VXTB Boshlang'ich ta'lim o'qituvchilariga metodik yordam

2022-09-02 04:29:21 Ўзбекистон Республикаси Биринчи Президенти Ислом Каримовнинг ёрқин хотирасига бағишланади (ВИДЕО)

2016 йил 2 сентябр куни ўзбек ҳалқи оғир жудоликка учради. Ўзбекистон Республикасининг Биринчи Президенти, мустақиллик меъмори Ислом Каримов шу куни бу ёруғ оламни тарк этди.

Ўзбекистонда Ислом Каримов бошқаруви даврида бир авлод туғилди, ўсиб-улғайди, таълим-тарбия олди. Юртдаги чорак асрлик барқарорлик, бутун бир янги авлод, янгича қараш ва янги ҳаёт учун муҳтарам президентга миннатдорчилик билдирамиз.

Президентимизнинг хотираси қалбимизда абадий сақланиб қолажак...

Kanalga obuna bo'ling!
@buxoro_viloyat_boshlangich_talim Ochish/sharhlash

2022-09-02 04:28:35 Бугун, 2 сентябрь, Ўзбекистон Республикасининг Биринчи Президенти Ислом Абдуғаниевич Каримовни хотирлаш куни.

Бугун биринчи Президентимиз вафот этганларига 6 йил бўлди.

Kanalga obuna bo'ling!
@buxoro_viloyat_boshlangich_talim Ochish/sharhlash

2022-09-02 04:26:40 ТАРОЗИ (24. 09 — 23. 10)

2 сентябрда яқин ўтмишдаги хатоликларни, кўнгилсиз ҳолатларни асло ёдга ола кўрманг. Бу руҳиятингизга салбий таъсир кўрсатиб, ишингиз орқага кетишига сабабчи бўлади. Газли ва спиртли ичимликлардан воз кечинг. Илгари кам истеъмол қилган маҳсулотларни бугун татиб кўришингиз туфайли аллергия юзага келиши мумкин. Сафарга чиқиш зарурати туғилса, шошилманг, олдин плюс-минусларини яхшилаб ўрганиб чиқинг.

ЧАЁН (24. 10 — 22. 11)

Янги ишга қўл уриш зарур бўлиб қолса, аввал пухта режа тузиб олишни унутманг. Даромад олишга йўналтирилган тадбирлар хайрли кечади. Бугун албатта спорт билан шуғулланинг, табиат қўйнида дам олинг. Қиз-жувонлар гўзаллик салонига бориб келсалар ҳам зиён қилмайди. Ўзингизни шу даражада севиб, ташқи кўринишингизга шу қадар ажойиб зеб берингки, кўрганлар тош қотиб қолсин. Йирик лойиҳага пул тикадиганлар бугун муваффақиятдан умид қилаверсалар бўлади.

ЎҚОТАР (23. 11 — 21. 12)

2 сентябр куни яқин қариндошлардан бири ҳақида хунук хабар эшитишингиз эҳтимоли бор. Аммо кайфиятни туширишга шошилманг. Хабар нотўғри бўлиши ҳам мумкин. Шунинг учун олдин уни яхшилаб текшириб олинг. Хизмат сафарига жўнайдиганлар бугун юзлаб километр йўл босиши кутилмоқда. Муҳим ҳужжатларга имзо чекиш керак бўлса, сергакликни қўлдан берманг. Ўзингизни эҳтиёт қилинг.

ТОҒ ЭЧКИСИ (22. 12 — 19. 01)

Бугун ҳар кунгидан ҳам эртароқ уйғонишингизга тўғри келади. Шунда олдингизга қўйган эзгу мақсадларга қийналмасдан етасиз. Хусусий мулк олди-сотдиси билан шуғулланадиганлар қоғозбозлик, ҳужжатбозлик кабиларни ниҳоятда ҳушёрлик билан тахлашлари керак. Хато қилишга ҳаққингиз йўқ. Агар эҳтиёт бўлмасангиз, кўнгли қора кимсалар шахсий ҳаётингизга зиён етказиб қўйишдан ҳам тоймайди. Бир зумга келиб ўтиб кетадиган кўнгилсизликларни деб кайфиятингизни бузманг. Оллоҳ сизга ёр бўлсин!

