Davr24

2022-09-01 14:13:20 Биз бунга тайёрмизми?

Сиёсатшунос Камолиддин Раббимов:

Қўшни Қозоғистонда катта ислохотлар бошланиш арафасида. Президент Тўқаев таклифига кўра, бундан кейин Қозоғистон Президенти фақат бир марта, 7 йиллик муддатга сайланиш ҳуқуқига эга бўлади. Шу пайтгача беш йилдан икки мандат сайланиш назарда тутилган эди. Амалиётда эса, Назарбоев 5 йилдан неччи марта сайланганини ҳеч ким билмаса керак...

Тўқаев бу ташаббусини билдира туриб, постсовет ҳудудида, Марказий Осиёда бундан ёндашув мутлақ янги эканлигини урғулаган. Тўқаев ўзининг ҳокимиятини мустаҳкамлаш учун, ўз мандати ва ваколатларини чўзишни эмас, аксинча, қисман қисқартириш йўлини танлаяпти.

Лекин, Қозоғистон сиёсий маданияти қанчалик ҳар 7 йилда янги президент алмашинувига мослаша олади – бу савол ҳозирча очиқ. Бу таклиф Марказий Осиёдаги сиёсий динамикага ижобий таъсир қилишига ишонаман. Бу ўзгаришлар минтақадаги қаттиқ авторитаризмга оғишувни пасайтиради, оилавий монархия томон кетаётганларнинг легитимлигини сўндиради.

t.me/davr24official Ochish/sharhlash

2022-09-01 09:54:32 Тоқаев: “Президентлик муддатини 7 йиллик бир муддат билан чеклашни тавсия қиламан. Қайта сайлаш тақиқланади”

Қозоғистон Президенти Қосим Жўмарт Тоқаев бугун халққа мурожаатнома билан чиқди. Давлат раҳбари унда давлат институтларининг қайта ишга туширилиши ва муддатидан олдин президентлик сайловларини эълон қилди.

“Мен учун давлат манфаати ҳамма нарсадан устун, шунинг учун ваколат муддатимни қисқартиришга ва муддатидан олдин президентлик сайловларига боришга тайёрман.

Мен ҳам кўп ўйладим ва Президент ваколатларининг сони ва муддатини қайта кўриб чиқиш керак, деган хулосага келдим. Мен президентлик муддатини 7 йиллик бир муддат билан чеклашни тавсия қиламан. Қайта сайлаш тақиқланади”.

Марказий Осиёда янги демократия шамоли эсишни бошлади.

t.me/davr24official Ochish/sharhlash

2022-09-01 08:56:24 Азиз ва қадрли обуначилар!!!

DAVR24 жамоаси Сизларни энг азиз байрам бўлган Ўзбекистон Республикаси Мустақиллигининг 31 йиллиги билан чин юракдан муборакбод этади.

Азиз ватанимиз ривожи ва равнақига ҳисса қўшишдан чарчаманг!

Мустақиллигимиз абадий бўлсин!

Ҳурмат билан DAVR24 жамоаси!!!

t.me/davr24official Ochish/sharhlash

2022-08-31 10:41:04 СССР парчаланиши сабаблари ва Горбачев нимада ҳақ бўлган?

Манба

t.me/davr24official Ochish/sharhlash

2022-08-31 10:12:58 СССР уч марта ўлади

Биринчи марта бундан ўттиз бир йил аввал, 1991 йил августда ҳуқуқий ва сиёсий жиҳатдан ўлган СССР. ГКЧП мағлубиятидан кейин.

Иккинчи марта СССР онгларда, шуурларда ўлган. Эркин, ёш, мустақил, фикрловчи авлод ўлдира олган ичидаги СССРни. Ўлдир, сен ҳам ичингдаги СССРни ўлдир! Бу СССРнинг мафкуравий ўлими.

Учинчи мартасида СССР ичидаги СССРни ўлдира олмаганлар билан бирга жисмонан ўлади. Шундайлардан бири Горбачёв эди. Бу СССРнинг жисмоний ўлими. Бир кун Путин ҳам ўлади ва СССР бутунлай ўлади.

Ҳа, шундайлардан бири Горбачёв эди. СССРни тарқатиб юборган, ўлдирган деган тамға унга нисбатан энг адолатсиз ва ёвуз тамға эди. У охиригача СССРни сақлаб қолишга уринган. ССГ, Янги СССР каби шаклларда. Бир кун келади ГКЧП унинг зимдан амалга оширган энг охирги махсус операцияси эканини ҳам тарих очиқлайди. Лекин биз Горбачевдан шунинг учун миннатдор бўлишимиз керакки, у ўлаетган СССРни сақлаб қолиш учун яна минглаб, ўн минглаб, миллионлаб одамлар ҳаетини қурбон қилишга бормаган. Боролмаган.

