Дилмурод Акбар шеърлари канали

2022-08-26 11:04:42 Мусофир юртида юрган барчани,
Омадини бергин Қодир Худойим.
Излаб келган яхши ризқ-у, ақчани...
Ўзинг қўлла, мададкори бўл доим...

Оиласи юрагида соғинчда,
Юрт ишқида қалби олов, чўғ бўлса...
Бирим икки бўлсин деган илинжда,
Дилини тирнаган армон йўқ бўлса.

Қанча оғир машаққатга келиб дуч,
Барчасини енгиб ўтган мусофир...
Фазлинг билан кучларига қўшиб куч,
Барокотли пул топишга қил қодир...

Аллоҳ сенинг изнинг билан бўлар иш,
Ҳамма, ҳамма мусофирни қўллагин.
Бир кун ортда қолиб ҳамма ғам, ташвиш,
Уйига соғ, бой, бахтиёр йўллагин...

Илтожомни қабул қилгин Худойим,
Қўлим очиб, айтганларим муножот.
Ижобатлар бўлсин эзгу дуойим,
Сен оламлар шоҳи, танҳо беҳожат...

Дилмурод Акбар шеъри Ochish/sharhlash

2022-08-08 17:59:02 Ўзимдан ўзимни излаб яшайман,
Гоҳо, олислардан кўринаман Мен...
Қувониб кетаман Менга ўхшайман,
Етдим десам, мингга бўлинаман Мен...

Дилмурод Акбар шеъри

Oʻzimdan oʻzimni izlab yashayman,
Goho, olislardan koʻrinaman Men...
Quvonib ketaman Menga oʻxshayman,
Yetdim desam, mingga boʻlinaman Men...

Dilmurod Akbar sheʼri Ochish/sharhlash

2022-08-08 16:42:53 Нафсим уйинг жисмимдаги ҳар жойда,
Сени десам умрим ўтар оҳ-войда...
Нималардир қиласан-у, бари-бир,
Тилагингни кўрсатасан чиройда...

Дилмурод Акбар шеъри

Nafsim uying jismimdagi har joyda,
Seni desam umrim oʻtar oh-voyda...
Nimalardir qilasan-u, bari-bir,
Tilagingni koʻrsatasan chiroyda...

Dilmurod Akbar sheʼri Ochish/sharhlash

2022-08-07 19:39:21 Яшамоқ

Дунё мунча гўзал, ранг-баранг ҳилқат,
Қанчалар шириндир неъмати бори...
Ёлғони асли рост, ёлғон- ҳақиқат...
Жонни ўлжа қилиб тугар шикори...

Гўдак, бола, ўсмир, йигит, қария,
Ҳеч кимса тўймайди дунё васлига.
Туғилгандан сўнгги барча воқеа,
Одамни қайтарар йўли- аслига...

Талашиб,тортишган мол-у,матолар,
Сен билан қабрга кирса ҳам бенаф.
Катта гуноҳларга элтар хатолар
туфайли мол топсанг бало бўлмас даъф...

Яшамоқ аслида қалбни пок тутиш,
Ўзингга,ўзгага яхшилик қилмоқ...
Вақтики,сингунча жон турган идиш,
Тупроғингни севиб,кўкка интилмоқ...

Дилмурод Акбар шеъри Ochish/sharhlash

2022-08-04 17:06:42 Ҳидоят журналида 8 сонида ушбу шеъримни чиқаряптилар экан Ин шаа Аллоҳ ! Ochish/sharhlash

2022-08-04 17:05:13 Ҳидоят журналида чиқаркан Ин шаа Аллоҳ ушбу шеърим! Ochish/sharhlash

2022-08-04 17:04:38 𝐓𝐞𝐥𝐞𝐠𝐫𝐚𝐦 | Дилмурод Акбар шеърлари канали Ochish/sharhlash

2022-08-02 04:47:29 Мумкин

Бир куни яхшироқ бир фазилатим,
Ёмон феълларимдан кўринса устун.
Кўзинг томчисида кулиб суръатим,
Сени севишимни айтиши мумкин.

Ёлғиз қолганингда ёдингга олсанг,
Яхшилик қилсанг-у, дарёга солсанг,
Ҳеч ким билмаса ҳам сувдаги наҳанг,
Сени севишимни айтиши мумкин...

Сен йироқ эмассан эҳтиромимдан,
Дилимда ўзинг ҳар саҳар, шомимдан...
Тушингда фаришта менинг номимдан,
Сени севишимни айтиши мумкин.

Бармоғим излари қолган билагинг,
Менга гули таниш узун кўйлагинг,
Ўзингга билдирмай бир кун юрагинг...
Мени севишини айтиши мумкин...

Дилмурод Акбар шеъри

Mumkin

Bir kuni yaxshiroq bir fazilatim,
Yomon feʼllarimdan koʻrinsa ustun.
Koʻzing tomchisida kulib surʼatim,
Seni sevishimni aytishi mumkin.

Yolgʻiz qolganingda yodingga olsang,
Yaxshilik qilsang-u, daryoga solsang,
Hech kim bilmasa ham suvdagi nahang,
Seni sevishimni aytishi mumkin...

Sen yiroq emassan ehtiromimdan,
Dilimda oʻzing har sahar, shomimdan...
Tushingda farishta mening nomimdan,
Seni sevishimni aytishi mumkin.

Barmogʻim izlari qolgan bilaging,
Menga guli tanish uzun koʻylaging,
Oʻzingga bildirmay bir kun yuraging...
Meni sevishini aytishi mumkin...

Dilmurod Akbar sheʼri Ochish/sharhlash

2022-08-01 14:35:14 𝐓𝐞𝐥𝐞𝐠𝐫𝐚𝐦 | Дилмурод Акбар шеърлари канали Ochish/sharhlash

2022-08-01 10:51:13 𝐓𝐞𝐥𝐞𝐠𝐫𝐚𝐦 | Дилмурод Акбар шеърлари канали Ochish/sharhlash