Аҳмадалиевнинг Тапалесга қарши жанги бўйича келушивга эришилди
IBF томонидан Муроджон Аҳмадалиев ҳамда филиппинлик Марлон Тапалес ўртасидаги жангга буйруқ берилганди. Кеча IBF'нинг Нью-Жерсидаги штаб-квартирасида иккинчи энг енгил вазн тоифаси (-55 кг)да IBF ва WBA камарлари соҳиби Муроджон Аҳмадалиев (11-0) ҳамда филиппинлик Марлон Тапалес (36-3) иштирокидаги чемпионлик жанги учун промоутерлик савдоси ўтказилиши лозим эди. Аммо ҳар икки томон бу борада ўзаро келишувга эришгани учун аукцион бекор қилинди.
Иккала томон ҳам молиявий масалада келишиб олишган. Ҳозирча жанг санаси ва манзили маълум эмас. Катта эҳтимол билан Аҳмадалиевнинг тўртинчи ҳимоя жанги апрель ойида бўлиб ўтади.
Аҳмадалиев 2022 йил июнь ойида америкалик Ронни Риос (33-3)ни мағлубиятга учратиб, ўзига тегишли WBA ва IBF камарларини учинчи бор муваффақиятли ҳимоя қилганди. Тапалес эса охирги жангини ўтган йилнинг май ойида мексикалик Хосе Эстрелла (23-19-1)га қарши ўтказиб, муддатидан аввал ғалаба қозонган эди.
@bugun_sport