ҚОВҒА (21. 01 — 19. 02)

2 сентябр куни биринчи навбатда моддий аҳволингизни яхшилаш билан шуғулланишингиз талаб қилинади. Башарти кимдандир қарзингиз бўлса, бугун қайтаринг. Банкдан кредит олишни хаёлингизга ҳам келтирманг. Бу сизга яхшилик келтирмайди. Жуфтингиз билан эҳтиёткорона муносабат юритинг. Эркаклар, йигитларга ташқарида ишқий саргузаштларга берилиш тавсия этилмайди. Ҳар бир қадамингизни ўйлаб босинг. Кам бўлмайсиз.

БАЛИҚ (20. 02 — 20. 03)

Бугунги кун оиласизлар учун изҳорлар кунига айланади. Йигитлар танлаганига муҳаббат изҳорларини тўкиб солишади. Қизлар бу изҳорларни диққат билан тинглаб, ҳаққонийлигига амин бўлишса, арзирли жавоб қайтаришлари керак. Молиявий муаммоларни ўз куч ва имкониятларингизга суянган ҳолда бартараф этинг. Йирик харидлардан нари бўлинг. Кечқурун ёлғизлардан кимдир бўлғуси тақдирдошини учратиши кутилади. Ochish/sharhlash

2022-09-02 04:25:57 ҚЎЙ (21. 03 — 20. 04)

2 сентябр куни атрофингиздагилардан кимларнингдир ғазабнок қиёфасига гувоҳ бўласиз. У сиз билан гап талашиб, бўлар-бўлмасга асабингизга тегиши мумкин. Ўзингизни ҳимоя қилинг. Муҳаббатда ҳам оила қурмаганлар кўнгилсиз вазиятларни бошдан кечиришлари кутилади. Даромад киссага келиб тушгандан кейин қарзларни тарқатиш ҳам эсингиздан чиқмасин. Кечқурун тоза ҳавода сайр қилинг. Саломатлигингизга эътибор қаратинг.

БУЗОҚ (21. 04 — 21. 05)

Бугун ишларингиз кўпайгандан-кўпайиши, оқибатда кечқурунга бориб чарчашингиз кутилмоқда. Муҳаббатда эмоцияни жиловга солмасангиз, жуфтингиз ёки бўлғуси жуфтингиз билан жанжаллашиб қолишингиз мумкин. Агар атрофдагилар олдида ўзингизни ёмон тутаётган бўлсангиз, уларнинг танқидини ҳам тек туриб эшитишга мажбурсиз. Ундан кўра ширинсуханликни байроқ қилиб олганингиз маъқул. Овқатланиш режимини бузмаслигингиз тавсия этилади.

ЭГИЗАКЛАР (22. 05 — 21. 06)

2 сентябрда қандай бўлмасин бообрў, пулдор шахслар суҳбатидан баҳраманд бўлинг. Аммо тингловчи ролини ижро этинг. Чунки билиб-билмай нотўғри гап айтиб қўйсангиз, бу сизга қимматга тушиши мумкин. Кимлардир меҳнат таътилига чиққан бўлса, кайфиятлари бузилиши тайин. Раҳбарлар қайтадан ишга чақириб олиб, янги лойиҳаларни зиммангизга юклайди. Майли, бекор ўтиргандан шуниси ҳам маъқул. Тўғри эмасми?

ҚИСҚИЧБАҚА (22. 06 — 23. 07)

Бугун нафақат ўзингиз, балки яқинларингизнинг даромадини ҳам кузатувда ушлашингизга тўғри келади. Кўпчиликнинг оиласида молиявий инқироз юзага келиб пул энг муҳим нарсаларга ҳам етмаслиги мумкин. Нимаики иш қилсангиз, раҳмат учун эмас, ўзингиз учун адо этинг. Иш бажарганда шошма-шошарликка йўл қўйишингиз тавсия этилмайди. Бу кўнгилсиз вазиятларга олиб келиши мумкин.

