2023-03-15 07:59:39
"Tozalik yo‘lida birlashaylik" loyixasi doirasida To‘raqo‘rg‘on tuman Qatag‘on MFYda yurtimizdan qishning sovuq kunlari ketib bahorning iliq shabadasi daraxtlarni uyg‘otayotgan bir paytda yangilanish faslini intiqlik bilan kutgan mahalla fuqarolari tomonidan shukronalik sifatida jonliq so‘yib ehson qilinib katta hashar uyushtirildi.
Hasharda mingdan ziyod yoshu-qarilar ishtirok etdi. Qabristonlar, ariq-zovurlar, bolalar maydonchalari, ko‘cha hamda yo‘laklarni tartibga keltirish, daraxtlarni oqlash, butash, shakl berish, qurilish va maishiy chiqindilarni tashkiliy ravishda to‘plash va o‘rnatilgan tartibda olib chiqish, shuningdek, nogironlar, yolg‘iz qariyalar, boquvchisini yo‘qotgan, kam ta’minlangan oilalarning uy-joy sharoitlarini yaxshilashga ko‘maklashish kabi qator ishlar amalga oshirildi.
Tuman hokimligi, Mahalla va nuroniylarni qo‘llab-quvvatlash bo‘limi, “Mahalla” xayriya jamoat fondi bilan hamkorlikda kam ta’minlangan oilalarga 10 tupdan daraxt ekish aksiyalari o‘tkazildi.
Ushbu tadbirni uyushqoqlik bilan o’tkazishda MFY raisi hamda “Adolat” SDP tuman Kengashi deputati Erkinjon Borievni xizmatlari katta bo‘lmoqda.
Nuroniy oqsoqollar yurt tinchligi va obodligini so‘rab duo-fotiha qilishdi. Bunday xayrli ishlar davom etyapti.
https://t.me/deputat_online24
117 views04:59
O
