“Аудит “Оҳангароншифер” АЖни сунъий банкрот қилинган деб топди | @BUGUNUZ™ - Official channel

“Аудит “Оҳангароншифер” АЖни сунъий банкрот қилинган деб топди, аммо натижа йўқ!”

Тошкент вилоятидаги “Оҳангароншифер” акциядорлик жамиятининг касаба уюшмаси қўмитаси раиси Озод Хушназаровнинг OzodMikrofonга арз қилишича “New Global Professionals” аудит ташкилоти тафтиш ўтказиб, корхона қасддан ва сунъий банкрот қилинганини аниқлаб, Ўзбекистон давлат акативларини бошқариш агентлигига тақдим қилган. Аммо шу пайтгача агентлик бу масалани ҳал қилмаяпти.

“Давлат активларини бошқариш агентлиги ўз навбатида сунъий банкрот қилганларни судга, проукратурага бериши керак. Агар судга берса банкротлик тўғрисидаги иш тугайди. Прокуратура эса сохта банкротлик иши бўйича жиноят иши қўзғаши керак.

Биз агентликка мурожаат қилсак, Тошкент вилояти прокуртурасига бердик, деяпти. Лекин прокуратура 2020 йил 5 августда жиноят иши қўзғаган. Ҳамма гап шундаки мана 8 ой бўляпти бу жиноят иши боши берк кўчага кириб қолган. Биз бу ҳақда юқори ташкилотларга хат ёзяпмиз. Хатлар яна айланиб пастга келяптида, ҳеч нарса ҳал бўлмаяпти.

Бу ерда 500 нафар ишчи ва улар оиласининг тақдири хавф остида турибди. Агар улар ишини йўқотса бу жуда оғир бўлади.

Корхонани “Mega Golden Hous” МЧЖ сунъий банкрот қилмоқчи бўляпти. Шаҳар ҳокимига айтсак, мен бу ишга аралаша олмайман дейди. Прокуратурага айтсак, буни орқасида катта одамлар бор экан, менга тинчлик керак, дейди. Оддий меҳнаткаш ишчиларнинг тақдири билан ҳеч ким қизиқмаяпти. Вилоят ҳокимига бориб учрашдик, ундан ҳам натижа бўлмади!”

https://t.me/bugunuz/41444