Qur'on o'qishdagi maqsadlar. Ko'pchilchigimiz Qur'ondan faqat | Dilafruz Diary🌼📚🌵
Qur'on o'qishdagi maqsadlar.
Ko'pchilchigimiz Qur'ondan faqat ajr, savob olish uchun o'qiymiz. Aslida Qur'on o'qishda buyuk manfaatlar ham borligidan xabarlarimiz yo'q.
Qur'on o'qayotib, qancha ko'p narsani niyat-maqsad qilsak, Allohning izni ila ularning barchasiga erishamiz.
Rasululloh sallallohu alayhi va sallam dedilar: «Amallar niyatlar bilan e'tiborlidir. Har kishi uchun niyat qilgani bo'ladi».
Qur'on hayot yo'lidir, niyat esa bilganlar uchun buyuk tijoratdir.
DEMAK;
Qur'on o'qiyman:
1- Undan ilm olish va amal qilish maqsadida.
2- Allohning hidoyatiga erishish maqsadida
3- Allohga munojot qilish uchun.
4- Zohiriy va botiniy (tana va qalbdagi, hissiy- ma'naviy) dardlardan shifo topish uchun.
5- Alloh meni zulmatlardan nurga olib chiqsin, deb.
6- CHunki Qur'on qotgan qalblar shifosidir. Qur'on bilan qalb xotirjam bo'ladi, tiriladi, obod bo'ladi.
7- Qur'oni karim men uchun Allohning dasturxoni-ziyofati bo'lsin deb.
8- G'ofillardan bo'lmayin, zokirlardan bo'layin, deb.
9- Allohga ishonch, iymonim ziyoda bo'lishi uchun.
10- Alloh Qur'onni tartil bilan o'qing, deb buyurgani uchun.
11- Ajr- savob bo'lsin, Undan o'qiganim har bir harf uchun 10 ta hasana yozilsin, deb, Alloh yana xohlagan bandasiga bundan ham ko'paytirib berishidan umidvor bo'lib.
12- Qiyomatda Qur'on meni shafoat qilsin, deb.
13- Payg'ambar alayhissalomning vasiyatlarini bajo keltirish uchun.
14- Alloh Qur'on bilan meni ham, ummatni ham yuksaltirsin, deb.
15- Qiyomat Qur'onni o'qib, jannat darajalarida yuqorilash, viqor tojini kiyish, ota onamga butun dunyodan qimmat turadigan libos kiydirilsin, deb.
16- Alloh taologa o'zining kalomini o'qib yaqin bo'layin, deb.
17- Allohning ahli, xos kishilaridan bo'lish uchun.
18- Qur'onni mahorat bilan o'qib, Allohning ulug' elchilari, farishtalar bilan birga bo'lish maqsadida.
19- Allohning azobidan, do'zaxdan qutilish uchun.
20- Alloh taoloning birgaligiga erishish uchun.
21- YOmon qarishdan saqlanish maqsadida.
22- Qur'on menga qarshi emas, aksincha, foydamga hujjat bo'lsin, deb.
23- Qur'oni karimga qarash ibodat bo'lgani uchun ham.
24- Uzramdan sakiynat insin, meni Allohning rahmat chulg'ab olsin, Alloh o'z huzuridagi farishtalar oldida meni yod etsin, deb.
25- "Eng yaxshi inson" unvoniga sazovor bo'lish, Allohning fazlini qo'lga kiritish uchun.
26- Mendan hushbo'y taralib tursin deb.
27- Dunyoda adashmaslik, oxiratda badbaxt bo'lib qolmaslik uchun.
28- Alloh Qur'on bilan qayg'ularni ketkizishi, g'am tashvishlarni aritishi uchun.
29- Qur'on dunyoda yo'lboshchim, qabrimda hamrohim bo'lsin, jannatga eltuvchim bo'lsin, deb.
30- Alloh taolo Qur'on bilan meni tarbiya qilsin, Rasululloh alayhissalom bezangan axloqlar mening ham odobim bo'lsin, deb.
31- Nafsimni haq bilan mashg'ul qilayin toki u meni nohaq, behudalarga chalg'itmasin, deb.
32- Havoyi nafsimga, shaytonga qarshi kurashish bo'lgani uchun ham.
33- Qiyomatda Alloh men bilan kofirlar o'rtasiga parda- to'siq qilsin, deb.
Mana shu Alloh bilan bo'lgan, kafolatlangan, foydali tijoratdirki, Alloh taolo buning uchun o'zining fazli karamidan bitmas, tuganmas hadyalaridan ato etadi.
• Ulashing !
@Yu1dashevna
