BOTIR BANNOP (ijodiy kanal)🙂

2022-08-30 18:12:49 SHUNAQA

Bilmam, neni yozay, ko'nglingiz xushlab,
Sheʼrlarim qogʻozlar bezagan payti.
Topolmadim minglab lug'atlar ichra,
Xaqiqiy shoirning bir dona bayti.

Sizni yozay desam so'z topilmaydi,
Bitta sheʼr ne boʻpti, yozish osonku!
Sochlaringiz rangin yozish sharaf, lek,
Sizga quvonch boʻlsa, menga gunohku!..

Oʻylamang, qalbimni g'arib, nodon deb,
Uyaldim, o'ylamay har ne deyishdan.
Qo'rqaman shaxvoniy so'zlarim uchun,
Qiyomat kunida javob berishdan.

Har bitta soʻzimni bordur hisobi,
Har bitta soʻzimga beraman javob.
Nojoiz yozilgan misralar uchun,
Sizni deb bu ruhim boʻlmasin harob.
Sizni deb bu ruhim boʻlmasin harob.

Botir Bannop

P/s menga Sheʼr yozib bering deb murojaat qilgan qizlarning xammasi uchun qoʻldan kelgancha yozdim. Xatolari boʻlsa ayibga buyurmaysizlar Ochish/sharhlash

2022-08-27 15:25:58 17-#HIKOYAM

HAQIQIY SEVGI

Har doimgidek bugun ham bozorga erta tongda narsa sotgani yoʻlga otlandim. Biroz sovuqligini hisobga olmaganda hammasi yaxshi. Erta tongda uyqusiragan quyosh bilan goʻyo poygalashgandek bozorga ham yetib keldim. Birinchi savdo barakali boʻlgani uchunmi, bozorim rosa oʻxshadi. Soʻng, kun qizdirib odamlarni ozaytira boshladi. Bozor ham tugash arafasida yonimdagi savdogar yigit bilan beixtiyor tanishib qoldim. Aytishicha, qoʻshni viloyatdan ekan. (ishonasizmi, menga sevgan qizi haqida toʻlib- toshib gapirib berdi.) Oʻzi savdoga qiziqmasa ham ataylab Andijondan Fargʻonaga faqat oʻsha qizni koʻrgani kelar ekan.
Savolga tutib undan soʻradim:
—Uni rostdan ham haqiqatdan ham sevasizmi?
—Ha, albatta, borimni berib sevaman! U uchun hamma narsaga tayyorman!, - xullas oʻsha mubolagʻaga boy gaplar bilan rosa ta'rif berdi. U qiz nechanchi yil-u, otasi qayerdan, onasi qayerdan, akasi nima ish qiladi, xullas, hamma maʼlumotni aytib berdi. Kulimsirab- "Qoyil qoldim!"- dedim, koʻzlariga qarab, bola hayron boʻlib - "Nega siz hechkimni bu qadar sevmaganmisiz ?–dedi. —Nega endi sevaman Allohni, Paygʻambarimni–, desam, – "Ha, ularni men ham sevaman"‐, deya gapini toʻgʻirlab oldi.
–Hoʻp, doʻstim, ularni sevar ekansiz oʻsha qizni ma'lumotini bilganingiz kabi Paygʻambarimiz Muhammad sollallohu alayhi vasallam haqlarida ham shunchalik bilasizmi? Bilsangiz ayting, menga ham takror boʻlsin. Qayerda tugʻilgan, otasi kim boʻlgan, nima ish bilan shugʻullangan?– deb sukut saqladim. Rosti achinib ketdim. Hattoki, paygʻambarimizni ismini eshitib, salovat aytishni bilmagani uchun.
–Hoʻp, doʻstim, unda menga bitta misol ayting. Allohni qanchalik sevishingiz haqida oʻsha qiz uchun boshqa viloyatdan har hafta koʻrgani kelar ekansiz, eng uzoq masjidga Allohni baytiga yana boshqa ahli ilmlardan ham ilm olgani qaysi masjidga borgansiz?– deb soʻrashimga uyalgancha,
– Yoʻq, men endi Namozni boshlamoqchiman–, deya gapni boshqa tomonga burdi.
–Xullas, doʻstim, sizga zoʻr maslahat beraymi?- desam,
– Ha, bering, faqat u qizdan keching, demang! Usiz yasholmayman...– degancha, hayajonlanardi. –Maslahatim ham shu! Shaytoniy tuygʻularni yigʻishtiringda, halolingizni kutib yashayvering. Qoʻrqmang, doʻstim, sizga yozilgan inson menga kelib qolmaydi. Taqdiringizda oʻsha qiz yozilgan boʻlsa boʻldi. Sevgini unutingda, Allohdan xayrli juft berishini soʻrang. Agar siz rostan ham u qizni sevsangiz, uni unutasiz! U bilan birga qoʻl ushlashib, xabarlar yozishib u qizni gunohini koʻpaytirishdan qoʻrqing. Hali ham kech emas. Siz haqiqiy sevgilingiz Allohni sevgisini qozonishi uchun intiling. Banda oʻrtasidagi har qanday nikohsiz sevgi bu– Shaytoniy sevgidir!

