2023-04-06 11:52:34
Biografiyangizni noodatiy qilib yozing deyishgandi. Najot taʼlimda ham, shunga oʻxshash savol tushgandi.
"Manda oʻzimni olamim bor. Buni tan olaman, va oʻzimni olamimni yaxshi koʻraman. Boshqalarniki bilan deyarli ishim yoʻq.
Bashang, hasham narsalar man uchun emas. Bu mani tabiatimm Man iPhoneʼni yaxshi koʻra olmayman, ammo uni yomon ham demayman. Manda android smartfonlari bilan qulay. Man telefonni shunaqa qiynab ishlatamanki, yaʼni koʻp funksiyalardan foydalanamanki, iPhone esa bu narsalarni ichiga olmaydi. Unda imkoniyatlar cheklangan.
Mashinaga keladigan boʻlsak, mani umuman mashinam boʻlmasligi mumkin. Bu pul bilan bogʻliq emas.
Uylar, man katejlarni aslida yoqtiraman Lekin nechadir gektar, tomorqali uylarni aytmayabman. Uy bu yashaydigan joy, mehmonxona emas. Manga kam xonali, ixcham, toʻlaligicha barcha imkoniyatlari mavjud boʻlgan uylargina yoqadi.
Taomlarga kelsak, unda ham manga qimmatli steyk, nimadirlar xush kelmaydi. Toʻgʻri va foydali, oddiy, yengil ovqatlarni xush koʻraman.
Sayohatda Dubayni koʻrishni istamayman. Tabiat bilan bogʻliq, noodatiy, diniy tomonlarni olib sayohat qilishni orzu qilaman.
Kiyinishda ham. gucci, polo, qandaydir gʻalati oyoq kiyimlarni istamayman. Manga sport hamda oʻta klassik boʻlgan stil maʼqulroq.
Internetdagi kontentlar, kimdirni kimdir zoʻrlapti, kimnidir oʻldirib ketipti degan xabarlardan koʻnglim ayniydi. Man unaqa yangilik, umuman kontentlarni koʻrolmayman. Kreativ, oʻz sohamga aloqador, original, ishonchli maʼlumotlarni qidirib topaman va kuzatib boraman.
Bosiq va yashirinroq odamlar manda chuqur oʻrin va eʼtibor egallaydi. Introvert insonlarga hurmatim boshqacha. Suhbatlashishda, gʻiybat sifat, bemaʼni hazillar qilishni yoqtirmayman, sevimli narsalarim va xush keladigan xotiralar, qiziqishlar haqida gaplashishni yoqtiraman. Biron muammoga duch kelsam uni yaqin insonim bilan birga gaplashishni istayman. Deyarli hech ham yolgʻiz qolishni istamayman. Mani depressiyaga solib qoʻyadigan narsalar oilam va ilm, dinimdagi narsalar boʻlishi mumkin, boshqa vaqtlarda eʼtiborsizroqman.
Haqqimni talab qilishni yaxshi koʻraman, biroz eʼtibor talabman. Bu borada, davlat odamlari, mashhur odamlar boʻladimi qarab oʻtirmayman.
Yashashdan maqsadlarimni yozib qoʻyganman. Mashina, uchastka toʻy qilib oʻlib ketishni istamayman.
7 oylik tugʻilganman. Uyimdagilarning aytishicha, bu mani hozirgi xarakterga ega ekanligimda katta ahamiyatga ega ekan. Boʻlishi mumkin. Keyin mani sutdan chiqarish juda mushkul boʻlganini, yillar ketganini aytishadi.
Tartib, cheklist, tozalikni yoqtiraman.
Unaqa sirli odam emasman, yashiradigan nimadirlarim ham bor emas. Ammo ochiqlashni istamaydigan bir ikkita narsalarim bor. Hech kimdan, hech narsadan qoʻrqmasdan, oddiy yashab yurishni yoqtiraman.
Muloqotda ham gina saqlab oʻtirmasdan ochiq, borini gaplashishni yoqtiraman. Birinchi kechirim soʻrashdan uyalmayman, gʻururga ham ketib qolmayman. Qarshi tomon man haqimda nima deb oʻylashi deyarli qiziqtirmaydi.
Shifokorlardan koʻrigidan, ogʻriqdan qoʻrqmayman. Sal nimadir boʻlsa ham doktor koʻrigiga yozilaman. Boshimni kesib davolash kerakligini aytishsa ham hop deb turovramn.
Taʼsirchanman, yoshligimdan kino koʻrib ham, multfilm koʻrib ham, nimadirlarni oʻylab ham koʻzimdan yosh sizib chiqaveradi. Bu ojizlik yoki hezalaklik deb hisoblamayman. Qalb, ruh shuni istadimi demak foydali jarayon. Ammo mani xafa qilishdi deb yigʻlab oʻtirmayman. Kimdir qarshimda musht koʻtarib tursa ham koʻzim qimirlamaydi. Bunaqa vaqti yigʻlash esa ojizlik, qoʻrqoqlik man uchun. Ahmoqlik ham.
Dizaynerlikni sevganman, lekin majburan oʻrganganman.
Xullas mani bu qarashlarim maʼqul kelmasligi mumkin. Man atrofimdagilarni oʻzim bilmagan xolda shunday yashash kerak deb targʻib qilib, tasir etib qoʻyar ekanman. Ammo hech kim majbur emas, unday yashamaydigan odamlarni ham qabul qilaman, qisman manga oʻxshagan insonlar bilan yaxshi muloqotda boʻlaman".
Buni yozish jarayoni oʻzim uchun ham ancha qiziq va ahamiyatli, foydali boʻlgandi. Koʻp narsalarni yozmagandim. Oʻzi shundoq ham eng uzun matnni man yozganman.
Sheroz Israel
7 views08:52