2022-06-06 05:37:43
#Сўраган_эдингиз
ПЕДАГОГ ХОДИМЛАРГА ТАЪТИЛ ПУЛИ (ОТПУСКНОЙ) ҚАЙ ТАРТИБДА ҲИСОБ-КИТОБ ҚИЛИНАДИ?
Ҳозирги кунда педагог ходимларнинг меҳнат таътилини ҳисоблашда кўплаб тушунмовчиликлар келиб чиқмоқда. Чунки сўнги йилларда байрам кунларини нишонлаш учун ҳукумат қарори билан қўшимча дам олиш кунлари белгиланмоқда.
Шу сабабли расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириб, уни амалиётда қўллашда бир қанча муаммолар келиб чиқиши табиий ҳол.
Шу сабабли Бандлик ва меҳнат муносабатлари вазирлиги шундай ҳолатларнинг олдини олиш мақсадида тушунтириш берган. Демак 2022 йилда педагог ходимларига меҳнат таътилини ҳисоблашда қуйидагича йўл тутилади:
Президентнинг 2021 йил 20 декабрдаги “2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-35-сон Фармони 3-бандининг иккинчи хатбошисига кўра, бюджет ташкилотлари ходимларига меҳнат таътилининг давомийлиги 20 ва ундан ортиқ иш кунини ташкил этса, 2022 йилда
(таътилнинг бошланиши 2022 йил 1 январдан 31 декабргача бўлган даврда) таътил бошланишининг календар санасидан ва ушбу таътил қайси иш йилига берилишидан қатъий назар, беш иш кунига қисқартирилади.
Бунда педагог ходимлар учун бериладиган қўшимча дам олиш кунлари
(шу жумладан шанба кунларига тўғри келадиган) йиллик меҳнат таътилининг давомийлигидан қисқартирилмайди.
Педагог ходимга олдинги ишлаган даврлари учун 2022 йилда таътил берилиши ҳолларида яъни, олдинги иш даврлари учун илгари фойдаланилмаган таътиллар кўчирилганда ва 2022 йилда берилган таътилга қўшилганда Президентнинг ПФ-35-сон Фармонида назарда тутилган фақат 5 иш куни чегириб ташланади.
Бунда ходимнинг ўтган йиллар учун фойдаланган қўшимча дам олиш кунлари 2022 йилда тақдим этилган таътилдан ушлаб қолинмайди. Педагог ходимларнинг меҳнат таътили белгиланган тартибда қисқартирилган ҳар қандай ҳолларда ҳам, унинг давомийлиги 15 кундан кам бўлмаслиги лозим.
Шунингдек, меҳнат таътили тўлови миқдорини аниқлашда педагог ходимлар учун қонунчилик ҳамда тизим ҳужжатлари билан белгиланган меҳнат таътиллари иш кунларининг сони қўшимча дам олиш кунларини айириб ташламаган ҳолда ҳисобга олинади. Шуни алоҳида таъкидлаб ўтиш лозимки, меҳнат таътили қўшимча дам олиш кунлари ҳисобига қисқартирилганда ҳам таътил даври учун тўланадиган иш ҳақи (отпускной) таътилнинг амалдаги давомийлик кунларига ҳисоб қилиб тўланиши керак.
Масалан, педагог ходимнинг меҳнат таътили 48 кундан иборат бўлиб, ушбу кунлар қўшимча дам олиш кунлари ҳисобига қисқартирилган ҳолда 45 кун этиб белгиланса ҳам, бунда ходимга тўланадиган “отпускной” 48 кунга ҳисоб қилиб тўланиши лозим.
Manba : Poʻlatov Ulugʻbek
«Ўқитувчилар» каналига аъзо бўлинг ва барчага улашингhttps://t.me/joinchat/AAAAAEXdusfFSr9BIO9Q6w
156 views AZIZJON BO‘RIYEV , 02:37
B