P/s Oʻsha bolani oʻrnida siz boʻlib qolganingizda savollarimga javob bera olarmidingiz? Oʻzingizga savol berib koʻring. Qisqa gapiraman– eng yaxshisi ALLOHDAN HAYO QILING.


Botir Bannop

2022-yil

T.me @BotirBannop Ochish/sharhlash

2022-08-25 18:54:19 MUHTOJ KOʻNGLIM

Koʻngil olmoq edi asli niyatim,
Koʻngilda qolsam ham boʻlaverardi.
Koʻngildan qolish qanchalar oson,
Ayriliq yoʻlimdan yoʻlayveradi.

Jim boʻlsam sukunat bosdi yuragim,
Tebransam dengizlar ketdi toʻlqinlab.
Sevgi, ostonanga borsam tunov kun,
Baxt, men uchun ketdi baxt tilab.

Qalbim yoqavering dilga yoqqanlar,
Qulluqlar qilaman poy qadamimga.
Bu koʻnglim muhtojdir sizlarga emas,
Alloh va suyukli Paygʻambarimga.

Botir Bannop

2022-yil

T.me @BotirBannop Ochish/sharhlash

2022-08-18 10:32:14 #Oq_she'r

SHUNCHAKI

BOTIR BANNOP

Men oddiy insonman,
Oddiy musulmon.
Qoʻlimdan kelmaydi gunohni koʻrib,
Oʻzgadan qilmoqlik gumon.
Men axir oʻshaman
Koʻzini zinodan berkitib,
Shahvoniy soʻzlardan uyalgan.
Nomahram qoʻlini ushlmay,
MENSIMAS nomini olgan.
Kulaman ba'zida yigʻlab ham,
Kimgadur jonimdan achinib.
Oʻzimchi- baxt degan tuygʻudan uzoqib,
Qolganman dardlarga yalchinib.
Faqat siz soʻz ochmang iltimos,
Alloh nomi bilan SHIRKIY gaplardan,
Fatvolar izlaysiz oʻzingizga mos.
Harom yoʻllarga ham yoʻl topib bugun.
Siz faqat quvasiz dunyoni,
Ohirat tomonni unutib.
Men faqat quvaman taqvoni,
JAYNAMOZ USTIDA OʻLIMIM KUTIB.
Musulmon holatda tugʻilganimdek,
Shukr, ulardek yashayman.
Xudosizlar nomin eshitib,
Xayratdan yoqamni ushlayman.
Axir Allohning quliman,
Koʻngilni emas.
Abdulloh deyishsa labbay deyaman,
Shaytonga qasdlashib juda koʻp,
Nafsimni bir chetdan yeyaman.
Ba'zan qalbimda oshadi nafratli sonlar,
Xayron ham qolaman gohida.
Gunohga boshlasa insonlar,
Shoʻrva ichib ilon yogʻida.
AYTING QAY BIRIN YOZAY,
NIKOHSIZ SEVISHIB YURGANLARNIMI.
YOKI MUSULMONMAN DEB,
KOFIRLAR YOʻLIDA TURGANLARNIMI.
sanasam bundaylar sigʻmaydi she'rga,
Alam qildi, xozirgina kimnidur,
Mehnat emas, AROQ botirar terga.
Shu uchun har juma QIYOMAT kunini,
Kutaman,kutaman orziqib.
Nasib qilsa iymonim bilan,
ALLOHNING FAZLIGA KOʻZ TIKIB.

