Qalb oromi...

2022-03-15 22:50:32 Bir kam dunyo...

Bu iborani mukammal suratda yaratilgan inson aytishi qanchalik o‘rinli?

Biror narsaga yetishganda mamnun bo‘lamiz-u, nimadir kamlik qilsa, "Bir kam dunyo", deb qo‘yamiz. Balki ko‘zlarimizni kattaroq ochsak, bizga ato etilgan, ammo avval ko‘rmaganlarimiz buyuk ne'matlarni ko‘rarmiz...

His etish doiramizning diametrlari borgan sari kichrayib ketmayaptimikan?

Komil bo‘lmagan holda komilga tolib bo‘lish mantiqlimi?

Bilmaganlarimiz bilganlarimizdan ziyodaligini bila turib, bilag‘onlikka da'vo qilishimiz-chi?

O‘sha Kunda bugun oqlaganimiz kabi o‘zimizni oqlay olamizmi?

Holimizni isloh et, ey Robbimiz!..

@diloromyusupova94 Ochish/sharhlash

2022-03-15 17:39:52 Aytolmagan gaplarim....

Otajonim-Onajonim, akajonlarim opajonim va birodarlarimga ayta olmagan gaplarim bor. Juda ko'p. Ba'zida shularni aytay deyman, lekin aytolmayman. Shunday gaplarni vaqtida aytolmadim deb, yaqin birodarlarimdan ajralib qolgan vaqtimda ham juda afsuslanganman. Ammo birgina niyat bundan to'xtatib turadi.

Barcha yaqinlarimga, Alloh taoloning manga bergan ne'matlariga aytadigan gaplarim, ularga tashakkurlarim, yordam-u maslahatlari, kamchilik-u nuqsonlarimni qulog'imga aytib eslatishlari, Iymonga va Allohimga chaqiriqlarini, barcha-barchasi uchun tashakkurlarimni Jannatlarda aytgim keladi. Sababi u yerda ular bilan birga bo'la olmasam, bu dunyodagi tashakkurlarim bekor bo'ladi deb o'ylayman. Yo Allohim, Otajonim, Onajonim, ikki Akajonlarim va yaqin solih, birodar akalarim, do'stlarim va barcha yaqinlarimiz bilan birgalikda bizni Jannatlarda bir safda bo'lishimizni nasib ayla. Barcha azizlarimni o'z hifzingda himoya qil.

O'zingning rahmating, Payg'ambarimiz alayhissalomning shafoatlaridan so'ng yaqin birodarlarimizning shafoatlari bilan nasib qilgan holda bizni Jannating bilan siyla!

Omin!
Omin!
Omin! Ochish/sharhlash

2022-01-07 06:42:07 Yaxshi bo‘lish uchun aqlning o‘zi kifoya emas. Barcha aqlli insonlar yaxshi bo‘ladi, deb o‘ylarkanman men sodda.)) Ochish/sharhlash

2021-12-31 18:45:34 Kitob asl do‘stga aylanganida telefondek zerikarli matoh bilan umr o‘tkazganingizga achinib ketarkansiz...

@diloromyusupova94 Ochish/sharhlash

2021-12-19 00:33:06 ... Alloh taolo Qur'oni Karimni faqat o‘qish uchungina nozil qilmagan edi. Unga amal qilib, hayot yo'limizni u asosida qurishimiz uchun nozil qilgan edi. Afsus, biz ko'pincha "اقرأ" (O‘qi) ga amal qilamiz-u, "أفلا تعقلون" (Aql yuritmaysizlarmi?!) ga amal qilmaymiz...

@diloromyusupova94 Ochish/sharhlash

2021-12-08 06:31:46 Bolalarning umidini chilparchin qilmang!

...Birinchi sinfga qabul qilishlari uchun onam bilan maktabga bordik. Qabulda o'tirgan birinchi ustozim Nargiza opa: "Diloromni o‘zim olaman, "nulevoy"da juda yaxshi o‘qidi", dedilar kulib.
...1-sinfning ikkinchi dars kuni:
"Mana bolalar, ko‘ringlar, Feruza to‘rt qator bergan vazifamni to‘liq yozib kelibdi, Dilorom esa varaqni to'ldirib yozibdi. Sizlar ulardan o'rnak oling!"
Ikki yarim yil davomida qizlardan faqat shu ikki ismni maqtardilar, doim go'zal muomala bilan mehrimni qozonardilar, ular bilan bog‘liq xotiralarim juda ko‘p. Sinf sardori qilib Shamsiddinni tayinlaymiz, Dilorom "bo‘sh", bolalarni eplolmaydi, deganlari yodimda...
3-sinfga o‘tgan yilimizning yarmiga kelib, ustozim uch yillik ta'tilga ketdilar.

