Ассалому алайкум, янги йилингиз билан! Янги йилни яхши кутиб | ⚽️ Comeback Live
Ассалому алайкум, янги йилингиз билан!
Янги йилни яхши кутиб олган бўлсангиз, энди аччиқ гапириш вақти келди.
Бир неча кундан буён Испанларнинг даври тугаганлиги ва уларни олиб келганларнинг ҳам ишлари шу ерда ўз ниҳоясига етганлиги, тобора ойдинлашиб бораяпти. Тушуняпсиз а қайси жамоа ҳақида кетяпти гап ?
Зўрға Суперлигага қайтган Термизликлар деярли кун кўрмади. Жамоада юрганлар ва жамоа билан ишлаганлар, ҳеч бўлмаса солиқдан қисман озод бўлиш билан фойда кўргандир ёки йўқ. Аммо,мухлисларда нима айб?
2019 йилдан буён Термизлик мухлислар сарсон. Жамоа деярли ярим давра ўз уйида ўйнади. Мухлислар эса изма-из юраверди. Мен Тенмиздаман, биламан жамоани қанчалик яхши кўрувчи мухлислари борлигини. Жамоани шунчалик яхши кўришади-ки, хаттоки жамоа раҳбарияти алмашинувида ҳам ўзларини, бир бирларини айблашяпти. Жаноблар, Ўзбек футболида янги даврни исботловчи жамоа ташкил қилиш ва кучли инфраструктура яратишни мақсад қилиб келдингиз. Билмадим, эҳтимолий таҳмин билан айтаман "Майдонни ололмаганингиз ва жамоа олдидаги қарзлар" муаммо бўлганлиги сабаб кетаётгандирсиз. Лекин қандай кетяпсиз, қандай кетасиз бу ўзингизга ҳавола, фақатгина жамоа мухлислари сизнинг кетишингизда ўзларини айбламасин !
Мард бўлиб кетинг, мардларча кетинг!
"Сурхон" клуби мухлислари жамоани бир мавсум давомида оғирини енгил қилган жамоа раҳбариятини қайтариш учун ўзини ўққа-чўққа уришяпти.Бу албатта тахсинга сазовор, аммо сизда қолишни хоҳлашмаганлар учун куюнишингиз ғалати. Аслида ўзлари қолишни хоҳлашмади, бунда сизнинг айбингиз йўқ. Сурхонни мард ўғлонлари тунни-тун, кунни-кун демасдан барча учрашувларни сафарда томоша қилдингиз. Жонингизни хатарга қўйиб жамоани қўллаб турдингиз, шунинг ўзи катта вазифа. Бу - фахр ва ифтиҳордир!
Менинг ожизона фикримча, қўйинг керак эмас. Кетишса ҳам сизлар учун кетишмайди, ўйланган вазифаларини қилаолишмаганлари учун кетишади. Вазифани бажаришга кўзлари етмаганликлари учун кетишади. Ҳаммаси ҳали олдинда, булар кетса бошқаси келади !
Шу ўринда жамоани бир мавсум давомида сабр билан етаклаган Жахонгир Усмонов ва унинг қўл остида ҳамжиҳатлик билан мехнат қилган барчага рахмат !
Сурхон учун сидқи дилдан мехнат қилаётганингиз учун барчангизга ташаккур !
@comeback_football