Botir Bannop

2022-yil

T.me @BotirBannop Ochish/sharhlash

2022-08-15 06:45:51 16- #HIKOYAM

SUHBAT

Kunlardan bir kun qiyomatlik doʻstim Muhammad bilan suxbatlashib qoldim. Har safar u bilan gaplashsam yengil tortaman. Vaqt ham qanday oʻtgani bilinmaydi. Tinimsiz savollar-u, toʻxtovsiz gaplarimdan hech yo u toʻymaydi yoki men. Bu kecha ham savollarimga javob izlab, do'stimga yuzlandim, — "Muhammad, men hayron qolaman. Nega biz qolganlarga oʻxshab nos chekmaymiz? Sigareta tutatmaymiz? Aroq xoʻplamaymiz?".
Doʻstim bu gapimdan hayrondek koʻzlarimga tikilgancha,— "Nega buni soʻrayapsan? Oʻzingni aqling yetmadimi negaligiga?
—Men shoshib tushunmay qolyapman. Juda koʻp kuzataman namozxonlar ichida ham nosvoy chekadigonlarni koʻrdim. Axir xarom boʻlsa ular nega chekishadi? Nima xaqlari bor. Masalan, sen nega chekmaysan, ichmaysan? – deya, yana uni savolga tutdim.
—Bilasanmi, negaligini? Chunki men nos chekkan bu ogʻzim bilan qanday qilib Allohni kitobini oʻqishim mumkin? Sigareta ushlagan qoʻlim bilan qanday Makkatillohga borib Kabbani ushlashim mumkin? Aroq ichishga aqli yetadigan vijdonim bilan qanday qilib koʻcha kuyda sudralib yurishim mumkin? Sen so'ragan savoling nega ayrim namozxonlar ham chekadi, ichadi xaromligini bilib deding, ishon, doʻstim, bir Ulamo inson aytgandi, Islom mukammal din musulmonlar emas!
Faqatgina ahmoq oyga ishora qilinganda ishora qilingan barmoqqa qaraydi!
Sen zamonimizdagi musulmonlarga emas, Sahobalar davridagi Musulmonlarga qara!
Paygʻambarimiz Muhammad sollallohu alayhi vasallamni hayotlariga boq!
Ular bunday nopok narsalardan foydalanishganmikin?!– degancha, yerga tikildi.
Bu gaplardan keyin bir hafta oʻzimga kela olmadim. Tunimdan ham, kunimdan ham halovat yoʻqolgandek edi goʻyo.
Aziz dindoshlarim, sizlarga ham shu savolni beraman. Nos chekkan ogʻzingiz bilan, sigareta tutatgan qoʻllaringiz bilan, aroq ichgan bu aqlingiz bilan Qiyomat kuni Allohni oldida uyalib qolishdan nahotki qoʻrqmasangiz...

Botir Bannop

2022-yil

T.me @BotirBannop Ochish/sharhlash

2022-08-14 12:58:45 ILOHIY ISHQ

Sevgi, men seni uchratdim kitobda,
Qara, ta'rifing juda zoʻr yozilgan.
Ishqiy misralardan joy olgan soʻzlar,
Yuragimga bugun beun osilgan.

Tuygʻu qay tomirda oqasan oʻzi,
Qayerimda bilmam, qanday yashaysan.
Adashmasam axir, katta ehtimol,
Iymonimda goʻyo yonib yashnaysan.

