Даврон Файзиев

2021-04-20 21:30:55 Аниқлик киритиб ўтай.

Челси ва Сити билан боғлиқ янгиликлар расмий эмас. Инсайдерлик маълумотлари. Тасдиқланмаган.

Мен эса шу дақиқаларда чиқаётган 1-2 та аниқ фактларни келтириб ўтай:

• Европа клублари ассоциацияси ва Бавария раҳбари Румминигге ўзи чиқиб айтдики, Бавария аниқ Суперлигада ўйнамайди.

• ПСЖ президенти Нассер Ал Хелайфий ҳам Суперлигада қатнашмаслигини таъкидлади. Шунингдек у Мбаппе клубда қолиши 100% деб айтди.

t.me/Davron_Fayziev Ochish/sharhlash

2021-04-20 21:23:25 Гол! Черан

Шаржа - Пахтакор 1:1

Сардор Рашидовнинг зарбасидан кейин рақиб оёғига теккан тўп секинлашди ва чизиқ устидан деярли Черан дарвозага киритиб юборди.

t.me/Davron_Fayziev Ochish/sharhlash

2021-04-20 21:19:27 Бир томонда Шаржа - Пахтакор ўйини. Бошқа томонда Суперлига янгиликлар лентаси. Телефонга қараб футболни эштиб “кўришни” ёқтирмайман, лекин бу вазиятда мажбурмиз. Бизни кузатишда давом этинг.

t.me/Davron_Fayziev Ochish/sharhlash

2021-04-20 21:16:05 Халқ денгиздир...

Челси мухлислари Брайтон билан ўйин олдидан автобусга ҳужум қилишди. Петр Чех уларни тинчлантиришга чиқди.

Мухлислар Европа суперлигасига қарши. Челси босим остида турли ресурсларда хабар сиздирмоқда. Суперлигани тарк этишмоқчи экан. Балки шунчаки тинчлантириш акциясидир. Бироқ энди бу тўлқин бошқа клубларга ҳам таъсир қилади. Халқ денгиздир.

t.me/Davron_Fayziev Ochish/sharhlash

2021-04-20 11:14:56 Ўзбек шарҳловчилигининг пойдевори ва устуни! Устозлар. Беназир инсонлар.

t.me/Davron_Fayziev Ochish/sharhlash

2021-04-20 06:08:00 ​​Флорентино Перес катта интервью берди.

Янги ташкил этилган Европа суперлигаси асосчиларидан бири Флорентино Перес El Chiriguito каналига интервью берди. Мен унинг гапларидан асосийларини танлаб, сизга қисқа вариантини келтириб ўтаман.

• Футбол оғир аҳволда. Суперлига эса клубларни молиявий инқироздан қутқариб қолади. Чемпионлар лигасига нисбатан рақобатли бўладиган Суперлига йўқотишлар камайишига сабаб бўлади. Трансляциядан бошқа даромад қолмаяпти, бу дегани ўйинлар жозибасини ошириш керак ва катта клубларни ўзаро ўйнатиш керак.

• Ўз клубим мисолида айтаман, Реал бу мавсум 400 млн евро йўқотди. Бу бошланиши, лекин ҳеч нарса қилинмаётганди, вазият эса оғир. Рақобатли ўйинлардан тушадиган фойдадангина клубларни қутқариш мумкин. Бунинг чораси фақат Суперлига. Футболга қизиқиш ёшлар орасида 40% га тушиб кетти. 16-24 ёшлиларни футбол қизиқтирмай қолмоқда. Савиясиз ўйинлар сабаб. Ва биз чора қидирдик.

• Бу фақат катта клублар учун эмас, барча учун фойдали бўлади. Пулимиз кўп бўлса кичикроқ клубларга трансферлар учун тўлай оламиз ва ёрдам берамиз. Суперлига ёпиқ турнир эмас, бу ёлғон, очиқ бўлади ва истаган жамоа унга чиқа олади.

• Манчестер Сити, Челси ва Реални ЧЛдан, МЮ ва Арсенални эса ЕЛ ярим финаллардан четлата олишмайди. Бу аниқ. Футболчилар халқаро турнирлар ва терма жамоалардан четлатилмайди, бундай қила олишмайди.

• Биз УЕФА билан мунозарага киришга харакат қиламиз. Лекин бунга эриша олмасак ҳам ортга чекинмаслигимиз аниқ. Шу йил Суперлига старт олиши учун барча имкониятни ишга соламиз. Ҳакамлар ва VAR ҳам бўлади, янада сифатли ҳакамлик бўлади.

• Агар Бавария ва ПСЖ розилик беришмаса, Суперлига уларсиз ўтади.

Реал Мадрид ҳақидаги саволларга жавоблар:

• Криштиано Роналду Реалга қайтмайди, бунда маъно йўқ.

• Серхио Рамосни жуда яхши кўраман. Аммо ҳозир молиявий аҳвол ёмон. У кетади демоқчимасман, бироқ ҳамма нарса бўлиши мумкин.

• Мбаппе ҳақида кўп сўрашади. Мен у билан гаплашмаганман. ПСЖ билан қандай келишуви бор билмайман. Биладиганим шуки, у зўр ўйинчи. Винисиусни Мбаппега алмашиш ҳақидаги гап ёлғон, Винисиус бизда қолади.

• Холанднинг отаси машғулот базамизга келиб кетган. Шунчаки кўриб юқори баҳо бериб кетти. Бошқа гап йўқ. Холанд ва Мбаппе икки истеъдод.

• Зидан топ мураббий ва унинг биз билан шартномаси бор. Уёғини эса вақт кўрсатади.

t.me/Davron_Fayziev Ochish/sharhlash

2021-04-19 23:28:51 АПЛнинг ўтган мавсумдаги иш услуби фикримча футбол миллий лигалари тарихидаги энг юқори даражалиси бўлган. Энг зўр мусиқа, энг чиройли безак ва графика, энг сифатли трансляция. Орадан кўп вақт ўтгани йўқ, лекин мен буларнинг ҳаммасини соғинишни бошлаб юборганман. Видеода шунчаки ўша 2019/2020 мавсумдаги АПЛ иш услубининг тақдимоти. Сиз ҳам соғинган бўлсангиз юкланг, бўлмаса шарт эмас.

t.me/Davron_Fayziev Ochish/sharhlash

2021-04-19 21:31:42 Бавария раҳбари Карл-Хайнц Румминигге Европа клублари ассоциацияси раиси этиб тайинланди. Аввал бу лавозимни эгаллаган Ювентус президенти Андреа Аньелли янги ташкил этилган Суперлиганинг асосчиларидан бири бўлгани сабабли бу ишидан воз кечганди. Бавария эса УЕФАга содиқлигини намойиш этмоқда.

t.me/Davron_Fayziev Ochish/sharhlash

2021-04-19 21:25:05 Маълумотларга кўра Италия А серияси клублари раҳбарлари йиғилиши якунига етган. Кун тартибидаги асосий масала бўлмиш Суперлига мавзусида мунозара топилмаган. Милан, Интер ва Ювентус ўз қарорида қатъий туришибти.

t.me/Davron_Fayziev Ochish/sharhlash

2021-04-19 19:03:59 UFC 261 ва ундаги асосий жанглар анонси видео кўринишида.
Усман - Масвидаль 2.

t.me/Davron_Fayziev Ochish/sharhlash