АРСЛОН (24. 07 — 23. 08)

2 сентябр куни янада саховатли ва мулойим инсонга айланишингиз талаб этилади. Бунинг мукофотини пул эмас, бошқачароқ кўринишда оласиз. Аниқроғи, кимдир сизга сердаромад ишда ҳамкорлик таклиф қилади. Севганингиз кун давомида сизга сюрприз ҳозирлаб қўйиши кутилмоқда. Агар яқин орада у билан аразлашиб қолган бўлсангиз, ярашишга баҳона топилди деяверинг. Кечқурун хонадонингизга меҳмонлар ташриф буюриши кутилади.

ПАРИЗОД (24. 08 — 23. 09)

Бугун ўта фаол бўлишингиз тавсия қилинмайди. Бу сизга яхшилик ўрнига кўнгилсизлик ҳадя этиши мумкин. Ҳатто, майда-чуйда ишларга ҳам алоҳида меҳр-эътибор билан ёндашсангиз, ўшалар сизга ўзингиз истаган натижани тақдим этади. Бугун табиат қўйнига чиқиб дам олиш хосиятли кечади. Айрим масалаларда фақат қалбингизга қулоқ тутган ҳолда иш кўришингиз керак бўлади. Молиявий масалада ҳам кўнгилсизликлар йўқ эмас. Бироқ улар кайфиятингизни буза олмайди. Чунки уларни дўстлар ёки қариндошлар ёрдамида бартараф этишга эришасиз. Ochish/sharhlash

2022-09-02 04:24:11 Ассаламу алайкум!
Дунёдаги мени азиз ва қадрдон инсоним!
Сизга ва яқинларингизга Куз фаслининг илк Жумаси муборак бўлсин!..

Kanalga obuna bo'ling!
@buxoro_viloyat_boshlangich_talim Ochish/sharhlash

2022-09-01 18:53:07 Халқ таълими вазирлиги таълим сифати жараёнини мувофиқлаштириш департаменти директори Лазиз Хўжақуловни Халқ таълими аълочиси кўкрак нишони билан тақдирлангани билан табриклаймиз!

Лазиз ака таълим фидойиси, "Умид" жамғармаси лауреантларидан, 6-7 тилни мукаммал биладиган, бир нечта давлатда ишлаган, хусусан Финляндияда олий таълимда ва мактабида дарс берган, Жанубий кореяда корейслар киролмайдиган энг оброли идорада оз эмас 7 йил фаолият юритган улкан тажрибали инсон (буни яқинда эшитибман ўзим ҳам, камтарлигидан ҳеч оғиз очишмаган эди, йигитларимиз айтиб қолишди).

Лазиз аканинг ўз юртимизда халқ таълими тизимида фаолият юритиши қувонарли холат, вазиримиз хизматларини юқори баҳолаб ушбу кўкрак нишон билан тақдирлашганига жуда хурсанд бўлдим, келажакда янада катта ютуқлар тилаб, омад тилаймиз акага. Муборак бўлсин Лазиз ака яна бир бор

Kanalga obuna bo'ling!
@buxoro_viloyat_boshlangich_talim Ochish/sharhlash

2022-09-01 18:52:34 2022 йил мактаб битирувчилари ОТМга киришда қандай натижа кўрсатди?

Давлат олий таълим муассасаларига кириш имтиҳонида иштирок этган 1 миллион нафардан ортиқ абитуриентнинг салкам ярми ўтиш балини тўплай олмаганлиги ижтимоий тармоқ фойдаланувчиларининг асосий муҳокама масаласига айланди. Кўпчилик умумий абитуриентларнинг натижалари орқали мактаб битирувчилари билимига баҳо беришга уринмоқда.