...Ikkinchi ustozim bir yarim yil o‘qitgan bo‘lsalar-da, ular bilan bog‘liq quvonchli xotiralarimni, menga kulib boqqanlarini eslolmayman. Ammo bir xotira hech yodimdan chiqmasa kerak... 4-sinfda o‘qirdik. Sinflararo olimpiadaga chiqish uchun har bir fandan bir o'quvchi tayinlangan kun. Negadir hamma fanlardan baholarim a‘lo bo‘lsa ham, na matematika, na ona tili, na o‘qish fanidan loaqal nomzod ham bo‘lmadim. "Oxiri husnixat bo‘yicha kim chiqadi?" degan savollariga qo‘l ko'tarib, "Men" deyishga jur'at etdim. Daftarimni mensimaygina ko‘rib, "Shu yozuving bilan olimpiadada qatnashasanmi?" deb xo‘mrayib qaragan ustozimning yuzi hech yodimdan chiqmaydi... Feruzaga doim kulib, ona qizim, deb qaraganlarida men u kabi chiroylimasman-da, degan fikr o‘tardi. Eslasam, hayron bo‘laman, Feruzaga hech hasad qilmagan ekanman. Balki, hasad nimaligini bilmaganimgadir...
...Bir yil o‘tib 5-sinfga qadam qo‘ydik. Har bir fandan alohida ustoz dars o‘tardi. Ona tili ustozim Malika opaning ko‘p aytadigan so‘zlari: "Diloromning yozuvi juda chiroyli" edi...

Xotiralarni eslab qayg‘urish mo‘minning ishi emas. Yozdimki, bolalarning orzusini chilparchin qilmang, deya. Siz bunday xato qilmang!

@diloromyusupova94 Ochish/sharhlash

2021-11-15 11:35:37 Kulgan yuzingni kuygan dilingga parda qilganingda, mahzun ko‘zdan yumalagan rangsiz halqalar u yuzni qizartirib, siringni fosh etishga majbur etsa ham, uni Allohdan o‘zgasiga ma'lum qilma...

@diloromyusupova94 Ochish/sharhlash

2021-11-15 06:45:19 لا تحزن إذا لم تصل إلى حيث تريد أن تذهب. على الأقل لديه صورة!


If you don’t go where you want to go, don’t be upset. At least there's a picture of that place!


Yuragingiz talpingan joyga qadamingiz yeta olmayotgan bo'lsa, tushkunlikka tushmang. Hech bo'lmaganda surati bor-ku!




@diloromyusupova94 Ochish/sharhlash

2021-10-19 15:32:39 Мақолани ўқиб, овоз беринг "Суннатга амал қилишнинг баракаси" (1-мақола) Бисмиллаҳир Роҳманир Роҳийм! Ўзининг расулига эргашишимизни буюрган Оламлар Робби Аллоҳ таолога чексиз ҳамдлар бўлсин. Ҳаётларию - ҳадислари ила умматларига мукаммал, тўғри… Ochish/sharhlash

2021-10-19 15:32:08 Мақолани ўқиб, овоз беринг

"Суннатга амал қилишнинг баракаси" (1-мақола)

Бисмиллаҳир Роҳманир Роҳийм!
Ўзининг расулига эргашишимизни буюрган Оламлар Робби Аллоҳ таолога чексиз ҳамдлар бўлсин. Ҳаётларию - ҳадислари ила умматларига мукаммал, тўғри йўлни кўрсатган Расулуллоҳ солаллоҳу алайҳи васалламга битмас-туганмас салоту саломлар бўлсин.

Бизни йўқдан бор қилган Зот Аллоҳ таоло дунё яралибдики, биз бандаларига турли синовларни юборади. Бу синовлардан тўғри ўтиш ва Ўзининг розилигига етиш йўлини эса юборган расуллари алайҳимуссалом ҳаётларию насиҳатлари билан кўрсатиб бергандир.

