Дунёдаги энг ақлли одамлардан бири Ким Ун Ён 1962-йилда Жануби | Markaziy Osiyo
Дунёдаги энг ақлли одамлардан бири Ким Ун Ён 1962-йилда Жанубий Кореяда туғилган. У икки ёшида 5 тилда гапирган, 4 ёшида университетга ўқишга кирган. 8 ёшида у НАСА томонидан Колорадо штати университетига ўқишга таклиф қилинган ва у ерда 15 ёшида физика фанлари номзоди илмий даражасини олган ва ушбу ташкилот учун тадқиқот олиб борган. Бироқ, 1978 йилда у ўз ватанига қайтган ва маҳаллий корпорациянинг режалаштириш бўлимида ишлаш учун қурилиш муҳандислиги йўналиши бўйича ўқиган. Атрофдагилар "даҳонинг сўнгани" ҳақида гапиришган, аммо Ким Ун Ён шунчаки бошқа йўлни танлаганини ва ҳаётидан жуда бахтли эканлигини таъкидлаган. IQ даражаси 210 бўлган Ким Ун Ён ўз танлови билан оддий инсоний муносабатларсиз ҳаёт умуман ҳаёт эмаслигини билдирган.
