2022-09-01 11:04:48
-ishtirokchi
#Eng_yaxshi_boshlangich_õqituvchi
#insho
Boshlang'ich ta'lim -kelajak poydevori
Reja:
1.Ustoz-mitti gullarning bog'boni.
2.Boshlang'ich ta'limning o'zgacha chiroyi.
3.Ta'limning kamalak ranglari va jilosi.
Ustoz!O'qituvchi!Murabbiy!Bu so'zlarning aytilishining o'zi ham hayajonli va sharafli.Maktabning istalgan sinfiga kiring-u bolajonlardan qaysi kasb egasi bo'lishini so'ramang,o'quvchilarning yarmidan ko'pi ko'zlarida quvonch ila:,,ustozimdek ustoz bo'laman"-deya javob berishadi.Mitti qalblarning,mitti gul-lolalarning bog'boni ham ustozdir ,albatta!Boshlang'ich ta'lim fani o'qituvchisi esa u gullarning eng bosh tarbiyachisidir.O'quvchilar maktab sari ilk odimlashar ekanlar,ko'zlarida quyosh nurlaridek chaqnoq nur,yuzlarida shirmon kulchadek go'zallik,qadamlarida esa askar akalarning harbiycha yurishidek shahdamlik aks etadi,go'yo.Prezidentimiz sovg'asini viqor bilan olishadi-yu,go'yoki katta insonlardek daftarlari-yu,kitoblarini asrab-avaylashadi.
Bilimlar kuni!Hayajonli kun!Ilk ustozlarini o'quvchilar ko'rishadi va tanishishadi.Bola ko'ngli o'zgacha entikadi-yu,nurlarini ko'zlar tomon uzatadi.Birinchi saboqlarini bolacha qarash, go'dak erkaligi bilan egallashga kirishishadi .Boshlang'ich ta'lim ustozlari o'quvchilarni chin dildan yaxshi ko'rishi,o'z bolasidek ko'rib,g'amxo'rlik qilishi darkor.Jajji nihollarning qo'llariga ilk bora qalam tutqazib,bor sabr va sabotlari ila ta'lim va tarbiyani birgalikda olib borishlari ,har doim, har makon va har zamonda ham shartdir.Vatanga muhabbat ,oilaga hurmat ,do'stga mehr tuyg'ulari ham ustoz qalbi orqali bola ko'ngil olamiga hadya etiladi.Bolalar esa hadyalarni har doim yaxshi ko'rishgan,albattaki,sovg'alarni katta quvonch bilan sevimli,,qalb maskanlarining "to'rlariga qo'yib qo'yishadi.Boshlang'ich ta'lim misoli katta bir bog', gul-lolalari-bolalar,kapalaklari-kitoblar,quyosh nurlari-yangicha ta'limiy metodlar,kamalak jilosi esa didaktik o'yinlardir.Ba'zida ora -orada asalarimiz ham uchrab qoladi ,bu o'quvchilarimizning ozgina qaysarligi ,o'yinqaroqligidir,mening nazdimda.
Yurtboshimiz Shavkat Miromonvich aytganlaridek:,,Men har doim aytganman va yana qaytaraman.Biz uchun birinchi o'rinda ta'lim ,ta'lim va yana ta'lim turadi".Bu purma'no fikrlar har bir o'qituvchining shiori bo'lmog'i kerak.Har bir o'qituvchi va o'quvchilarning qalblarida Vatanga bo'lgan mehr jo'sh ursagina,biz yanada yangi -yangi marralarni egallaymiz!O'quvchilarimizning qo'liga Hoshimjonning sehrli qalpoqchasi tushib qolsa,undan qanday foydalanishni bilishi ,hamma narsani o'z o'rnida qo'llamog'i lozim.Suvlardan tilla baliqcha chiqib qolgudek bo'lsa ,faqat bilimli bo'lishni so'rashsa ,nur ustiga a'lo nur bo'ladi.Ta'limning jilosi juda ham ko'p ,imkoniyatlari esa xilma-xil.Ustozlik kasbining sharafi har doim qalblarning to'ridadir!!!!!!!O'zbekiston farzandlariga bilim berish ,biz kabi o'qituvchilarni doimo faxrlantiradi.Bu faxr ortida esa yanada chuqur bilim olishimiz va mashaqqatli mehnat qilishimiz lozim!
Qashqadaryo viloyati,G'uzor tumani 12-umumiy o'rta ta'lim maktabining boshlang'ich sinf o'qituvchisi Normo'minova Shalola G'ayrat qizining boshlang'ich sinf o'qituvchilari fan oyligi uchun yozgan inshosi
Murojaat: @BTPK_ADMIN
Kanalga obuna bo'lish:
t.me/Boshlangich_talim_pedagoglari
1.2K views08:04