Сен АЁЛсан... Бир аёл тунда ярим кечаси ёки бомдоддан аввал | Дилдор
Сен АЁЛсан...
Бир аёл тунда ярим кечаси ёки бомдоддан аввал туриб, ибодат қилади, Аллоҳ таолога муножот қилади. Шу тариқа у Аллоҳ таолога боғланишнинг энг олий даражасига етади. Бироқ соат олтидан кейин чарчаб, болаларига таом тайёрлаш, кийимларига қараш, дарсларини қилдириш каби ишларини қила олмайди. Болалар эътиборсиз қолади. Бошқа яна бир аёлни олайлик. У қуёш чиқишидан ярим соат олдин туради, хонани иситади, таом тайёрлайди, болаларига қарайди, дарсларини тайёрлатади, у билан боғлиқ камчиликларни бартараф этиш масаласида дилдан суҳбатлашади. Манга шу аёл биринчи аёлдан кўра Аллоҳ таолога яқинроқ бўлади. Чунки иккинчи аёл Аллоҳ таоло унга берган вазифани адо этган ҳолда У Зотга ибодат қилмоқда. Демак, аёлларимиз Роббимиз уларнинг олдига қўйган вазифани бажариш билан У Зотга ибодат қилади.
Инсоннинг ибодати ҳам унинг ҳолатига қараб ўзига хос бўлади. Агар бой бўлсанг, биринчи ўринда сенда молингдан эҳсон қилиш туради. Сен кимсан, сен кучлимисан? Сенинг биринчи ўриндаги ибодатинг ўша кучнинг ҳаққини бериш бўлади. Кимсан? Сен олимсан, сенинг биринчи ўриндаги ибодатинг илм бериш бўлади. Сен кимсан?
Сен АЁЛсан,,,
Демак, сенинг биринчи ўриндаги ибодатинг, эринг ва болаларингни риоясини қилишдир. Қизларнинг риояси эса, ота-онасининг риоясини қилиш бўлади. Оилали аёлнинг риояси эса, эри ва болаларининг риояси бўлади...
Шунинг учун Ислом динида аёлнинг мавқеи олий мақомга кўтарилди.
Доктор Муҳаммад Ротиб Ноблусий
