2022-09-18 07:05:04
Yomon illatim bor, juda yomon. O'zimni bu uchun juda yomon ko'rib ketaman, ammo hech o'zgartirolmayman. Men, Insonlardan ko'p narsa kutib yuboraman, juda ko'p narsa'.
Masalan, ketaman desam, yo'q ketmaysan deya majburlashingni kutaman. Chunki ketishni istamayman, ammo ketaman deyaveraman.
Qong'iroq qilib yaxshimisan deyishingni emas, balki, yaxshi emassan, xozir boraman oldinga yo'q desang ham, deyishingni kutaman. Sababi yaxshimisan deya so'rashsa Alhamdulillah yaxshiman, deya yolg'on aytaman.
Yolg'iz qoldiring, istamayman, desam, yolg'iz qoldirishim mumkin, ammo yolg'izlikni his qildirmayman bil' deyishingni, gapirmagunimcha yonimdan ketmasligingni xoxlayman.
Bemor bo'lsam aytmasam ham o'zing sezishingni, yonimdan ketmasligingni, dorini icholmasligimni bilib har xil yo'llarini topib majbur ichirishingni istayman (qiziq agar seni ardoqlab, o'zlari majburan ichirishsa dori ham shirin bo'lsa kerak-a).
Ijtimoiy tarmoqlarda yo'q bo'lib qolsam, telefonim ishlamasa meni unutib yuborishingni emas, balki meni qayerdan topish mumkinligini bilishingni istayman.
Yarim kechasi qo'ng'iroq qilib, qara, sevgan yulduzlaring chiqibdi osmoningda' deyishingni shu qadar istaymanki...
Jajjilar bilan o'ynayotganimda ustimdan kulishlingni emas, Men bilan birga o'ynashingni xoxlardim. Jinnilik qilsam, birga telbamiz' deya, men bilan birga jinnilik qilishingni istayman.
Qahvaga nechchi qoshiq shakar solishimni, arg'imchoq uchyotganimda Men uchyapman Samo' deya baqirishimni, asabiylashganimda qog'oz maydalashimni, fikrimni jamlolmaganimda yulduz rasmini chizishimni, so'z kelmaganda sochimni qashishimni, uyalganimda yuzib qizarib lablarimni burishimni, kulganimda dunyolarni unutishimni, bolajonlar uchun sumkamda doim shirinlik yurishini, zinadan sakrab tushishimni' barini bilishingni istayman. Xatto meni mendanda ko'p bilsang deyman.
Hammani Dardini eshitayotganimda, Sen kel Menga ichingdagilarni ayt to'lib ketibsan-a deyishingni, dunyolarni unutib meni tinglashingni, sababsiz majburlab bo'lsada dengiz tomon olib ketishingni istayman....
Barini inkor qilishim mumkin, yo'q bo'lmaydi deyishim mumkin. Ammo asli juda istayman.
"Men uning tabiatini yaxshi bilib oldim alomat qiz! Ehtimol injiqlik qilar yoki e'tiroz qilar lekin sen bo'sh kelma xazon bo'lmasin desang javob berma! Zarur bo'lsa xotin qizlarni olib qochadigan tog'liklar kabi qo'pol va yovvoyi bo'l! Agar quchog'ingda jon bersa bilginki quvonchdan baxtiyorligidan jon beradi'' degan edi "Choliqushi" asarida Xayrullobey', aynan Men haqimda aytgandi shunda bilarmiding?
Albatta, seni mening oldimda hech qanday majburiyating yo'q. Ammo, men judayam istayman. Shunday Ishq qalbingdan keladi-a? :)
22 views04:05
Q
