ТОМОРҚАЧИЛИК — ОЗИҚ-ОВҚАТ МАҲСУЛОТЛАРИНИ АРЗОН ҚИЛИШНИНГ ТАЯНЧ НУҚТАЛАРИДАН БИРИ.
Халқимиз қадимдан ризқ ундириш, боғ яратишнинг ҳадисини олган. Ўзбек хонадони учун бир парча ер азалдан қадрли бўлган. Чунки у нафақат оила даромадига даромад қўшади, балки эл-юрт фаровонлигини таъминлашда муҳим аҳамият касб этади.
Бугунги кунда қишлоқ хўжалиги тармоқларини янада ривожлантириш, аҳолини озиқ-овқат маҳсулотларига бўлган бирламчи талабини қондириш ва ички бозорда нарх-наво барқарорлигини таъминлаш долзарб масалага айланди. Шу боис, мамлакатимизда ички талабни тўлиқ таъминлаш билан бирга, экспортни ошириш учун бор имкониятлар ишга солинмоқда.