Ушбу пост, муаллифнинг розилигисиз кўчириб босилмоқда. Ҳурматл | Дайди ўқ
Ушбу пост, муаллифнинг розилигисиз кўчириб босилмоқда. Ҳурматли муаллиф, постингизга анча ўзгартиришлар киритиб, барча тушунадиган қилиб бошқатдан ёздик. Сиздек фикрловчи ўзбегим тўмарисларининг борлиги бизни қувонтиради.
Ўзбегимнинг зиёли аёллари диққатига!
Ижтимоий тармоқларда диний тўқнашувларни ўқиётганимда, “ОВЕРТОН ОЙНАСИ” деган ибора ёдимга тушади у олти босқичли бўлиб, бирор бир ахмоқона бошқарувнинг жамият онгига таъсир ўтказиш усулларидан иборат кетма кетликни ташкил этади.
1. Босқичда “ақлга сиғмас” бўлиб туюладиган қоидалар ташланади.
2- босқичда “радикал ҳатти-ҳаракатлар” бошланади.
3-босқичда “жамият аста секин қабул қилаяпти” деб тушунилади.
4-босқичда “оқилона ҳаракатлар” деб тушунилади.
5-босқичда “оммавий кўникиш ва бажариш” авж олдирилади.
6-босқичда “давлат сиёсати” сифатида шарт қилина бошланади.
Масалан ҳозирда кўпчилингиз бефарқ бўлган “Ҳижобни кийишни ё киймасликни нимаси ёмон? кафе, мактаб,транспортда аёллар эркаклардан алоҳидаланса, нимаси ёмон ? ” деб ўйлайдиганлар, қуйидаги матнни синчиклаб ўқиб чиқинглар.
“ОВЕРТОН ОЙНАСИ” қоидалари акс этаётган шариат тизимига асосланган жамиятининг биздаги ҳолати.
1-босқич амалга ошиб бўлинди.
2016 йилдан бошланган ҳижоб ўраш ва соқол қуйишга бўлган талаблари, жамоат жойларида аёллари бурқа ва ниқобга, эркаклар яктак ва рўдапо кийиб юришгача эришишгача борди. Мактаб, лицей ва олий ўқув юртларида ҳижоб билан бориш орқали ва бадбашара соқол қуйволиб, бозорлар ва аҳоли гавжум бўладиган жойларда омма кўзини ўргатилди. Шариат қоидаларини радикал фикрловчи эркаклар, аёлларга баъзида мулойим овозда, баъзида ўдағайлаб сингдиришга харакат қилишмоқда.
2- босқич амалда. Кеча, очиқ-сочиқ юриш гуноҳ деб ноғора чалиб юрган одамлар, бугун “аёлларнинг кўчага кундузи чиқиши гуноҳ” дея хотин-қизларини жамоат ишларида ишлатаётган ва ўқитаётган эркакларни даъюс деган шариатча тамға босиб, обрўсизлантириб, ундайларни ўз сафларига қўшмаслик бошланган.
3- босқич ҳам бошланиб бўлди. шариатчи эркаклар, хар доим аёлларни қўл остида ушлашга харакат қилишган. Ёқса ёқмаса бу факт. Бугун эриз “Асалим , бирам хижоб сизга ярашган” деса, эртага қизингизга эри “ишламийсан , ишхонангда эркаклар бор, хижобда бўлсанг хам” дейди, индинига неварангизнинг эри “ховлидан кўчага хижобда бўлсанг хам чиқсанг оёғингни синдираман” деб шарт қуйиш бошланади.
4-босқич ҳам кўзга ташланмоқда. Водийда, Тошкентнинг айрим ҳудудларида автобус ва кафеларда аёллар жойи деб белгилаш бошланган. Аёлларни ажратиш секин секин магазинларга, кино ва театрларга кейин эса кўчагача хам бориши муқаррар бўлиб бормоқда.
Бешинчи ва олтинчи босқичларга бир баҳя қолган шариат тузумига сиздек зиёли хотин-қизларнинг бефарқлиги, жамиятни чулғаб олаётган радикал муаммоларга панжа ортидан қараётганингиз сабаб бўлиши мумкинлиги ҳақида бугуноқ қайғурмасангиз, эртага жуда кеч бўлади.
Афғонистон хам бир кунда қизларини 9-12 ёшдан 60 ёшлик эркакларга турмушга бериш даражасига келиб қолмаган. Бу каби жаҳолатли тизимга Афғонистон аста-секин қадам босиб, 30-40 йил ичида келган.
Бизда динни умуман нотўғри талқин қилиниши радикал эркакларнинг марраси, чунки хотин-қизларни ҳохлаганча эксплуатация қиладиган тизим бу шариат тизими. Чунки улар хоҳласа 10 талаб хотин олишига, хоҳласа 13 ёшли қизни зўрлашига, хоҳлашса чилим чекиб танбал бўлиб яшашига шариат йўл очиб беради. Диндан у бу нарсани ўрганган лўттивозлари оммани лох қилиб қўйларни бошқарган чўпондек яшайверади.
Биз араблар эмасмиз, биз ТУРКИЙ халқмиз. Бизнинг момоларимиз хеч қачон қора бурка кийишмаган, чунки туркий халқларда қора ранг мотам рамзи хисобланган.
Арабларда бурка иқлимга мос холат, буни бир араб уламмоси хам ўзи айтиб чиққан. Қум ва қуешдан сақланишига ёрдам беради. Момоларимиз рўмолни орқага чигиб , устидан оқ дока рўмол ташлаб юришган.
Рўмол ўранг, фақат чиройли ўранг, рангли матолар, атлас-адраслар кийинг, одамнинг кўзи қувнасин кўринишингиздан. Лекин ўранмаганларни камситманг, уларнинг денё қарашини хурмат қилинг. Мен хижобликлар , чала-муллалар хижобсизларни кофирликда айблаётганларга қаршиман.