Жойида тинч ётсин. Ochish/sharhlash

2022-08-30 14:08:23 Ўзбекистонликлар Мустақиллик байрамида кетма-кет 4 кун дам олади

Яъни, 1 сентябрь — Мустақиллик байрами, 2 сентябрь — жума, иш ҳафтасининг туридан қатъи назар барча ходимлар учун қўшимча дам олиш куни, 3 сентябрь — шанба, олти кунлик иш ҳафтасида ишлайдиган ходимлар учун Фармонга асосан қўшимча дам олиш куни, 4 сентябрь — якшанба, барча учун одатдаги дам олиш куни.

5 сентябрь барча учун иш куни. Мактаб, лицей, коллеж ва техникумлар ўқувчилари, шунингдек ОТМ талабалари учун ҳам 5 сентябр — душанбадан дарслар бошланади.

t.me/davr24official Ochish/sharhlash

2022-08-26 10:41:58 Президент Қорақалпоғистонда қўшимча имтиёз ва енгилликлар бериш бўйича аниқ топшириқлар берди.

Жумладан, Қорақалпоғистонда тадбиркорликни ривожлантириш мақсадида:

- ҳудуд учун фойда солиғи ставкасини 15 фоиздан 7,5 фоизга тушириш;

- айланма солиқ ставкасини Нукус шаҳрида 4 фоиздан 2 фоизга, туманларда 2 фоиздан 1 фоизга, олис ҳудудларда эса 1 фоиздан 0,5 фоизга пасайтириш;

- мол-мулк ва ер солиғи ставкаларини 2 бараварга камайтириш бўйича қарор лойиҳасини киритиш топширилди.

Бундан ташқари, жорий йилда оилавий тадбиркорлик дастурлари учун режадаги 650 миллиард сўмга қўшимча равишда 200 миллиард сўм ажратилади.

t.me/davr24official Ochish/sharhlash

2022-08-26 10:31:28 Аманбай Тлеубаевич Орынбаев Қорақалпоғистон Республикаси Жўқорғи Кенгеси раиси лавозимига тасдиқланди

У бугунга қадар Қорақалпоғистон Республикаси Вазирлар Кенгаши Раисининг Экология ва Оролбўйи ҳудудларини ривожлантириш масалалари бўйича биринчи ўринбосари сифатида фаолият олиб борган.

t.me/davr24official Ochish/sharhlash

2022-08-26 10:23:55 Мурат Камалов Қорақалпоғистон Республикаси Жўқорғи Кенгеси раиси лавозимидан озод этилди.

t.me/davr24official Ochish/sharhlash

2022-08-24 16:57:33 Бугун Украинада мустақиллик куни

Сиёсатшунос Камолиддин Раббимов:

Украинадаги урушга ярим йил тўлмоқда. Бугун Украина нафақат ўзининг давлат мустақиллиги, худудий яхлитлиги ва миллий қадр-қиммати учун курашмоқда, балки бу курашнинг оқибатларини бутун бир постсовет ҳудуди ўз танасида ҳис қилади. Иқтисодий қийинчиликларга қарамасдан, 1990 йилларда Россияда сиёсий оптимизм бор эди. 2010 йилларга келиб, Россия ўзининг геосиёсий қутбини яратмаса – “глобаллашган дунёда истиқболим сўниб бораркан” деган хулосага келди.

Кейинги икки ўн йилликда Кремль катта интеграцион лойиҳалар бошлади. Бу лойиҳаларнинг энг катта ва энг оғир ўлжаси, Украина эди. Украина собиқ СССР даврида ҳам РСФСРдан кейинги иккинчи катта республика эди, собиқ иттифоқнинг учдан бир иқтисодий улуши расмий Киевга тўғри келарди.

Тадқиқотчилар, мустаҳкам интеграциялар асосида яқин еки айни ўзликлар туришини айтишади. Лекин, тарих кўрсатадики, яқин ўзликлар энг оғир ва сурункали урушларга ҳам асос бўлар экан. Украина ва Россия – бир ўзликларнинг кейинги асрларда қисман бўлинган ўрнида пайдо бўлган миллатлар ва давлатлар ҳисобланади. Иккаласи ҳам православ, иккаласи ҳам славян, тарихий илдизлари бир... Лекин, уларнинг геосиёсий орзулари – мутлақ тескари ва ўзаро тўқнашувни тақозо қилади. Тасаввур қилиш мумкинки, бу уруш бу яқин ўн йилликларда гибрид ва ахборот-мафкуравий кўринишида, муқаррар давом этади.

Бугун Украина давлатининг мустақиллик куни экан, урушга ҳам ярим йил тўлди...

t.me/davr24official Ochish/sharhlash