AndMI | Rasmiy kanali

2022-08-29 12:37:57 «Супер контракт» ҳақида айрим маълумотлар
#abituriyent

Кеча супер-контракт нархи қандай ҳисобланиши ҳақида маълумот бергандим. Бугун бошқа жиҳатларига эътибор қаратмоқчиман.

Супер-контракт нархини қандай ҳисоблайман?
Батафсил жавоб бу ерда:
https://t.me/xushnudbek/15751

Супер-контракт билан бир қаторда оддий контракт ҳам қўшиб тўланадими?

Йўқ, унақа эмас. Биринчи йили фақат супер-контракт суммаси тўланади, оддий (базавий) контракт қўшиб тўланмайди. Иккинчи йилдан бошлаб эса фақат оддий контракт тўланади, супер-контракт тўланмайди.

Супер-контракда ўқиш учун неча балл олиш керак?

Фарқи йўқ. Тестга кирган бўлса, кифоя. 1 балл олган бўлса ҳам, қўшимча контрактда ўқиши мумкин. Фақат нархи балига қараб фарқ қилади.

Супер-контракда ўқишни хоҳлаганлар қачонгача ариза бериши керак?

Энг аввало айтиш керакки, ҳали супер-контракт учун аризалар қабул қилинмаяпти. Эртагаёқ ОТМга югуриб боришингиз шарт эмас. Аризани сентябрь ойида, ўқишлар бошлангач берасиз.

Аризалар 1 октябрга қадар қабул қилинади. Ким биринчи ариза берса, ўша биринчи қабул қилинади, деган қоида йўқ. Талабгорлар тўпланган баллга қараб тартибга солинади, яъни аввал юқори балл тўплаганларга имкон берилади.

Ариза бериш учун ОТМга бориш керакми?

Йўқ. Ўтган йилдан бошлаб супер-контракт учун аризалар онлайн қабул қилинадиган бўлди. Сиз уйингиздан чиқмаган ҳолда интернет орқали ариза юборасиз. Бунинг учун ОТМга келиш, кимнидир кабинетида навбат кутиш, кимларгадир илтимос қилиш шартмас. Ариза қабул қилинадиган сайт ишга тушгач, қўшимча хабар қилинади.

Ўқишга кирганлар бошқа йўналишга супер-контрактни танлай оладими?

Масалан, биринчи ва иккинчи йўналишга бали етмади, лекин учинчи йўналишга ўқишга кирди. Абитуриент учинчи йўналишда ўқишни истамай, биринчи ёки иккинчи йўналишда супер-контрактда ўқий оладими?

Бу масала ҳозирча очиқ турибди, жорий йилги тартиб тасдиқланмаган.

Ўтган йили абитуриент ўзи танлаган БИРИНЧИ йўналишга кира олмаган, лекин 2, 3, 4 ёки 5-йўналишлардан бирига ўқишга кирган бўлса, унда ўз хоҳиши истисно тариқасида билан БИРИНЧИ танлаган йўналишида супер-контрактда ўқишига рухсат берилган эди. Бу истисно 2, 3 ёки 4-йўналишга тааллуқли эмас. Яъни 3 га кирган бўлса, 2-йўналишда супер-контрактда ўқий олмасди, фақат БИРИНЧИга рухсат берилганди. Жорий йилги тартиб тадсиқланса, қўшимча хабар берилади.

Ўқишга кира олмаганлар исталган бешта йўналишда супер-контракт қила олишадими?

Ушбу масала ҳам ҳозирча номаълум. Аниқ бўлгач, хабар берилади. Ўтган йили бешала йўналишига ҳам ўқишга кира олмаган абитуриентлар исталган бешта йўналишдан бирини танлаб, супер-контрактда ўқишига рухсат берилган эди.


@xushnudbek Ochish/sharhlash

2022-08-29 10:07:55 AndMI | Rasmiy kanali pinned «​ Toʻlov-shartnomalarni olish toʻliq raqamlashtirildi Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda. Endilikda, birinchi bosqichga tavsiya etilgan…» Ochish/sharhlash

2022-08-29 09:23:43 #sport_yangiliklari

Andijon viloyat sportni rivojlantirish bosh boshqarmasi hamda O‘zbekiston voleybol federatsiyasi Andijon viloyat bo‘limi tomonidan Andijon shahar AOPZK hududida joylashgan sohil voleyboli maydonida 2022-yil 27-28-avgust kunlari sohil voleyboli bo‘yicha “Mustaqillik Kubogi” ochiq turniri o‘tkazildi.

O‘tkazilgan sohil voleyboli bo‘yicha “Mustaqillik Kubogi” ochiq turnirda qo‘shni davlatlardan va respublikamiz viloyat va shaharlaridan sport jamoalari ishtirok etdilar.

