2022-yil 1-yanvardan QQS to‘lovchilar va ustav jamg‘armasida d | БУХГАЛТЕРИЯ ҲИСОБИ
2022-yil 1-yanvardan QQS to‘lovchilar va ustav jamg‘armasida davlat ulushi 50 foizdan ko‘p bo‘lgan yuridik shaxslar:
asosiy vositalar, nomoddiy aktivlar va tovar-moddiy resurslarni hisobga olish hamda ustav fondini shakllantirish va kamaytirish bilan bog‘liq barcha operatsiyalarni “E-aktiv” avtomatlashtirilgan axborot tizimida aks ettirishi;
xo‘jalik faoliyati davomida tovar-moddiy zaxiralar belgilangan tartibda yo‘q qilinganda yoki hisobdan chiqarilganda uch ish kunidan kechiktirmasdan “E-aktiv” avtomatlashtirilgan axborot tizimida aks ettirishi shart. (VM-595-son 22.09.2021)
“E-aktiv” AAT afzalliklari:
mahsulotlar kirimi va qoldig‘i hisobini onlayn yuritish va kuzatib borish; tovarlar uchun yaratilgan bir yoki bir nechta elektron ombor yaratish; tovarlarni masofadan turib elektron ravishda ombordan omborga olib o‘tish; kirim qilinmagan tovarlarni sotish bo‘yicha EHF rasmiylashtirish holatlariga chek qo‘yish; EHFlarda MXIKlarning yagona elektron milliy katalogiga muvofiq aks ettirish; Elektron shartnomalarning yagona axborot portalida shartnomalarni majburiy tartibda ro‘yxatdan o‘tkazsh.
“E-aktiv” AAT tarkibiy qismlari va ularning vazifalari:
“Mening omborlarim” xizmati elektron ombor yaratiladi, mavjud omborlar ro‘yxati va hisobi yuritiladi; “Tovarlar kirimi” xizmati orqali tovar yoki mahsulotlarni kirim qilish mumkin; “Bojxona” xizmatida bojxona yuk deklaratsiyalari orqali kirim qilingan tovarlar ro‘yxati avtomat shakllantiriladi; “EHF” xizmati elektron hisobvaraq-faktura orqali kirim qilingan tovarlar ro‘yxati avtomat shakllantiriladi; “Asosiy vositalar” xizmati orqali xo‘jalik yurituvchi sub’ektlari o‘zlariga tegishli bo‘lgan asosiy vositalar ro‘yxati hisobi yuritiladi;
Eslatib o‘tamiz Prezidentimizning 2021-yil 2-iyuldagi PQ-5171-son qaroriga muvofiq hozirda davlat soliq organlarining “E-aktiv” avtomatlashgan axborot tizimi 24 ta korporativ va 7 ta budjet buyurtmachisi ishtirokida sinovdan o‘tkazilmoqda.
Tizim sinov davomida takomillashtirilib boriladi, bunda ishtirokchilar tomonidan bildirilgan asosli takliflar inobatga olinadi.
