Нидерландияда Омикрон блокировкаси эълон қилинди Нидерландия | 23.5° бурчак остида

Нидерландияда Омикрон блокировкаси эълон қилинди

Нидерландия ҳукумати Европа Иттифоқида биринчи бўлиб омикрон — коронавируснинг янги варианти тарқалиши сабабли блокировкани жорий қилди.

Мамлакатда 19 декабрдан 14 январгача умумий ўзини-ўзи изоляция қилиш тартиби амал қилади.

Бу даврда ноозиқ-овқат дўконлари, барлар, ресторанлар, сартарошхоналар, музейлар, кинотеатрлар ва спорт заллари ишламайди. Мактаблар камида 9 январгача ёпилади.

Маҳаллий аҳолига икки кишидан ортиқ одамни ўз уйига таклиф қилиш тақиқланади (Рождествода тўрттагача меҳмон таклиф қилиниши мумкин). Жамоат жойларида кўпи билан икки киши тўпланиши мумкин.

Омикроннинг биринчи ҳолатлари ушбу мамлакатда уч ҳафта олдин аниқланган. Тиббий прогнозларга кўра, Янги йил ва Рождество байрамларигача омикрон мамлакатда ковиднинг доминант вариантига айланади. Мамлакатда жами 2,9 миллионта COVID-19 ҳолати қайд этилган, 20 мингдан ортиқ одам инфекциядан вафот этган.

@burchakostida