Ochiq turnir natijalariga ko‘ra institutimiz jamoasi muvafaqqiyatli ishtirok etib, ikkinchi o‘rinni egalladilar hamda Andijon viloyat sportni rivojlantirish bosh boshqarmasi va O‘zbekiston voleybol federatsiyasi Andijon viloyat bo‘limi tomonidan ta’sis etilgan diplom va esdalik sovg‘alari bilan taqdirlandilar.

Rasmiy sahifalarimizga a'zo bo'ling
Telegram | Facebook | Instagram | YouTube Ochish/sharhlash

2022-08-29 07:51:31 #call_markaz

Mandat chiqdi. Talabalikka tavsiya etilmagan ko’plar yoshlar va ularning ota-onalarida super kontrakt bilan bog’liq ko’plab savollar paydo bo’lishi tabiiy.

Ana shu savollarga aniq javob berib borish maqsadida
Andijon mashinasozlik instituti Call markazi 15-sentabrga qadar ish faoliyatida ekanligini ma’lum qilamiz.

+998742234611
+998742234212
+998742234378
+998934447367

Markaz dushanbadan shanbagacha har kuni 08:00 dan 17:00 gacha (tushlik 12:00 dan 13:00 gacha) faoliyat ko'rsatadi.

Rasmiy sahifalarimizga a'zo bo'ling
Telegram | Facebook | Instagram | YouTube Ochish/sharhlash

2022-08-29 06:08:40 ​ Toʻlov-shartnomalarni olish toʻliq raqamlashtirildi

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovvoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin.

Telegram | Instagram | Facebook|You Tube Ochish/sharhlash

2022-08-28 20:37:56 Ochish/sharhlash

2022-08-28 19:29:33 ​​ Супер-контракт нархини қандай ҳисоблайман?

ЖАВОБ: буни билиш учун эринмасдан ушбу постни охиригача ўқишингиз керак.

Жуда кўпчилик супер-контракт нархи қанча бўлиши ҳақида савол бермоқда.

Супер-контракт нархи қанча бўлишини исталган инсон ўзи мустақил ҳисоблаб олиши мумкин, бунинг учун етарли барча маълумотлар эълон қилинган. Фақат озгина ҳафсала керак холос.

Энг аввало бир нарсани ёдда тутинг, супер-контрактнинг энг аниқ миқдорини фақат ва фақат ўзингиз ҳужжат топширган олий таълим муассасаси орқали билишингиз мумкин.

Энди минимум миқдорлар ҳақида.

1-эслатма: супер-контракт деган тизим кундузги, сиртқи, кечки таълимда ҳам бор;

2-эслатма: имтиёз олган, лекин кира олмаган абитуриентлар учун умумий кириш балига қараб супер-контракт нархи белгиланади, имтиёзлиларнинг ўтиш балига қараб эмас.

Супер-контракт нархи кундузги таълим шаклида стипендиясиз тўлов-контракт миқдоридан ҳисобланади (сиртқи ва кечкида шундоқ ҳам стипендия йўқ). Демак, қуйида илова қилинган жадвалда кўрсатилган контракт суммасини супер-контракт баробарига кўпайтиришингиз керак.

Шунингдек, 3 та тоифадан қайси бирига тааллуқли эканлигингизни ҳам аниқлаб олишингиз керак.

1-тоифа: кириш чизиғига 4 баллгача етмай қолган абитуриентлар

Бунда қуйидаги шкала амал қилади:

1 баллгача етмаган абитуриентлар учун – базавий тўлов-контракт миқдорининг 1,5 баробари;

1,1 баллдан 2 баллгача — 2,0 баробари;

2,1 баллдан 3 баллгача — 2,5 баробари;

3,1 баллдан 4 баллгача — 3,0 баробари.

Масалан, математика йўналишида 1,5 балл етмай қолди дейлик. Бундай вазиятда ўша абитуриент 2 баробар тўлайди. Жадвалга қарасак, математика йўналишида контракт нархи 6.412.610 сўм. Демак, математика йўналишига 1,5 балл етмай қолган абитуриент 12 млн 825 минг сўм супер-контракт тўлайди (2 x 6.412.610).

2-тоифа: кириш чизиғига 4 баллдан ортиқ етмай қолган ва ўзи 56,7 дан кўп балл тўплаганлар

Бундай абитуриентлар супер-контракт учун йўналишига қараб пастдаги жадвалда кўрсатилган оддий контрактнинг минимум 8, 10, 12, 15, 17 ёки 25 баробарини тўлайди.

Қайси йўналишга неча баробар тўланиши мана бу файлда келтирилган:
https://t.me/xushnudbek/11522

Масалан, иқтисод йўналишига кириш бали 150 балл бўлди дейлик. Абитуриент 70 балл тўплади. Демак, унга 4 баллдан ортиқ етмай қолган, ўзи ҳам 56,7 баллдан кўпроқ тўплаган. Иқтисод йўналишига минимум супер-контракт 10 баробар этиб белгиланган. Стипендиясиз оддий контракт нархи эса 9.129.930 сўм.

Хулоса: иқтисод йўналиши учун супер-контракт миқдори минимум 91 млн 299 минг сўм (10 х 9.129.930).

