Ҳиндистон ер ва сувни тежаш мақсадида қуёш қурилмаларини каналларда жойлаштиришни бошлади
Қуввати 10 МВт бўлган Қуёш қурилмаси Гужарат штатидаги Вадодара шаҳри чеккасидаги узунлиги 3,6 км бўлган суғориш каналида қурилган. У пўлат тиргакларга ўрнатилган 33 800 та қуёш батареяларидан ташкил топган.
Мутахассислар қуёш қурилмаларини каналларда жойлаштиришнинг икки асосий афзаллигини алоҳида қайд этмоқдалар: ердан унумли ва арзон фойдаланиш ҳамда қурилма тагидаги канал ўзанида сув буғланишини камайтириш.
Аввал ёзганимиздек, Ҳиндистон қайта тикланувчи энергия манбаларини ривожлантириш бўйича кенг кўламли дастурни амалга оширмоқда. 2014-йилдан 2019-йилгача тармоққа уланган ҚТЭМ қувватлари миқдори 32 ГВт дан 79 ГВт гача 2,5 баробар ошди.
#буқизиқ
@Clearenergy
