2021-02-14 17:05:01
АЛЛОҲГА ЙЎЛИҚАДИГАН КУНГАЧА СИЗГА САВОБ ЁЗИЛИШИНИ ИСТАЙСИЗМИ?
Абдуллоҳ ибн Умар розияллоҳу анҳумодан ривоят қилинади, Набий соллаллоҳу алайҳи ва саллам айтдилар: “Аллоҳнинг бандаларидан бир банда шундай деди:
“يَا رَبُّ لَكَ الْحَمْدُ كَمَا يَنْبَغِي لِجَلَالِ وَجْهِكَ وَ عَظِيمِ سُلْطَانِكَ”
(Я Роббу, лакал ҳамду кама янбағий лижалали важҳика ва ъазими султоник). Шунда амалларни ёзувчи икки фаришта уни қандай ёзишни билмай қийналиб қолди. Сўнгра Аллоҳнинг ҳузурига бориб: “Эй Роббимиз, бир банданг бир сўз айтди, уни қандай ёзишни билмай қолдик”, деди. Аллоҳ таоло уларга Ўзи билиб турган ҳолда: “Бандам нима деди?” – деб сўради.
Фаришталар у:
“يَا رَبُّ لَكَ الْحَمْدُ كَمَا يَنْبَغِي لِجَلَالِ وَجْهِكَ وَ عَظِيمِ سُلْطَانِكَ”
(Я Роббу, лакал ҳамду кама янбағий лижалали важҳика ва ъазими султоник) деди”, дейишди. Шунда Аллоҳ таоло: “Уни бандам менга йўлиққунича у айтганидек ёзинглар. Ўзим уни мукофотлайман”, деди.
Бу айтилган сўзлар Аллоҳ таолога ҳамд айтишнинг бир кўриниши бўлиб, маъноси “Эй Роббим, Сенга юзинг улуғлиги ва султонлигинг буюклигига лойиқ ҳамд бўлсин”, деганидир.
Муҳаммад Али Собунийнинг “Мухтасару тафсири ибн Касир” китобидан
Manba:mavlonolutfulloh
(CHUSTLIKLAR )
https://t.me/joinchat/AAAAAEwco8DN3oO8aN9XWw
3.0K viewsedited 14:05