2022-05-27 08:07:44
Чуст туман Экология ва атроф-муҳитни муҳофаза қилиш бўлими огоҳлантиради!
Хурматли Чуст туман фермер хужалиги рахбарлари хамда барча Чустликлар.
Маълумки, ёз ойи тирикчиликнинг асосий манбаи хисобланган бошоқли дон экинларини йиғиштириб олиш ойи бўлиб, бу эса туманимиздаги фермер хўжаликлари учун жуда мухим хисобланади, чунки туманда айни даврда бошоқли дон етиштириш қишлоқ хўжалигининг етакчи соҳасига айланган.
Ўтган йил тажрибаларидан келиб чиққан ҳолда тумандаги айрим фермер хўжаликлар рахбарлари, уларнинг ишчи ходимлари ёки бошқа ердан фойдаланувчилар томонидан ғалла йиғиштириб олинганидан сўнг ғалладан бўшаган ерларга такрорий экин экиш мақсадида сомон қолдиқларини ёқиб юбориш ҳолатларига йўл қўйилган. Сомоннинг ёниши натижасида атмосфера ҳавосига турли ҳилдаги зарарли моддалар ташланиб, бу эса ўз навбатида инсонлар саломатлигига салбий таъсир кўрсатади. Шунингдек, тупроқ структурасини бузилишига, тупроқнинг турли хил фойдали микрорганизмлардан ташкил топган унумдор қатламини куйишига, эрозияни кучайишига ва пировард натижада хосилдорликни камайишига сабаб бўлади.
Ҳисоб-китобларга кўра 1 гектар майдондаги сомон ва сомон қолдиқларининг ёқиб юборилиши оқибатида атмосфера хавосига 500 грамм азот оксиди, 379 грамм углеводород, 3 кг кул, 20 кг ис гази каби зарарли газлар ташланади. Бундан ташқари дала четларидаги ўсимлик дунёсига (шу жумладан, тутзорларга) зарар етказилади.
Юқоридаги ҳолатларга яъни сомон поялари ва ўсимлик қолдиқларига ўт ёқиб юборилган тақдирда жисмоний ва юридик шахсларга нисбатан Ўзбекистон Республикаси МЖтК нинг 88-моддаси 3-кисми бўйича базавий ҳисоблаш миқдорининг 10 баробаригача бўлган микдорда маъмурий жарима қўлланилиши мумкин. Сомон ва ўсимлик қолдиқлари ким томонидан ёқиб юборилишидан қатъий назар фермер хўжаликлари бошлиқлари шахсан жавобгар бўладилар.
Бундан ташқари Ўзбекистон Республикаси Вазирлар Махкамасининг 2015 йил 2 июндаги 144-сонли карорига хамда Ўзбекистон Республикаси Адлия вазирлигида 2006 йил 25-декабрда 1647-сон билан давлат рўйхатидан ўтказилган «Бошоқли дон экинлари сомонини ёқиб юборилиши натижасида етказиладиган зарарни аниқлаш хамда ушбу холатларни содир этган юридик ва жисмоний шахсларга нисбатан жарималар қўллаш бўйича Низом» га мувофиқ 1 гектар майдондаги сомон қолдиқларини ёқиб юборганлиги учун 5-синф қаттиқ ва юмшоқ буғдойнинг харид нархи, ернинг бонитети ва хосилдорлигини хисобга олган холда зарар суммаси ҳисобланади
Экология ва атроф-муҳитни муҳофаза қилиш Чуст туман булими Сиздан 2022 йил ғалла хосилини йиғиштириб олингандан сўнг тез кунда сомон пояларини йиғиштириб олиб шудгорлаш ишларини амалга оширишингиз, сомон поялари ва ўсимлик қолдиқларига ўт ёқиб юборилган тақдирда Ўзбекистон Республикасининг амалдаги қонунларига асосан жавобгар бўлишингиз тўғрисида огоҳлантиради.
Экология ва атроф-муҳитни муҳофаза қилиш Чуст туман бу́лими
409 views05:07