2022-10-02 22:02:01
Сен мендан олста
Юлдуз мўралайди тун чўккан палла,
Кўзларим ахтарар қилади сўроқ .
Қузғунлар бошимда бўлишар гала,
Сен мендан олста, мен сендан йироқ.
Ойнинг нурларига беланар хаёл,
Ўртайди дилимни ўртайди фироқ.
Ёмғир ёғса дардим ювсайди зилол,
Сен мендан олисда, мен сендан йироқ.
Сукунат ўрнини эгаллаб буткул,
Майли ёқса ёқсин чаққанча чақмоқ.
Шамоллар учурсин юрагим-ку кул,
Сен мендан олисда, мен сендан йироқ.
Сенгача бегона менга ишқ дарси,
Сенгача билмасдим нелигин қўрқмоқ.
Сен келдинг ўзимча курдим ишқ қасри,
Сен мендан олисда, мен сендан йироқ.
Менга хабаринг бер бергин бир сабо,
Сенсиз совуб борар бу юрак қайноқ.
Сени севишимни қилмайман даво,
Сен мендан олисда, мен сендан йироқ.
Сен кеттинг менгача келишингдан тез,
Келишинг йил олди кетишинг тофон.
Менда армон бисёр дарларимни сез,
Сен мендан олисда, мен сендан йироқ.
Сенда сониялар менда соатлар,
Ортингдан етишга ётмайди чопмоқ.
Дупирлаб чопади кўксимда отлар,
Сен мендан олисда, мен сендан йироқ.
Майли нуринг сочгин менсиз юлдизим,
Олисдир мен учун сен томон бормоқ.
Ифоринг таратиб бахтли бўл гулим.
Сен мендан олисда, мен сендан йироқ.
Рустамбек Кудратов 2.10.2022
@dildagigaplar_ru
37 viewsРустамбек Кудратов , 19:02