2023-04-09 05:42:35
Hozir ne-ne orzular va maqsadlar bilan O‘zbekiston OTMlarining falon kurslarida o‘qiyotgan talaba do‘stlarimizni ruhiyatini cho‘ktirmoqchi emasman. Ammo aytmasam bo‘lmaydi.
O‘tgan kuni anchadan beri (talabalik kezlarimizdan beri) uchrashmagan, turli viloyatlardan bo‘lgan uskiy krug bollari choyxonada nihoyat yig‘ildik. Uyoqdan buyoqdan rosa suhbatlashdik.
Davradagi hammamiz nufuzli universitetlarda o‘qiganmiz. Ayrimlarimizning ikkitalab diplomimiz bor. Do‘stlarim yaqin yillargacha nufuzli tashkilotlarda davlat xodimi sifatida ishlab kelardi. Adashmasam 3-4 yildan beri shundoq o‘rnini tashlab, bari, ha hammasi ko‘cha biznesga o‘tib ketgandi.
Xususiy va davlat ishi borasida soatlab gaplashib o‘tirdik. Nega davlat ishidan chiqib ketganliklari haqida ham soatlab bahsli suhbatlar qurdik. Biri "Men davlat ishida uzoqqa qarab bulutni ko‘rdim va chiqdim" desa, boshqasi oilaviy iqtisod muammosini aytdi.
Barchasi pul, erkinlik, kelajak, rivojlanish, o‘siz va o‘zgarish uchun chiqib ketgan. Va buni uddalashdi ham. Hozir xususiy ishi, qo‘l ostida esa ishchilari bor. Soqqasi beton, minib yurgan mashinasi uhhu.
Aynan shu krugdan davlat ishida bitta men qolib, kuchanib yotibman ekan. Ularning gap-so‘zlarini jim tinglab turaman, qilayotgan ishlari, bajarayotgan amallari va rejalari dahshatli. Meni ham ruhlantirib qo‘yishni esidan chiqarmadi. Biz seni bilamiz, shunchaki qaram bo‘lib oydan oyga maoshingni kutib yuradigan bola emassan, davlat ishida ko‘pga bormaysan, deyishdi.
Ayniqsa bittasining gapi toza ichimni qizdirib, ichagimni tirnab yuborni. Davlat seni boy qilmaydi, 20 yil quldek ishlatib, bor kuch-g‘ayratingni olib ko‘*ingga tepib nafaqaga haydab yuboradi. Nafaqa pulingga keladigan bo‘lsak, u sening 20 yil quldek ishlagan haqqingni o‘zingga yillar o‘tib qaytajagi, deydi.
Bo‘lsa bordir, yana qaydam. Men bostirib ishlab yotibman lekin. Ammo bu yerda yozganimdek davlat xodimlarining maoshini oshirmasak, ko‘pga bormasligimiz aniq. Chunki hozirgi maoshga qo‘lidan ish keladigan professional mutaxassis ko‘nmaydi. Aqli bori va o‘zini qadrlagani ko‘chaga chiqib ishini qilib yotibdi. Shundaylarning qolgan bir-ikkitasini vatanparvarligi qo‘ymay katta maoshli kunlar kelishini umid bilan kutyapti. Men shular qatorida bo‘lsam kerak)
Chindan ham ishxonada gohida shunday tarang vaziyatlar yuzaga kelib qoladi. Lekin shartta barini tashlab chiqib ketolmayman. Bilmayman nega, birozdan so‘ng baribir ko‘naman.
Hasbunallohu va ni’mal vakil! Xudo kuch-quvvat bersin, ishlayveraylikchi bir gap bo‘lar.
Manba: hazratikursdosh
Telegram kanalimiz @dasturchimatematik
1.1K viewsedited 02:42