2022-08-10 20:33:20
КИМЁВИЙ ҚОФИЯЛАР
– Эй гўзал, бир бора ташлангиз қиё,
Гарчи мен – адабиёт, сиз эса – кимё.
– Пафос сўзларига ишонмас юрак,
Кимёда шавқ эмас, аниқлик керак.
– Ишонинг, сиз учун энг содиқ ёрман,
Кислота ичишга, ҳатто тайёрман!
– Сал пастроқ тушсинлар, осмонда учмай,
Сўзлари ҳавойи инерт газидай.
– Ҳаётимиз зинҳор бўлмагай абсурд,
Томиримда – симоб, қалб – олтингугурт!
– Кулгимни қистаманг, шеърий роз билан,
Идрокка бегона эҳтирос билан.
– Тириклик суви – сиз! Ўзим – колбаси,
Фёдор бобонинг машҳур “Телба”си.
– Қисқаси, афтидан, йўлимиз тазод,
Паризод эмасман, сиз эса Бунёд!
– Йўқ-йўқ... кўйингизда жоним садақа,
Мен билан умрбод қолингиз фақат!
– Икки уфқ сиғмайди, бу тор дунёга,
Тушингизни айтинг, Н2Ога!
Алибек Анварий
9 viewsMirabdullayeva D, 17:33