БУ МУҲИМ: ўтиш балига 4 баллдан кўпроқ етмай қолган ва 56,7 баллдан кўп тўплаганларнинг ҳаммасига бир хил нарх бўлади. Яъни 5 балл етмаган ҳам, 50 балл етмаган ҳам бир хил тўлайди. Ўшанчун менга 10 балл етмади, менга 30 балл етмади, қанча бўлади, деб сўрашдан фойда йўқ.

3-тоифа: 56,7 баллдан кам тўплаганлар

Бундай абитуриентлар супер-мупер контрактда ўқиши мумкин, фақат камида 2-тоифадагилар тўлайдиган сумманинг 2 баробарини тўлашади. Масалан, абитуриент иқтисод йўналишига топшириб, 40 балл тўплаган, яъни 56,7 баллдан кам. Демак, у камида 182 млн 598 минг сўм тўлаши керак (2 х 91.299.300).

Айримлар сўрамоқда. Масалан, абитуриент 54 балл олди. Кириш бали эса 57 балл бўлди. Шунда 3 балл етмаган бўлса, супер контракни камроқ тўлайдими? Йўқ ва асло йўқ! 56,7 баллдан кам тўпландими, тамом, бунақада икки карра кўпроқ супер-контракт тўланади. Кириш балига қанча етмагани аҳамиятсиз.

Хуллас, Сиз тўплаган балингиз асосида камида тахминан қанча супер-контракт тўлашингизни бемалол ўзингиз ҳисоблаб кўришингиз мумкин.

Сўзим сўнггида яна қайтараман, аниқ суммани фақат ОТМ орқали била оласиз.


@xushnudbek Ochish/sharhlash

2022-08-28 10:50:03 Бешта йўналишдан исталган бирини танласа бўладими?

ЖАВОБ: Йўқ, танлаб бўлмайди.

Кўпчилик бешта йўналишга ҳам балим етган бўлса, исталган бирини танлаб ўқийман, деб ўйлаяпти. Бу хато фикр.

Абитуриентлар ҳужжат топшираётганда устуворликни белгилаган ҳолда бешта йўналишни кетма-кет танлашган. Шунингдек, давлат гранти ва тўлов-контракти бўйича ҳам устуворликни аллақачон белгилаб бўлишган.

Энди якуний жавоблар чиққандан кейин абитуриентлар ўқишга кирган йўналишларини ўзгартира олишмайди. Устуворлик бўйича қайси йўналишга кирганини компьютернинг ўзи белгилаб беради. Mandat.dtm.uz сайтида қайси йўналишнинг усти яшил ёки сариқ рангга бўялиб турган бўлса, ўша йўналишга кирган бўлади. Қизил ранг бўлса, умуман ҳеч қайсига кира олмаган бўлади. Пастда ҳам кирган йўналиши номи ёзилган бўлади. Буни ўзгартириб бўлмайди.

Шунингдек, айримлар аллақачон "перевод" ҳақида ўйлашни бошлади. Мен фалон жойга кирибман, шуни 1 йилдан кейин пистон жойга кўчира оламанми, деган саволлар ҳам кўпайди. Йўқ, бўлмайди. Переводни ўйлаб ўтирманг. Агар ҳозир ўқишга кирган жойингиз ёқмаса ёки узоқлик қилса, 4 йил қийналгандан кўра, ўқимай қўя қолинг. Бунақа жойни бошиданоқ танламаслик керак эди. Бешта йўналиш танлаш бу сизга берилган ҳуқуқ, лекин мажбурият эмас.


@xushnudbek Ochish/sharhlash

2022-08-27 21:28:38 2022/2023 ўқув йили учун республика олий таълим муассасалари бакалавриат таълим йўналишлари (магистратура мутахассисликлари) бўйича битта талабани тўлов-контракт шаклида бир йиллик ўқитиш қиймати миқдори

ПДФ шаклида юклаш

@eduuz Ochish/sharhlash

2022-07-07 20:23:40 #xalqaro_hamkorlik

Ayni kunlarda Yevropa Ittifoqi Erasmus+ dasturi boʻyicha “HIEDTEC” loyihasining 8-uchrashuvi Italiyaning Pavia shaxridagi Pavia universitetida boʻlib oʻtmoqda.

Talabalarning masofadan turib taʼlim olish imkoniyatini yaratish uchun oliy taʼlim muassasalarida professor-oʻqituvchilar tomonidan tegishli oʻquv resurslari yaratilishi va mavjud barcha oʻquv materiallarini masofaviy taʼlim platformalariga joylashtirib borishi, virtual muhitda ishlashni yaxshilash uchun “Masofaviy taʼlimni tashkil etish texnologiyalari” kurslari yoʻlga qoʻyilishi bu loyihaning asosiy maqsadi hisoblanadi.

Batafsil ushbu havola orqali oʻqishingiz mumkin.

Bizni kuzating: @eduuz Ochish/sharhlash