2021-02-01 06:15:05
#Ibratli_hikoya
OʻZINGIZGA ISHONING
Bu bola faqat sinf emas, butun maktab boʻyicha eng kambagʻal oiladan edi. Oʻqituvchining jahlini chiqargan narsa ham shu: oʻzi nima ahvolda-yu, “Kim boʻlsam ekan?” mavzusida yetti betli insho yozibdi. Yonida ilova-chizmasi ham bor – yilqichilikka moʻljallangan kattakon ferma. Insho “0” baho bilan egasiga qaytdi. Bola hayron boʻldi. Dars tugagach, oʻqituvchining oldiga kirib, nega bunday baho qoʻyganini soʻradi. “Yozganlaring yoshingga toʻgʻri kelmaydi. Holingga qarab orzu qilsang boʻlmaydimi? Sen oʻylayotgan ferma uchun katta mablagʻ kerak. Oldin yer sotib olish zarur, keyin otlar, yem-xashak… Xullas, xom xayollaringni qoʻy, yaxshi baho kerak boʻlsa inshoni boshqatdan yoz”.
Bola xafa boʻlib uyiga qaytdi. Uzoq oʻylanib oʻtirdi. Ertasiga esa yozganlarini eski holatda oʻqituvchisiga olib bordi: “Siz bahongizni oʻzgartirmang, men esa orzularimni…”
Yillar oʻtdi. Endilikda nafaqaga chiqqan oʻqituvchi kattakon yilqichilik fermasiga hayratlangancha qarab turar, ferma egasi - bir paytlar orzulari uchun “0” baho olgan sobiq oʻquvchisi esa hashamatli uyda oʻtirardi. Roʻparasidagi devorda, kamin ustida inshoga ilova qilingan yilqichilik fermasining ramkaga solingan chizmasi bor edi…
Yaqinlaringizga ham ulashing
@
Dilhidoyati
409 viewsedited 03:15