Millatlar do’stligi: Men darsga kiradigan guruhlarda hanzular | China-Uzbekistan

Millatlar do’stligi: Men darsga kiradigan guruhlarda hanzular ham, uyg’ur, qozoq, mo’g’ullar ham bor. Albatta, turkiy millat bo’lgani uchun uyg’ur, qozoqlarga o’zbek tilini o’rganish osonroq. Shu sababli partalarga bitta turkiy millatdan, bitta boshqa millatdan tanlab o’tirib olishadi. Mashqlar bajarganda, yozma imtihonlarda pichirlab o’zaro yordam berib turishadi. Kelmay qolgan talabaga topshiriqni yetkazishadi. Umuman millat ajratishmaydi. Ular darsda ahil talabalar. Har guruhda shunga guvoh bo’lsam ko’zim quvnaydi, dilim yayraydi. Tinchlikka nima yetsin.