CaCtus_Uz

2023-01-05 13:18:39 Ҳоким ва вазирлар меҳнат таътилида, қайсидир ҳоким Грузия тоғларида вино ичиб қор ўйнаб юрган, яна кимдур Кисловодскдаги санаторияда клизма олаётган бўлиши мумкин. Почти ҳеч ким қолмади, фақат Абдулла Нигматович ишда. Келаси ҳафта келадиган аномал совуқни ғамини еб, сиқилиб ўтирибди. Ўзи шу одам ҳеч қачон дам олмайди, доим ишда, пиарни ёмон кўради. Ochish/sharhlash

2023-01-05 08:39:50 Нохушхабар!

Тошкент вилоятида (Ўртасаройда) Док-1 Макс дори воситасини истеъмол қилган 2 ёшли бола вафот этди.

Ҳурматли ота-оналар Док-1 Макс дори воситасини уйингизда бўлса зудлик билан йўқотинглар!

@kompromatuzb Ochish/sharhlash

2023-01-04 18:42:37 Док-1 Макс бўйича юқорини огоҳлантирган бош врач ишга тикланиши лозим.

Док-1 Макс бўйича вилоят ССБни расман хат билан огохлантирган бош шифокор Маматқул Азизовни гўёки "ўз вақтида хабар бермаганлиги учун" деб ишдан бўшатишган.

Бош шифокорни ишдан бўшатиш жараёнини ҳолатдан келиб чиқиб ўргандим. Катта эҳтимол билан М.Азизовни ишдан бўшатиш давомида меҳнат қонунчилиги жиддий даражада бузилган.

Мен Соғлиқни сақлаш вазирлигига ушбу қонунбузарликлар ҳақида аниқ фактларни бирма-бир келтириб беришим мумкин.

Янги вазирга маслаҳатим, М.Азизовнинг меҳнат ҳуқуқларини тиклаб, ўз вазифасига қайтариш керак. Агар иш судгача борадиган бўлса, ходимни суд орқали ишга тикланиш имконияти анчагина юқори деб ўйлайман.

Агар М.Азизов мурожаат қиладиган бўлса, уни адвокат сифатида ҳимоя қилишга тайёрман.

Шунчаки адолат учун. Ochish/sharhlash

2023-01-03 20:21:38 Менимча, бутун халқ тушуниб бўлган: «Ўзбекистонда қонун-қоидалар фақат қора ҳалқни жазолаш ва чиновникларни ҳимоя қилиш учунгина қабул қилинишини». Бошқа ҳолатларда эса бу қонунлар ишлмайди, ҳеч ким уни назорат қилмайди.

Кинематография агентлиги директори Фирдавс Фридунович Абдуҳолиқов бугунги кун ҳолатига ҳам «EAST STAR MEDIA» МЧЖнинг таъсисчиларидан бири ҳисобланади. Умуман олганда, Фирдавс Фридунович йирик медиамагнат, унга тегишли бошқа медиа компанияларнинг давлат органлари билан қизиқ шартномалари мавжуд. Ochish/sharhlash

2023-01-03 10:11:03 Диққат

Энерготизимда қувват етишмовчилиги кузатилаётгани боис 3-январдан чекловлар қайта жорий этилмоқда.

Электр чекловлари аввалдан ишлаб чиқилган график асосида ҳудудлар кесимида тенг тақсимот асосида олиб борилади. Ochish/sharhlash

2023-01-02 12:19:25 Соғлиқни сақлаш кодекси лойиҳаси эълон қилинди, лекин...

Кодекс (ССК) лойиҳаси Соғлиқни сақлаш вазирлиги томонидан тармоққа жойлаштирилди ва у 6 та бўлим, 21 та боб ва 200 та моддадан иборат.

ССК лойиҳаси Ўзбекистондаги тиббиёт ва фармсаноат соҳаси ДОК-1 макс дориси мисолида шарманда бўлган бир вақтда эълон қилингани жуда ғалати бўлди менимча. Лойиҳанинг ҳозирги туриши бу машмашалар бошлангунига қадар тугалланган варианти бўлса керак. Ҳар ҳолда, менга шундай кўриняпти.

Шу кунда “ёнаётган”, ёш норасида болалар орасида қурбонлар юз берган ва шунга ўхшаш жуда кўплаб сабабларга кўра ўз ишини эплай олмаган Фармацевтика тармоғини ривожлантириш агентлигига лойиҳанинг 10-моддасига мувофиқ берилаётган ваколатлар ақлни шоширади.

Бу Агентликка энди ҳам фармацевтика фаолиятини лицензиялашни, дори воситалари, тиббий буюмлар ва тиббий техникани давлат рўйхатидан ўтказишни ҳамда дори воситалари, тиббий буюмлар ва тиббий техникага мувофиқлик сертификат тақдим этиш каби ўнлаб ўта муҳим ваколатларни ишониб топшириб бўлармикан? Менимча, йўқ.

