Bookword.D📖📚

2022-06-29 17:45:42 " Ўқитувчи ва сартарош ".
Ta'lim sohasi nega rivojlanmaydi? Ochish/sharhlash

2022-06-17 18:40:28 USTOZLIK MENGA NIMA BERDI?!

Bugun bu yilgi darslarim yakunlandi. Birinchi ish yilim. Birinchi talabalarim bilan xayrlashdim. Shu o'tgan vaqt ichida o'zimni o'zim qayta tarbiyaladim, o'zimni qayta kashf qildim va bu kasbni tanlab adashmaganimga yana bir marta amin bo'ldim. Talabalarim! Ular bilan birgalashib ko'p qiziq kunlarni o'tkazdik. O'qituvchilik chinakam sharaf! O'quvchilaring sen sabab nimadirga erishganini, nimanidir tushunganini, nimagadir harakat qilganini aytganda, "ustoz sizga juda havasim keladi" degan paytda, "siz eng yaxshisiz" deganida buni butun vujuding bilan his qilasan.
Bir talabam bor. Doim juda homush, o'ziga ishonchi yo'q. Atrofdagilari nazarpisand qilmaydigan... Ruhiy holati o'qishiga sezilarli ta'sir qiladi. Bir kuni darsdan keyin qolishini so'radim, uzoq gaplashdik. Va'dasini oldim, birga harakat qilib, hammaga o'zimizni isbotlashga kelishib oldik. Har dars birinchi bo'lib undan so'rashimni va doim ishonch bilan gapirishini, boshqalarga e'tibor bermay o'z fikrini baralla aytishini tayinladim. Shu kundan e'tiboran qizgina astoydil harakat qila boshladi, yuzida tabassum paydo bo'ldi, men bo'lsa har gal uni maqtab gapiradigan bo'ldim. Bugun darsim tugab talabalar chiqib ketayotgan vaqt yonimga kelib, mahkam quchoqlab, rahmat aytib ketdi. Bir insonning qalbida hayotni qayta uyg'ota olganimdan baxtliman.
Bir talabamning aytishicha, men uning uchun ideal ekanman . (Buni eshitganimda kulib yubordim).
Yana birining aytishicha, men uni nimagadir harakat qilishga o'rgatibman. Maqsadlarini qayta yodiga solibman.
Yonimga kelib, "ustoz, siz bilan esdalik uchun bir o'zim rasmga tushsam maylimi?", deb so'rab, iliq mehrini izhor qilib ketdi ko'plari.
Bularni maqtanish uchun yozmadim. Men ular aytgandek ideal ham emasman. Shunchaki, ular menga bergan bu samimiyliklardan ruhlandim. Ustoz degan nomning naqadar ulug'ligini yanada kuchli his etdim. Mas'uliyatim qanchalik kuchli ekanini, vijdonan mehnat qilishim kerakligini va har bir talabamni sevishim kerakligini angladim. Bir talabamning aytishicha, qattiqqo'lligim sabab meni hech qachon esidan chiqarmas ekan, lekin mana shu qattiqqo'lligim uchun ham meni yaxshi ko'rar ekan . Ularning har bir gapini tinglash qiziq, maroqli. Ustoz bo'lish mana shunday narsa. Har qalbda o'ziga xoslikni ko'ra olish va uni yuzaga chiqarish, nima uchun yashayotganini anglatish, o'ziga bo'lgan ishonchini tarbiyalash va u istasa hamma narsaga erisha olishiga ishontira olish. Men har qanday qonun-qoida, tartib-intizomga tupuraman. Men uchun eng asosiysi mening talabam mendan nimadir olishi va shunchaki kimdir emas, o'zini tanigan, maqsadlari bor inson bo'lib yetishishi. Aks holda hammasi bekor. Ana shunday gaplar... Ochish/sharhlash

2022-06-07 06:05:08 Magistratura vanihoyat tugadi. 98 ball bilan himoya qildim. Qo'llaganingiz uchun rahmat. Endi kitoblarga ham vaqtimiz ko'p bo'ladi

@bookword_D Ochish/sharhlash

2022-06-05 17:42:19 Ertaga magistrlik dissertatsiyam himoyasi. Vanihoyat, magistratura ham nihoyasiga yetib keldi. Ertaga menga omad kerak . Bu dissertatsiya oson dunyoga kelmadi. Buni tushuntirish qiyin (orangizda men bilan birga buni his qilganlar ham bor). Bilasizmi, bu ishning tug'ilishi qanday. Bu dissertatsiyani men "dunyoga keltirdim". Baralla ayta olaman u faqat mening mehnatim deb. 2 yillik sarson-sargardonlik, rahbarsiz qolib o'z g'amini o'zi yeb, qayerdan nimani boshlash kerakligini bilmay boshi qotganda, hamma rahbarli ishlarini osongina bitirib yurganda ham o'zing uchun kurashib, ham mehnat qilib, ham sarson bo'lib dakki eshitganingdagi alamni men bildim, mening 2 o'rtogim bildi. Biz 3 dugona bir-birimizga rahbar bo'ldik, bir-birimizga yelka tutdik, urushdik, yarashdik, muhimi jam bo'lib yakunga yetib keldik. Ertaga mana shu 2 yillik sarguzashtlarimizning mevasini taqdim qilamiz. Ochig'i biroz hayajondaman. Biroq, hammasi yaxshi bo'lishiga ishonaman. Omad tilang
@bookword_D Ochish/sharhlash

2022-05-29 12:47:42 Radiy Fish "Jaloliddin Rumiy". Yana...
Kitob, Rumiy, Shams, Ilohiy ishq (asl ishq) va men.

