Бухорода “Улоқ-кўпкари” мусобақасининг минтақавий босқичи ўтка | BUXORO.UZ | Расмий канал

Бухорода “Улоқ-кўпкари” мусобақасининг минтақавий босқичи ўтказилди

Хабарингиз бор, “Ўзбекистон ёшлари форуми – 2021” ҳафталиги доирасида ҳудудларда "Улоқ-кўпкари” спорт мусобақаси ўтказилмоқда.

Мусобақанинг Қорақалпоғистон Республикаси, Хоразм, Навоий ва Бухоро вилоятлари ўртасида минтақавий босқичида 60 нафарга яқин эпчил чавандоз-полвонлар улоқ айириб, 500 нафардан ортиқ ишқибозлар кузатиб борди.

Ғолибликни қўлга киритган моҳир чавандозлар ташкилотчиларнинг диплом, қимматбаҳо совринлари билан рағбатлантирилди.

Мусобақанинг якуний натижаларига кўра:
1-ўрин: Навоий вилояти
2-ўрин: Хоразм вилояти
3-ўрин: Бухоро вилояти
4-ўрин: Қорақалпоғистон Республикасининг жамоалари эгаллашди.

— Кўпкарида улоқни худди дошқозон сингари қайнаб турган майдондан олиб чиқиш ҳақиқий ғолибликдир. Лекин бундай майдондан улоқни ажратиб олишнинг ўзи бўлмайди, – дейди Ўзбекистон ёшлар иттифоқи Бухоро вилояти Кенгаши раиси ўринбосари Яшин Каримов.

— Муваффақият учун чавандозга улкан тажриба, яхши от ҳамда куч ва шижоат керак. Тажрибасиз чавандоз энг учқур от билан ҳам ғалаба қозона олмайди. Ғолибликка элтувчи асосий йўл – чавандознинг чапдастлигидадир!

Buxoro.uz | Facebook | Instagram | YouTube