БОЛАЖОНИМ. Ёшлигимни эслатади, Келажакни кўрсатади. Қўлга гул | 💞Diydor Shirin💞
БОЛАЖОНИМ.
Ёшлигимни эслатади,
Келажакни кўрсатади.
Қўлга гулни тутқазади,
Болажоним омон бўлгин.
Мана сени кўраяпман,
Ўрнимдан ҳам тураяпман.
Қувончимдан кулаяпман,
Болажоним омон бўлгин.
Ёшим қирққа етганида,
Белдан қувват кетганида.
Болажоним омон бўлгин,
Олис йўлим кутганида.
Бир ниётга етолмадим,
Неварамни кутолмадим.
Болажоним омон бўлгин,
Келин суйиб кетолмадим.
Насиҳатим тинглаб олгин,
Жа озгина ўнглаб олгин.
Болажоним омон бўлгин,
Қаторингда тенглаб олгин.
Турмуш юки оғир эди,
Бемор бўлдим чақир деди.
Тўшак михлаб ётиб қолдим,
Болажоним омон бўлгин.
Кечроқ турмуш қурган эдим,
Оғир меҳнат сурган эдим.
Болажоним омон бўлгин,
Жилмайганинг кўрган эдим.
Васиятим энди тингла,
Элим тинчин энди куйла.
Болажоним ишонаман,
Орзуингга етиб куйла.
Мендан кейин йиғлаб қолма,
Юрагингни тиғлаб қолма.
Ўзинг кучли йигитсана,
Осонликни хохлаб қолма.
Бунинг билан демоқчиман,
Ёрдамга ҳам келмоқчиман.
Руҳим сени кўриб турар,
Болажоним омон бўлгин,
Душманларга енгилмагин,
Манманларга тенгланмагин.
Болажоним омон бўлгин,
Хаётим ҳам ўнгланмаган.
Сени яхши кўрдим болам,
Сенла бахтлар сурдим болам.
Болажоним омон бўлгин,
Қўлингдан ҳам тутдим болам.
Барно Ҳаётбахш
Яқинларга улашинг
@DIYDOR_SHIRIN
