👉🇺🇿ЧИНОЗИМ 🇺🇿👈Расмий канал

2022-07-09 09:05:07 ​ҲАЙИТ АЙЁМ МУБОРАК!

Минг шукрким, етказди,
Ғам-андуҳни кетказди.
Сўранг ҳар қандай тилак,
Ҳайит айём муборак.

Роббим этгай мустажоб,
Бу фурсат бўлар камёб.
Дуога чўзинг билак,
Ҳайит айём муборак.

Гуллар қийғос очилиб,
Заминга зар сочилиб,
Нурга чулғанди фалак,
Ҳайит айём муборак.

Тилингиздан томсин бол,
Қариндошдан сўранг ҳол.
Эътибор беринг жиндак,
Ҳайит айём муборак.

Иқболимиз порлоқдир,
Кибру ҳасад йироқдир.
Чирой очсин келажак,
Ҳайит айём муборак.

Меҳр-шафқат улашиб,
Хайру саховат тошиб,
Товлангандек камалак,
Ҳайит айём муборак.

Жизғанак бўлиб шайтон,
Бизга қилолмас исён.
Кулиб боққайдир малак,
Ҳайит айём муборак.

Мусулмонлар шод бўлар,
Қалблар қувончга тўлар.
Иймон жаннатдан дарак,
Ҳайит айём муборак.

Бу кунлар ҳам ғанимат,
Байрам қилмоқлик суннат.
Бунга қилманг ҳаргиз шак,
Ҳайит айём муборак.

Савоб жилмайиб боқар,
Барчамизга хуш ёқар.
Гўё нозли келинчак,
Ҳайит айём муборак.

Роббим Ўзи Ғаффордир,
Байрам мисли ифордир.
Дилдан севинмоқ керак,
Ҳайит айём муборак.

Яйранг, қувнанг, яшанг шод,
Юртимиз бўлсин обод.
Файзга тўлсин теварак,
Ҳайит айём муборак!

ЭРКИН ҚУДРАТУЛЛОҲ Ochish/sharhlash

2022-07-09 07:28:03 Қурбон хайит байрами барчангизга муборак бўлсин ҚАДРДОНЛАРИМ

Аллоҳнинг раҳмати бир сизга бўлсин.
Умрингиз исломнинг нурига тўлсин.
Шукурким етказди улуғ кунларга.
Ушбу ҳайит айёми муборак бўлсин!!! Ochish/sharhlash

2022-07-09 07:24:00 Ассалому алейкум ҳурматли иймони мустахкам азиз диндошим!!! Сизни бугунги ислом динининг муқаддас байрами "Қурбон ҳайит" аййоми билан чин қалбимдан самимий табриклайман!!! Тану-жонингиз соғ, умрингиз узоқ, мартабангиз улуғ, иймонингиз мустахкам булсин. Хонадонингиздан файзу бакара аримасин. Юртимиз тинч осмонимиз мусаффо булсин. Хар доим оллохим назарида бўлинг. Ochish/sharhlash

2022-07-09 07:24:00 Ochish/sharhlash

2022-07-08 16:48:42 #Чиноз_тумани

#Эълон

Қурбон ҳайити байрам тадбири муносабати билан ўқиладиган ҳайит намозида жамоат тартибини сақлаш, фуқароларнинг хавфсизлигини таъминлаш мақсадида Чиноз
туманининг "Хўжа” " Чинмасжид" "Мевазор" "Яхши ният" "Чорвадор" "Марказий" "Тонг юлдузи" "Сихибкор" жоме масжидларига олиб борувчи кўчаларда автотранспорт воситалари ҳаракатланишини вақтинчалик 8 июл соат 00:00дан 9 июл соат 07:00 гача тўхтатилади.

Шу муносабат билан ҳаракат иштирокчиларидан вазиятни тўғри тушунган ҳолда, ЙПХ инспекторларининг кўрсатмаларига амал қилишларини сўраймиз.

