2023-01-10 07:03:17
Bugundan havo harorati keskin pasayishi kutilmoqda. Bunday 3-4 kunlab -20 C ga yaqin boʻladigan havoni hali biz koʻrmaganmiz. Allohdan buni balo emas, baraka boʻlishini soʻragan holda, men bir shaxs, oila boshi va kompaniya rahbari sifatida quyidagi choralarni koʻrishni toʻgʻri deb bilaman:
Uyimiz romlari chetini skochlab chiqdim. Maqsad - issiqlikni maksimal darajada uyda ushlab qolish va energiya sarfini qisqartirish.
Eng koʻp foydalanadigan xonalardan tashqari hamma xonalarni batareyalarini oʻchirib qoʻydim. Hatto bolalarimni ham bir xonada 2 kishi emas, 3-4 kishi boʻlib uxlashlariga sharoit yaratdim. Ortiqcha xonalarga elektr va gazni sarflamaslik maqsadida.
Xonalarda yoqiladigan elektr va chiroqlarni minimal, oʻta zarur paytlarda ishlatish.
Hamkasabalarimga 4-5 kun ishga chiqmasdan, oʻz uylaridan, onlayn ishlashga ruxsat berdim. Agar koʻp qor yogʻib, yoʻllar sirpanchiq boʻlsa, hayotlarini xafv ostiga qoʻymasliklari uchun. Bosh ustiga, ishxonada isitish va yoritishga ketadigan elektr va gaz sarfi ham tejaladi.
Hovlidagi suv quvurlaridagi suvlarini tushirib, boʻshatib quydim, yorilib ketmasligi uchun.
Kelayotgan kunlar hammamiz uchun sinovdir. Bunday anomal sovuq kunlardan faqat birgalikda choralar koʻrgan holda eson-omon oʻtib olamiz, Xudo xohlasa.
Har kim faqat oʻzini oʻylasa, uyida elektr isitgich va konditsionerlarni yoqib olaman desa, hammamiz gaz va elektrsiz qolishimiz mumkin. Shuning uchun kollektiv ma’suliyatni anglagan holda, 4-5 kunda oʻtib ketadigan sinovli kunlarda har bir shaxs, har bir oila tejamkorlik rejimiga oʻtishimiz maqsadga muvofiq.
In shaa Allox bu kunlardan ham eson-omon oʻtib olamiz.
Murodxon Nazarov
Kanalimiz!
@Dehqonobod_uz
1.6K views04:03