@bookword_D Ochish/sharhlash

2022-05-20 21:43:10 Beshinchi bobga tezroq yetib kelishni xohlar edim.
Ma'lumot uchun kitobni yarim soat oldin boshladim.

@bookword_D Ochish/sharhlash

2022-05-19 19:34:02 Bu kitobni sotib olganim esingizdami???
Birgalashib o'qiymizmi

@bookword_D Ochish/sharhlash

2022-05-18 23:05:41 Xalq, bugun magistrant qalpog'ini kiyish nasib etdi. Hamma yaqinlarimga jar solib bo'ldim, siz ham mening oilamsiz!
Maqsadim maqtanish emas. Sizga aytar so'zlarim bor. Men oddiy bir qishloq qiziman. Orangizda meni juda ko'pdan va yaxshi taniydiganlar bor, ular bilishadi. Aqlimni tanibmanki, ota-onam menga maqsad qilishni o'rgatishadi, orzular uchun harakat qilishim kerakligini ta'kidlashadi. Shu egnimdagi libosni kiyish orzusi menga necha yillar hamroh bo'ldi. Xudodan shu kunlarni juda ko'p so'raganman. Bir vaqtlar shifokor bo'lsam der edim, biroq bugun ota-onam kasbining egasi bo'ldim. Men talabaligimda nomlarini kitoblarda o'qigan insonlar bilan bir davrada ham talaba, ham hamkasb bo'lish nasib etdi.
Bugun shu libosni kiyganimda yana bir bor angladimki, orzular bir kun baxtimizga aylanar ekan! Qachonki, imkonsiz degan so'zni unutganimizda, Allohdan hech bir e'tirozlarsiz so'raganimizda har bir istagimiz amalga osha oladi. Imkonsizlik haqida unuting, ilm olishdan esa chekinmang.

@bookword_D Ochish/sharhlash

2022-05-17 22:26:10 "Pollianna"dan

@bookword_D Ochish/sharhlash

2022-05-17 22:24:40 "POLLIANNA" KITOBI VA CHINAKAM YASHASH HAQIDA

Bu kitobni juda uzoq qidirdim. @doctorsmind va @kitobsevar_qiz o'qib o'z fikrlarini yozganlarida va kitob rasmnini ko'rganimdayoq ishqim ketgan edi. Kitobni qayerdan topsam bo'lar ekan deb so'raganimda "yosh bolalarning kitobini o'qib bolalikka qaytging kelyaptimi" degan fikrlarni ham eshitdim. Biroq, ko'nglim bu kitob bolalar uchun emasligini sezardi va bugun adashmaganimni baralla ayta olaman.
Asar juda sodda, chindan bolalar tushunishi uchun oson tilda yozilgan, ammo asar mohiyatida hatto kattalar ham bir umr tushuna olmaydigan eng oddiy va achchiq haqiqatlar mavjud. Asarda Pollianna va uning marhum otasi tomonidan o'ylab topilgan "xursand bo'lish" o'yini sabab butun shaharcha va asar qahramonlarining hayoti qanchalik o'zgarib ketganligi, xatto imkonsiz deb o'ylagan vaziyatlarimizda ham xursand bo'lish va shukur qilish uchun albatta sabab topish mumkin ekanligi yoritiladi. 11 yoshli doimo yuzida tabassum porlaydigan va hammaga xursand bo'lish uchun sabab topib beradigan qahramonimiz Pollianna obrazi hamda yashashni unutgan va g'am-qayg'uga botgan asar qahramonlari orqali hayotning eng oddiy haqiqati, baxtli bo'lishning eng oddiy siri – shukur qilish va xursandchilik uchun sabab topa olish insonlar hayotida naqadar ma'no kasb etishi, hayot tarzimizga qanchalik yorug'lik baxsh etishi ko'rsatib berilgan. Asarni o'qir ekansiz 100 lab kattalar uchun yozilgan kitoblarda topa olmaydigan hayotiy o'gitlarni olasiz, bolalikka qaytasiz, kulasiz, yig'laysiz.
Qo'g'irchoqlar o'rniga ehson uchun qo'ltiqtayoqlar olgan payt qo'g'irchoq uchun imkoniyati yo'qligi, qo'g'irchoq o'ynay olmasligiga xafa bo'lish o'rniga qo'ltiqtayoqlar unga kerak bo'lmaganidan xursand bo'lishi kerakligini tushungach Pollianna butun olamga, o'zi uchratgan jamiyki insonlarga bu o'yinni o'rgatishni boshlaydi. O'yinning eng qiziq joyi esa qachonki xursand bo'lish uchun biror bir sabab topilmagan eng og'ir vaziyatlarda ham o'sha sababni topa bilishda edi.
Aslida ham bu qisqa umrimiz davomida biz hayotga qanday nazar bilan qarasak, har bir hodisani qay bir tomondan ko'rsak ana shunga yarasha javob olib yashaymiz. Baxt va baxtsizlikni his etish o'z qo'limizda. Men ham bu o'yinni o'ynashni boshlayman, balki siz ham qo'shilarsiz???

@bookword_D Ochish/sharhlash