ишини қилди. Аъшо бир йил ўтмай ҳаётдан кўз юмди. (Ибн Ҳишом “Сийра”)

Шундай истеъдодли шоир нафсининг кўйига кирди ва Расули акрамга саҳоба бўлишдек абадий саодатни қўлдан бой берди. Ҳозирги кунимизда ҳам алданган аъшолар йўқ эмас. Гўё ҳавои нафсимиз ёки шайтон васвасаси Аъшони алдаган Абу жаҳл каби ҳали улгуришимизни айтиб, бизни доим яхши амал қилишдан қайтармоқчи бўлади.

Ҳали улгураман....

Muxlisuz

@hikmatlii Ochish/sharhlash

2021-04-07 18:18:01 Душман ака - укалар

#ҳикоя

Акам ва мен болалигимиздан улғайгунимизга қадар бир - биримизга душманлардек эдик. Онам раҳматли:
- Болаларим, сизлар қондошсизлар. Бошқалар сизларга меҳрибон кўрингани билан, ака - укангиздек бўлишмайди! - деб такрор - такрор айтардилар.

Отам биз билан унча гаплашмас, гаплашсалар ҳам, худди иш юзасидан, расмий гаплашаётгандек чегара сақлардилар. Сабаби маълум: акам ва менинг орамиздаги адоват.

Онамга отам:
- Аллоҳ уларга ҳидоят берсин... кун келиб, улар бир - бирини қадрига етади! Бизнинг насиҳатларимизни эслашади, - дердилар.

Орадан йиллар ўтди. Иккимиз ҳам уйланиб, уйлик - жойлик бўлдик.

Адоватимиз барҳам топмади.

Аксинча, аёлларимиз ҳам бир - бирига тош отадиган душманлар бўлишди, соямизда.

Бизни яраштиролмай, аввал онам, сўнг отам вафот этдилар...

Бизлар бола - чақалик бўлдик. Фарзандлар улғайишди! Лекин улар, қардош сифатида кўришишмаган, бир - бирини танишмас эди.

Кунлар ўтди. Менга Аллоҳнинг қаттиқ синови келди. Мол - мулкимдан айрилдим. Қанд касалига чалиндим. Ўнг кўзим кўрмай қолди.

Бир куни бомдод намозини ўқиётгандим. Эшик жиринглади. Қарасам, қўшним. Аҳволимдан хабар олиб кетди. Бир ҳафта ўтиб, 50 минг динор маблағ ёзилган чек олиб келди. Уни қарз эмаслигини, ўзимни тиклашим учун бераётганини айтди. Бунинг учун мен ҳар куни Роббимга чексиз шукрлар айтар, эски кунларим қайтмаслигини сўрардим.

Бир куни қўшним ранглари оқарган ҳолда кириб келди. Ундан берган пул учун келган бўлса, қайтаришга қурбим етишини айтдим. У:
- Йўқ, нималар деяпсиз? У пул меники эмасди. Уни акангиз бергандилар. Қийналиб қолганингизни эшитган эканлар. Мен берганимни айтманг, дедилар. Энди улар касалхонадалар. Жонлари узулай деяпти. Боринг, бориб хабар олинг! - деди. Шунча йил кибримни енга олмаганимдан, акам асли, мен қилишим керак бўлган ишни қилганликларидан, савобни, фурсатни бой берганимдан афсусланиб касалхона томон шошилдим.

Акам жонлантириш хонасида, хушсиз ётардилар. Уларнинг қўлларидан ушлаб, юз - кўзлари, пешоналаридан ўпдим. Кўзёшларим тинмасди. Акам кўзларини очдилар. Кечирим сўрадим. Кўзларига ёш қалқди. Қўлларимни қаттиқ сиқдилар.. ва риҳлат қилдилар....

Умму Абдуллоҳ таржимаси (эркин ўгирма)

@bilasizmi_kanali Ochish/sharhlash