Швейцария 16-17 июн кунлари Украина бўйича тинчлик конференция | 23.5° бурчак остида
Швейцария 16-17 июн кунлари Украина бўйича тинчлик конференцияси ўтказишни режалаштирмоқда — Bloomberg
Агентликнинг манбаларига таяниб хабар беришича, конференцияда юзга яқин мамлакат, асосан, “Глобал Жануб” вакиллари ташриф буюриши кутилмоқда. Бироқ унда нечта давлат иштирок этиши ҳали аниқ эмас, хусусан, Хитойнинг конференцияда иштирок этиши сўроқ остида.
Швейцария Украина бўйича тинчлик конференциясини ташкил этишга тайёрлиги ҳақида илк бор январ ойи ўрталарида эълон қилган эди.
Россия Ташқи ишлар вазирлиги мамлакат конференцияга таклиф қилинган тақдирда ҳам унда иштирок этмаслигини билдирган. Вазирлик буни анжуманда Володимир Зеленскийнинг “тинчлик формуласи” муҳокама қилиниши билан изоҳлаган.