Аллоҳимга беҳад ҳамд-у санолар бўлсинки, Ўзининг ҳабиби, пайғамбарлар имоми, икки олам сарвари - Муҳаммад Мустафо солаллоҳу алайҳи васалламдек улуғ зотнинг уммати бўлиш бахтини бизга насиб айлади. Бу буюк неъмати учун Роҳманга қанча шукр қилсак оздир. Оламлар сарвари Расулуллоҳ солаллоҳу алайҳи васалламнинг ҳаётлари, сийратлари, сўзлари, тавсияларидан ўрнак олган, амал қилган инсон икки дунё саодатига етади, иншаа Аллоҳ.

Ҳадислар - мўжиза, қачонки, уларни англай олсак ва амал қилсак. Ҳаётимиздан мисол келтириш керак бўлса, қаламларнинг сиёҳи етмайди, китоблар камлик қилар. Айниқса, Расулуллоҳ солаллоҳу алайҳи васалламнинг ўргатган дуолари мусулмон ҳаётида муҳим ўрин тутади. Дуо билан бошланган ҳар бир иш баракали бўлиб, чиройли ва ҳайрли якун топади.

Ўз ҳаётимдан мисол келтирадиган бўлсам, энг чиройли дуолардан бири - «Ҳасбуналлоҳ ва ниъмал вакил»ни тинимсиз айтишим натижасида ишларим аввалгидан ривожланаётганини, миямдаги жавобсиз саволларга осонликча жавоб топаётганимни ҳис қилдим. Бу қандай мўжизавий дуо эканки, уни айтмасимдан олдин топилмаган саволимнинг жавоби уни айтгач топилса!

Мисол тариқасида яна бир дуони ёзмасам бўлмас. Ҳар бир инсон синовларга дуч келади. Бу синовлардан, мушкулликлардан чиқиш баробарида кўнглида ғашликни, оғриқни сезиб, ҳаловати йўқолади. Ана шундай пайтларда юракка ҳотиржамлик берувчи дуони ҳам икки олам сарвари (солаллоҳу алайҳи васаллам) мерос қилиб қолдирганлар. Бу дуони ҳар айтганимда қалбим ҳотиржам бўлади, мушкулликлар кетиб, ҳайрли якун топади. У: «Роббанаа журна фий мусибатина ваҳлуфна хойром минҳаа» дуосидир.

Пайғамбаримиз солаллоҳу алайҳи васаллам ҳеч қачон вақтларини зое кетказмасдилар ва бунга бизларни ҳам тарғиб қилгандилар. Умримнинг олтинга тенг қисмларини бекор ўтаётганини ҳис этиб, беҳуда ишларни тарк қилдим ва қилмоқдаман, иншаа Аллоҳ. Натижада кўпроқ илм олиш, Қуръони Каримни кўпроқ ўқиб, оятлар, суралар ёд олиш бахтига эришяпман. Мусулмон учун бундан ортиқ бахт бўлмаса керак!

Набий солаллоҳу алайҳи васаллам ҳаётлари тўғрисидаги китобларни ўқиганимда, таъсирланиб ўзимга савол бераман: Пайғамбаримиз солаллоҳу алайҳи васаллам ҳатто вафотлари олдидан «Умматим, умматим», деб кўз ёш тўкиб ўтдилар. Мен-чи? Уларга лойиқ умматманми? Улар учун нима қилдим? Суннатларига етарлича амал қиляпманми? Ҳар куни Уларга саловатлар йўллаяпманми?

Аслида, ҳар бир мусулмонман деган инсон шу саволларни доим ўзига бериши керак деб ўйлайман. Уларга ижобий жавоб топиш учун эса кўпроқ илм олишимиз, саловатларни тилдан қўймай айтишимиз лозим!

Бахтли бўлай десангиз,

Амал қилинг суннатга!

Қуръон ва ҳадис ила

Йўл олайлик Жаннатга!

Ассолату вассаламу алайка, йаа Росулуллоҳ!

Вассаламу алайкум вароҳматуллоҳи вабарокатуҳ.

Дилором Юсупова

forum.muslimaat.uz
#Муслималар_форуми
t.me/muslimaatuz Ochish/sharhlash