Хўш, барча абитуриентларнинг кўрсатган натижаси айнан жорий йилдаги мактаб битирувчиларининг натижаси билан мутаносибми?
Абитуриентларнинг умумий натижасига қараб мактаб битирувчилари бўйича хулоса чиқариш қанчалик тўғри?

Буни аниқлаш учун Халқ таълими вазирлиги ва
Давлат тест маркази, бевосита 2022 йилдаги битирувчиларнинг натижаларини жами абитуриентларнинг, шунингдек ўтган йилдаги ҳолатларга нисбатан қиёсий таҳлил қилди.

Сўз аввалида, албатта мактабларда таълим сифатини ошириш кераклигини инкор қилмаган ҳолда, бу жараён ва энг асосийси ишларнинг натижаси бир кунда амалга ошмаслигини айтиб ўтиш жоиз деб ҳисоблайман.

Ўртача балл
Жами абитуриентларнинг ўртача бали 65ни ташкил этган бўлса, айнан жорий йилда мактабни битирганларнинг кўрсаткичи эса, 76 баллни ташкил этган

2020 йилда мактаб битирувчилари ўртача 70, 2021 йилда эса 74 баллни тўплай олган.

Яъни, 2 йил ичида мактаб битирувчиларининг ўртача натижалари 9 фоизга ёки 6 баллга юқорилаган.

Юқори натижа кўрсатган абитуриентлар (142 баллдан ортиқ)
Жорий йилда 32 минг абитуриент юқори натижа қайд этган бўлса, шуларнинг 65 фоизи (салкам 20 минг нафари) айнан 2022 йилда мактабни битирган.

Таққослаш учун, 2021 йилда юқори натижа кўрсатган 29 минг нафар абитуриентларнинг 53 фоизи (салкам 15 минг нафари) мактабни тест ўтказилган йилда битирган.

Умуман олганда эса, 142 баллдан ортиқ тўплай олган мактаб битирувчиларининг ҳам салмоғи ҳам сони йилдан-йилга ошмоқда – 2021 йилда 5 фоиз, 2022 йилда эса 7 фоиз.

Ўтиш балидан паст натижа кўрсатган абитуриентлар (56 баллдан паст)
Барчани эътиборини қаратган асосий кўрсаткич, яъни ўтиш баллини тўплай олмаган 514 624 нафар абитуриент ичида жорий йил мактаб битирувчилари салмоғига эътибор қаратсак. Улар ичида 108 минг нафар абитуриент жорий йил битирувчилари ҳисобланади, яъни ҳар беш нафардан бири.

Умуман олганда, охирги 2 йилда ўтиш баллини тўплай олмаган мактаб битирувчилари салмоғи пасайганини кузатиш мумкин, яъни 2020 йилда жами мактаб битирувчисининг 43 фоизи ўтиш балидан паст натижа қайд этган бўлса, жорий йилда бу кўрсаткич 35 фоизни ташкил этди.

Хулоса ўрнида мактаб таълими сифатини ошириш бўйича амалга оширилиши керак бўлган ишларнинг кўлами кенг эканлиги ҳеч кимга сир эмас.
Сўнгги йиллар давомида мактаб таълимига янги замонавий методикаларни олиб кириш, педагогларнинг билимини ошириш бўйича тизимли ишлар бошланган.

Мазкур ишларда ва мактаб таълими сифатини оширишда барчани, жамоатчилик вакиллари, педагоглар ва айниқса ота-оналарни фаол бўлишга даъват қиламиз.

Зеро сифатли таълим фақатгина педагогларнинг меҳнати билан чекланмай, мактабда берилган билимларни мустаҳкамлашда ҳамда фарзандини билим олишга ундашда ота-оналарнинг ҳам ўрни муҳим.

Kanalga obuna bo'ling!
@buxoro_viloyat_boshlangich_talim Ochish/sharhlash

2022-09-01 17:46:04 Ochish/sharhlash

2022-09-01 17:45:55 Ochish/sharhlash

2022-09-01 17:45:44 Ochish/sharhlash