СЕНИ ЯХШИ КЎРАМАН, ЁДИНГДА ТУТ!... Япониядаги зилзиладан сўнг | 👨🏻🎓👩🏻🎓📚CHDPU KITOBXON TALABA 📚👩🏻🎓👨🏻🎓
СЕНИ ЯХШИ КЎРАМАН, ЁДИНГДА ТУТ!...
Япониядаги зилзиладан сўнг қутқарувчилар ёш аёлга тегишли бўлган уй харобаларига келишди ва хонадон соҳибасини девор ёриқлари орқали кўришди. У ибодат қилаётгандек энгашиб, қўллари эса ниманидир ушлаб тургандек эди гўё! Қулаб тушган уй унинг боши ва елкасига зиён етказган эди. Қутқарувчилар гуруҳининг сардори аёл тирик эканлигига умид қилганди. Аммо унинг совуқ танаси бунинг аксидан далолат бериб турарди. Кўринмас бир куч гуруҳ сардорини ҳалок бўлган аёлнинг уйига чорлади. Яна бир маротаба, у аёл ётган жойни кўриб чиқиш учун бошқа бир тирқишдан ичкарига бўйлади ва кутилмаганда ҳаяжон билан «Бу ерда гўдак бор, гўдак!» деб бақира бошлади. Бутун гуруҳ уй атрофидаги уюмларни синчиклаб йиғиштиришга тушишди. Аёл тиз чўкиб, мук тушганча ётар эди. Во, ажаб! Унинг остида адёлда ўралган 3 ойлик ўғил бола ётарди! Уй қулаётганда она боласини ўз танаси билан тўсиб турган. Афтидан, у боласи учун ўзини қурбон қилган эди. Қутқарувчи гуруҳ сардори миттигина гўдакни қўлга олганида, у ҳали пишиллаб ухлаб ётарди. Адёлни очганида эса, қутқарувчининг кўзи уяли телефонга тушди. Экранда матнли «смс» бор эди: «Агар тирик қолсанг, сени яхши кўришимни ҳамиша ёдингда тут». Бу уяли телефон қўлма-қўл бўлиб кетди. Ундаги хабарни ўқиган одамларнинг кўзлари намланди. «Агар тирик қолсанг, сени яхши кўришимни ҳамиша ёдингда тут». Она муҳаббати шундай бўлар экан!!!
@CHDPU_KITOBXONTALABA