Яна бир нотўғри янгилик бу Кодекс лойиҳасининг 178-моддасидаги асосий дори воситаларининг рўйҳатига доир. Бу моддада “асосий дори воситалари рўйхати ваколатли орган томонидан икки йилда камида бир марта ишлаб чиқилади ва тасдиқланади” дейиляпти. Лойиҳанинг 6-моддасига асосан ваколатли орган деганда Соғлиқни сақлаш вазирлиги назарда тутилмоқда.

Шахсан мен бутун бир аҳолининг ҳаёти хавфсизлигини таъминлаши керак бўлган бундай муҳим рўйҳатни шу пайтгача ўзини оқламаган, коррупция статистикаси бўйича энг олдинги ўринларда турадиган, ҳозирги дори машмашасига ҳам албатта алоқадор бўлган вазирлик, тўғрироғи, манман ёки қўғирчоқ вазирлар томонидан тасдиқланишига мутлақо қаршиман. Одамлар ҳаётига дахлдор бундай муҳим рўйҳат камида Президент даражасида тасдиқланиши тўғри бўлади.

Лойиҳанинг 173-моддасидаги мана бу қоида ҳақида ҳам фикрим шу: “дори воситалари, тиббиёт буюмлари ва тиббиёт техникаси муомаласини тўхтатиб туриш, тақиқлаш ёки муомаладан чиқариш ёхуд қўллашни чеклаш тартиби ваколатли орган томонидан тасдиқланади”. Бундай тартибни тасдиқлашни ССВга асло ишониб топшириб бўлмайди, буни ҳозирги ДОК-1 макс мисолида кўриб бўлдик.

Ҳуллас, лойиҳа энг аввало, коррупцияга қарши экспертизага ўта муҳтож. Кейин, ушбу кодекс лойиҳаси мисолида янги – лоббистик экспертиза амалиётини жорий қилиб юборсак ҳам бўлаверади.

P/S: яхшиямки, болаларга ДОК-1 макс ичирмаганимиз. Ярамаслар! Ochish/sharhlash

2023-01-02 12:18:46 Ochish/sharhlash

2023-01-01 17:42:18 Ҳокимлар 10 кун муддатга таътилга чиқар экан! Ochish/sharhlash

2022-12-31 14:29:35 Ўзтрансгаз «Администрация блогери»га ҳар бир материали учун 1000 доллардан зиёд пул тўлаган

«Ўзтрансгаз» АЖ Ахборот хизматининг режадан ташқари буюртмасига асосан «Ўзтрансгаз» АЖ томонидан пиар материаллар жойлаштириш важи билан йирик интернет нашр ва блогерга жуда катта миқдорларда пул маблағлари ўтказилган.

Хусусан, телеграм мессенжерида фаолият юритувчи davletov.uz' каналида ҳар бир PR-материал учун 12,4 млн сўм, 4 дона материал учун жами 56,9 млн сўм тўлаган. Мазкур канал муаллифи медиа соҳасининг узкий кругларида «Администрация блогери» дея эътироф этилади.

Газ соҳасини энг кўп танқид қилиб, кейин бирдан жимиб қолган bakiro каналига эса 4 дона материал учун жами 36,2 млн сўм тўланган. Унинг ҳар бир материали 7,8 млн сўмга баҳоланган.

Бу сукут сақлашнинг ставкасими?

(давоми бор) Ochish/sharhlash

2022-12-30 23:48:13 Умарова Ҳилола ҳақида кўпчилик сўряпти: ким ўзи у, қаердан келиб қолди дея…

Хуллас, Ҳилола 1988 йили Германиянинг Ваймер шаҳрида туғилган (ҳозирда Ўзбекистон фуқароси деган яхши гумонддаман).

Жаҳон иқтисодиёти ва дипломатия университетини тамомлаган.

Мутахассислиги – ташқи иқтисодий фаолият (как раз таълимга тўғри келади-да).

Иш фаолиятини бошлаганига ҳам кўп бўлмаган, лекин жуда омадли. 2019-2019 йй. INHA университетида бош менежер, 2019-2020 йй. Муҳаммад Ал Хоразмий номидаги АКТ йўналишига оид фанларни чуқурлаштириб ўқитишга ихтисослаштирилган мактаб директори лавозимларида ишлаган.

Шу билан бирга, Президент таълим муассалари агентлиги директори лавозимида ишлаган.

Оилали, икки нафар фарзанди бор.

PS. Бу расмий биография, ҳозирча зиёли ва ўта қудратли оиланинг аъзоси (бўлиши мумкинлигини айта олмаман), холос. Ochish/sharhlash