Ishq sen uchun soʻz topmay qolaman,
Rosti, ta'rifing she'rlarga sigʻmaydi.
Ishon, menga qancha yoqaversang ham,
Baxt hamon yoʻlimdan shoshib chiqmaydi.

Muhabbat borligʻim ishon oʻzingsan,
Yuragimga tikan sanchib toʻymagan.
Men esa shoiring, ha, oʻsha— telba
Sendan oʻzgasiga koʻngil qoʻymagan.

Ilohiy tuygʻular egallang qalbim,
Oʻzga ishqqa zarra joylar qolmasin.
Haqqa boʻlgan ishqim haqqoniy boʻlsa,
Allohim manguga qalbga joylasin.


Botir Bannop

2022-yil

@BotirBannop Ochish/sharhlash

2022-08-11 14:07:27 Muallif Botir Bannop

MEN ONAMNI SOGʻINIB KETDIM

Ijroda Hayatillo Ahmedov

Telegram Ochish/sharhlash

2022-08-10 07:22:46 ***

Sen suvlar sepasan yoʻlimga,
Eshiging oldini supurib.
Yurakni buyurib oʻlimga,
Qora dil – koʻnglimni kuydirib.

Bilmadim ne-uchun sababin,
Meni koʻrsang qovoq burasan.
Xozirgacha dushmandek bilib,
Qachongacha shundoq yurasan.

Men-ku sensiz yashayveraman,
Ozodlikda, ammo firoqda...
Sen-ku mensiz yashayverasan,
Yuragimdan ancha yiroqda.

Majburlash yoʻq, sevmasang, mayli,
Ketish boʻlsa ketaveramiz!
Men ishqdan sen nedan bilmadim,
Kechish boʻlsa kechaveramiz!

Sen suvlar sepganding yoʻlimga,
Va yana supurib qoʻyganding.
Qaydandir yoʻl topib koʻnglimga,
Ismingni manguga oʻyganding.

Botir Bannop

2022-yil

T.me @BotirBannop Ochish/sharhlash

2022-08-08 19:24:02 #MUSHOIRADAN

MUHABBAT KITOBI

Sen kitob öqiysan qarshimda,
Men esa ôylarga tolaman.
Bilmam qaysi savobim uchun...
Yoring böldim--hayron qolaman?

Bu dunyo shundayin yaxshiki,
Azaldan bitilgan taqdirlar.
Közlaring kitobga termulsa,
Nigohing menga baxt ilinar.

Pok qalbingni pokiza yori,
Bölmog'im mushkuldir bilaman.
Maqsadim: sen bilan Jannatga
Inshaalloh birga kiraman!

Botir Bannop

2022-yil

Telegram Ochish/sharhlash

2022-08-07 19:27:19 BIR QIZGA

Men qishloq chekkasidan,
Sen shahar markazidan.
Seni tanib olganman,
Mashinang markasidan.

Qaysi boyning qizisan—
Qiziqtirmas toʻgʻrisi!
Yoring boʻlay, rozi boʻl,
Eh, sevgimni oʻgʻrisi.

Yuraging ne xohlaydi,
Hammasiga tayyorman.
Ichsang shakar, ichsang choy,
Sevsang mana men borman!

Uyim katta emas, lek,
Namoz uchun yetar joy.
Eshitsang oʻqib beray,
"Taborak"ni hoyna-hoy.

Senga berar va'dam yoʻq.
Bizda maqsad aytilar.
Toʻydan keyin esda tut;
Xaromlardan qaytilar.

Faqatgina tortmaysan,
Ashklaring hoʻplamini.
Oʻqisang topib beray,
Hadislar toʻplamini.

Haloling boʻlmoq niyat!
Gapim emas kinoyi.
Kelin boʻlsang, boʻlardim
Onajoning kuyovi!

Botir Bannop

2022-yil

@BotirBannop Ochish/sharhlash