2022-08-29 19:44:51
Ўқишга кира олмаган ёшларга "икки оғиз" сўз.
Ха... Ўқишга кира олмадинг. Ўтирибсан бутун дунёни ёмон кўриб. Худдики бунда сендан бошқа ҳамма айбдор. Кўпинча мен ўқишга кира олмагач, онг остидаёқ таслим бўлган одамларни учратаман. Улар ўз ҳаётларида энди чинакам бахтли ва мазмунли нарса бўлмайди деган ҳақиқатни аллақачон қабул қилишган. Улар шунчаки яшашади. Бунда ёшни фарқи йўқ. Сиз 45 ва 15да бўлсангиз ҳам тирик ўлик одамга айланиб қолишингиз мумкин.
Ҳар бир инсон ҳаётида жуда ёмон ҳолатларга дуч келади. Ёмон фикрлар мияга кириб боради ва улардан қутулишнинг иложи йўқдек туюлади. Бизнинг ҳиссий қисмимиз тун абадий давом этишини ва тонг ҳеч қачон келмаслигини таъкидлайди. Қийинчилик ёки ташвишли вазият бўлганида унутма, харқандай тун тугайди. Абсолютно.
Туғилган кунимиздан бошлаб ҳар куни яшаётган кунимиз бу кураш аслида. Қара шу ёшгача яшаб келдинг тўғрими? 18 ми 20 ми 30 ми фарқи йўқ. Сен енгилмадинг, хозир бормисан? Мавжудмисан? Демак сен шунча йиллик курашларда ғолиб бўлиб келяпсан. Бу йўлда қанча мағлубиятлар бўлмади. Лекин сен тура олдинг, давом этдинг.
Мен ўқишга кириш учун тайёрланган пайтларимда умуман репититорга қатнашмаганман. Кунлаб, ойлаб уйдан чиқмасдан ўқир эдим, ёзни жазирама кунларида рангларим оқариб кетар эди қуёш кўрмаганимдан. Шу постни ойим ўқийди, ўзлари гувох. Тур кўчага чиқиб айлан, ўртоқларинг билан ўйна, одамларга қўшил деб кўп койир эдилар. Мен эса уйимни бир бурчагидаги ўз хонамда, ўзимни микро оламимда ўз келажагимни яратиш учун қурилиш ишларини бажараётгандим аслида. Ўқишга кира олмаган бўлсанг, илтимос брат Россияга гастерлик қилиш учун кетишни ўйлама. Қаттиқ тайёрлан, ҳамма нарсани унут, ижтимоий тармоқ, севги, кино, сериал. Бугун сенга китобдан бошқа дўст йўқ. Ўқишга киролмаганингни эшитиб у сени устингдан кулмайди, ўз бағрини яна очаверади. Ўқимаганинг учун у бошқасига тегиб кетмайди у ҳамиша сен билан.
Агар шароитинг бўлса четга кетиб ўқи. Ўзингда агар азбаройи билим олишга қизиқиш бўлса кетаверасан. Севган қизинг (йигитинг) туфайли ўқишга кириш ниятида бўлсанг бу яхши йўл эмас. Ўзи ичингда айтади, ўқишга қизиқиш бўлса бир ерда тинч ўтира олмай қоласан кира олмаганингни билгач. Мен тасаввур қилиб кўрдим, бутун тананг хар битта хужайранг жахл ва эмоциядан жунбушга келади шу пайт азартидан фойдалан! Қаттиқроқ ўқишга тайёрланишга кириш. Чунки бу холат вақтинча ва кўп ўйлаб юраверсанг бу энергия тугайди ва ўрнини бефарқлик ва апатия эгаллайди. Мана шу тушкунликдан чиқиб кетиш эса жуддаям қийин.
Бир йил вақтинг бор, узлатга чекин, сени хечким кўрмасин майли танишларинг четга кетибди шекл деб ўйласин. Кун келиб ўз микро оламингдан совершенный мавжудот бўлиб чиқасан. Қанча кўп ўқиганинг, билим олганинг сари сенга бунақа имтихонлар чепуха бўлиб кўрина бошлайди. Имтихонга битта ручка билан кетасан. Сени текширувчиларга мийиғингда надменный кулиб қўясан қўлларнигни икки ёнга ёйиб. Чунки шпаргалка, тел, саналар, билишинг керак бўлган ҳамма нарса бошингни ичида бўлади. Сени текшираётган одам кўзинга қўрқинчли эмас кулгили бўлиб туюлади, чунки сен абсолют тайёрсан.
Аниқ биласан кира олишингни, имтихонга кириш сен учун синов эмас шунчаки бориб хужжатга қўл қўйиб келиш каби оддий иш бўлиб кўринади. Мандат чиққанидан кейин ҳам сен ўқишга кирганингни билиб джек пот ютган одамдай ирғишламайсан. Хотиржамсан, сен буни аниқ билар эдинг, чунки бу жой сенга тегишли эди. Слоумоушнда осмонга қарайсан, ҳаётингнинг энг ёрқин кунидаги қуёшдан баҳраманд бўлиб кейинги катта қадамларни ўша ўзингдаги катта ишонч билан босасан... Сен тайёрсан.
Нурбек Алимов
608 viewsJakhongir Abdullaev, 16:44
B
