«Телеграм» ҳақидаги муаллифлик канали яратувчиси, россиялик Георгий Лобушкин ушбу платформанинг Ўзбекистондаги статистикасини эълон қилди.
Таъкидланишича, Ўзбекистон каналлар сони ва аудитория қамрови бўйича Россиядан сўнг иккинчи ўринда туради.
“Кўпчилик билмайди, лекин ҳозир Ўзбекистон «Телеграм» каналлари сони ва уларнинг аудиторияси бўйича иккинчи (Россиядан кейин) ўринда туради. Ўзбекистонда «Телеграм» каналларининг умумий аудиторияси 740 990 000 кишини ташкил қилади”, – дея ёзган Лобушкин.
Унинг сўзларига кўра, Ўзбекистонда «Телеграм» бозори жуда фаол ривожланяпти ва истиқболли кўринмоқда.
Маълумотларга кўра, ҳозир Ўзбекистонда 123 мингдан ортиқ расмий ва норасмий канал, шунингдек, 18 мингга яқин чат бор.
Бундан ташқари, фойдаланувчилари сони 1 миллиондан ошган фақат битта канал мавжуд.
@Day_Uz - ТВда кўрсатилмайдиган махфий хабарлар каналига аъзо бўлинг!
