Бокс афсоналари мухлисларнинг ностальгия туйғулари эвазига пул ишлашда давом этишмоқда. Навбат 2000 чи йиллар юлдузларига. Собиқ жаҳон чемпионлари Хуан Мануель Маркес ва Мигель Котто 12 июнь куни рингга қайтиб Маямида ўзаро рингга чиқишмоқчи. Икки катта мактаб бўлмиш Мексика ва Пуэрто-Рико тўқнашуви. Иккисининг энг чўққига чиққан пайтидаги жангларини шарҳлаб борганман, аммо бундай қайтишлар тарафдори эмасман. Уларни ўша даврлардаги буюк чемпионлар сифатида эслаб қолгим келади. Шундай бўлсада, беллашув ҳақиқатдан ўтказилса уни кўришга қизиқишим бўлади албатта. Вақт кўрсатади.