@chinozim Ochish/sharhlash

2022-07-08 15:26:37 ХУРМАТЛИ ЧИНОЗЛИКЛАР !! ЭҲТИЁТ БЎЛИНГЛАР ПЛАСТИК КАРТАДАН ПУЛ ЕЧИБ ОЛИШ УЧУН ТЕЛЕГРАММДАН ЁЗИШВОТИ ҲАР БИР ОИЛА УЧУН 955.000 СЎМ ДЕБ КИРИНГ ВА ЕЧИБ ОЛИНГ ДЕБ ССЫЛКА ЖЎНАТИШВОТИ АЛДАНИБ ҚОЛМАНГ ВА КИРМАНГ «ТЕКИН ПИШЛОҚ ҚОПҚОНДА БЎЛАДИ» БЛОКЛАБ ЎЧИРИБ ТАШЛАДИМ ҲОЗИРГИНА Ochish/sharhlash

2022-07-08 14:43:41 Юлдуз Усмоновадан ўтганлар хотирасига бағишланган қўшиқ. Ochish/sharhlash

2022-07-08 12:02:43 #Чиноз_тумани
#Семинар_тренинг

Ўзбекистон Республикаси Президентининг “Оила ва хотин-қизларни қўллаб-қувватлашга доир ишларни янада жадаллаштириш чора-тадбирлари тўғрисида"ги ПФ-87-сон фармонининг 23-банди асосида ушбу муассасада тарбияланаётган қизларда хаётий кўникмаларни шакллантириш мақсадида семинар-тренинг бўлиб ўтди.
Тадбирда Ўзбекистон Республикаси Оила ва хотин-қизлар давлат қўмитаси етакчи мутахассиси, Тошқулова Нигора Гаппаровна, Халқ таълими вазирлиги бошқарма бошлиғи ўринбосари Тўраев Рўзибек Очилович, психолог Абдуллаева Кимё Адиловна, Чиноз тумани ҳокими ўринбосари, Оила ва хотин-қизлар бўлими бошлиғи, Мансурова Васила Бахтиёровна, Чиноз тумани ИИБ ХПБ ХҚМБИ под полковник М.Сирожова, Чиноз тумани Халқ таълим бўлими мутассадди ходимлари Д.Айбеков, Н.Акромовалар иштирок этди.

Хотин-қизларнинг ижтимоий-сиёсий фаоллигини ошириш ва мамлакатимизда хотин - қизларнинг келажаги, унинг ўқиши, касб танлаши давлатимиз раҳбарининг диққат марказида эканлиги, хотин-қизларга берилаётган имкониятлар, квоталар, имтиёзли кредитлар тўғрисида, шунингдек қизларнинг қобилияти, ҳохиш-истакларидан келиб чиқиб, уларни касб билан боғлиқ тўгаракларга, жумладан, WEB дастурлаш, компьютер саводҳонлиги, электрон тижорат каби йўналишларга жалб қилиш тўғрисида фикр мулоҳазалар билдирилди.
Тадбир кўтаринки кайфиятда, қизғин савол-жавобларга бой ўтди.

Суҳбат якунида муассасанинг фаол ва китобсевар ўқувчиларига Оила ва хотин-қизлар давлат қўмитаси томонидан илмий-адабий китоблар тарқатилди.


Чиноз тумани ҳокимлиги ахборот хизмати. Ochish/sharhlash

2022-07-08 12:02:42 Ochish/sharhlash

2022-07-08 12:02:42 #Чиноз_тумани

Эксим банк кредитлари ёрдамида мактабларга компьютерлар етказилмоқда

Корея Республикасининг Эксимбанки кредит маблағлари ёрдамида амалга оширилаётган "Мактаб таълимида ахборот-коммуникацион технологияларни янада ривожлантириш" лойиҳаси доирасида Тошкент вилояти Халқ таълими бошқармаси тассарруфидаги таълим муассасаларини компьютер техникалари билан таъминлаш ишлари ўтган ўқув йилидан буён босқичма-босқич амалга ошириб келинмоқда.

Чиноз туманидаги 1 ва 2- сонли умумтаълим мактабларига мазкур лойиҳа доирасида 32 дона йиғма янги авлод компьютерлари етказилди.

Ўйлаймизки, янги ўқув йилида ўқитувчилар томонидан дарс машғулотларида тақдимотлардан фойдаланиш сифати яхшиланади ва ўқитишнинг илмий ишонувчанлиги ҳамда катта миқдордаги маълумотлар ва ахборотларга кириш имконияти яратилади.

Чиноз тумани ҳокимлиги ахборот хизмати. Ochish/sharhlash